Vafilipi 2:13 - KITABU KITAKATIFU

¹³ Nyasaye akolaa imiyinzi mu munyi kazozo kumukola muduuki kuvugilira kandi kuhulira uvulariri vwivwe umwene.

Vafilipi 2:13 Iomraidhean Croise

1 Avami 8:58

Yahova agirung'anyie mioyo jietu jiyeeke kuye, kogenda mu zinzira zizie ziosi kandi kugumira malago geege, likalaga lilie kandi miima jije, ja yalaga vaguuga viitu.

2 Kyetsinyinga 30:12

Nyasaye waali kandi na vandu vi Ivuyuda navahambanyia kuva kindu kilala vaduuki kokora agu mwami navana va vami valaga ku likuva lia Yahova.

Ezara 1:1

Mu muhiga gwu kutanga gwa Sairasi yaali mwami wa Pasia, Yahova yaduukiza agayaali navooye kuvitira ku muporofeti Jeremia. Yakola Sairasi kuhaana lilaga yili kandi aviiki mu mang'oda nu kugatuma galandizwi havundu hoosi mu vwami vwivwe:

Ezara 1:5

Maku aviimiliri vi zihiiri zie Ivuyuda kandi Benjamini, avasaalisi na vandu va Levi, kandi vosi ava Roho wa Nyasaye yaayugiza, vetegeka kuzia kwumbaka uvuhia Litembeli lia Yahova mu Jerusalemi.

Ezara 7:27

Ezara yavoola, “Yahova yizominywi, Nyasaye wa vaguuga viitu! Amali kokora mwami kuvugilira kuhaana luyali ku Litembeli lia Yahova mu Jerusalemi.

Nehemia 2:4

Mwami yandeva, “Ni kindu ki cha wenyaa?” Maku ndaasaara ku Nyasaye wu mwigulu,

Ayubu 33:29

Henza! Nyasaye akoleraa mundu makuva yaga goosi, haali kaviri, kali haali kavaga.

Zaburi 110:3

Ku lidiku lia uzia kulwaana vasigu vovo, avandu vovo valiihaana aveene. Avayaayi vovo valaza ku ivi ku vigulu vitakatifu kuli lime lia mugambazuri.

Zaburi 119:36

Ombe uvuha vwu kuhulira malago googo, kuvita kuva nuvutugi.

Zaburi 141:4

Utaleka mwoyo gwange gukayilwi kokora uvudamanu mba, kandi utaleka mbe ni lihambana harara na vandu vadamanu mu vudamanu vwavo mba, kandi mbule kusanga mu lisangala lie lilia liavo mba.

Tsing'ano 21:1

Yahova aveeye nuvunyari ku zing'anagani ziu mwami kuli yemilira inzira yu mugera.

Isaya 26:12

O, Yahova, ulakuha ligasizwa; vindu viosi viakonyoolaa viveeye miyinzi ja makono googo.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Jeremia 32:38

Maku, valava avandu vange, na inzi ndava Nyasaye wavo.

Luka 12:32

“Mutatia, munyi ichayo change kekekeeke! Baba winyu uyanziziywi kumuha Uvwami yivwo.

Luka 2:14

“Uvukumi voveeye igulu mwigulu ku Nyasaye, ni mirembe mu kivala ku avandu ava ya yaanza!”

Yohana 3:27

Yohana yavavolera, “Mundu sianyala kuva ni kindu nataheeveywi na Nyasaye mba.

Yohana 6:45

Gang'odwa mu vitabu via avaporofeti, ‘Nyasaye aligiza avandu vosi.’ Vuli mundu uhulira Baba na ukwiga kutura kuye, yaazaa ku inzi.

Yohana 6:65

Yameda kovora, “Yiki nicho kivuni ichagira nimuvoolera, ndi avula ho mundu unyala kuuza ku inzi Baba wange natamutovoye.”

Vikolwa 11:21

Zinguru ziu Mwami Nyasaye ziali harara navo, na avandu vanyingi vasuuvira nivagirung'ana kuzia ku Mwami Yeso.

