Vafilipi 2:12 - KITABU KITAKATIFU

¹² Kunangwa, avalina vange vayanze, kuli mwahulira kutura ku inzi lwa ndaali nimunyi kazozo, kuduuka muhuliri kandi kalunu lwambeeye ihale kutura ku munyi