Varumi 12:3

Kigira kihanwa chi zimbavasi zia Nyasaye ku inzi, muvooleraa munyi mwosi: Mutiganagana aveene kuva igulu ligali kuvita kuli gamudukira muve mba. Mu vogono yivwo muve hagati mu zing'anagani zienyu, kandi mwikalagiri aveene kolondekana ne kegero chi lisuuvira lia Nyasaye amali kuhaana ku munyi.

Varumi 9:11

Kali niiva vaali nivakikiri kwivulwa kandi nivakikiri kokora vulahi anoho vudamanu vwulugano Iwosi, na kuduuka ovotovoli vwa Nyasaye vuzizagiliri, sigaveeye kigira imiyinzi ja makono gu mundu, navuzwa kigira ililangwa lilie.

Varumi 9:16

Kunangwa vindu viosi siviveeye kigira vulaliri vwu mundu anoho vikolwa, navuzwa kigira zimbavasi zia Nyasaye.

1 Vakorintho 12:6

Haveeye ho ni zing'ano zinyingi zio kokora miyinzi, navuzwa Nyasaye aveeye mulala uhaanaa vunyali kuavandu vosi kokora miyinzi lugano lugano.

1 Vakorintho 15:10

Navuzwa kigira zimbavasi zia Nyasaye mbeeye kuli mundolaa ndi, kandi zimbavasi zizie siziali zia vuzwa mba. Harara ni yago, ndaayinzira vudinyu kuvita avatumwa vandi vosi; nitali siliali likola liange ligali, navuzwa ziali zimbavasi zia Nyasaye ziayinziraa harara ninzi.

2 Vakorintho 3:5

Sigali kunyi koveeye avadukiru kokora umuyinzi yigu ku zinguru zietu aveene, navuzwa vunyali vwitu vuturaa ku Nyasaye.

Vafeso 1:11

Vindu viosi vekolekaa kolondekana ni lilohiza lia Nyasaye kandi likalaga lilie Nyasaye yakotovola kove avandu veve umwene kuvitira mu Kristo kigira uvulariri vwivwe, kolondekana na aga yaali ni yakalaga kutura mulitanga.

Vafeso 1:5

Nyasaye yaali niyamala kukalaga ndi kuvitira mu Yeso Kristo kunyi kuduuki kuvugilirwa kuva avana veve. Yili liali kandi lienya lilie.

Vafeso 1:9

Nyasaye yakuvuulira agaviswa guvulaliri vwivwe, kolondekana ni lilohiza lilie lilahi lia ya saaviraa kokora kuvitira mu Kristo.

Vafeso 2:8

Gaveeye ku zimbavasi zia Nyasaye, munyi mumali kohonywa kuvitira mu lisuuvira, kandi yaga sigaveeye kigira mativuli gi zinguru zienyu mba, navuzwa keveeye kihanwa cha Nyasaye.

2 Vatesalonike 1:11

Kigira yaga, kumusaalira vuli kazozo. Nyasaye wiitu aduuki kumukola kuva avadukiru mu livamwoyo lia yamulangira komenye. Nyasaye ayaanze atwekizi lienya lienyu liu vulahi, kandi atwekizi miyinzi josi ji lisuuvira.

Vahebraina 13:21

Nyasaye wi mirembe amukole muve avadukiru mu vindu viosi vilahi via mwenya, kunangwa muduuki kokora uvulariri vwivwe; kandi kuvitira mu Yeso Kristo akole mu kunyi imbiri weve. Uvukumi vove kuye mihiga ni mihiga. Amini.

1 Petro 1:3

Yizominywi Nyasaye Baba wu Mwami wiitu Yeso Kristo! Kigira mu zimbavasi zizie zinene, yakuha livamwoyo lihia lwa yasimugukiza Yeso Kristo kutura mu likuza. Yaga goosi gakoheezaa lisuuvirizwa liveeye mwoyo,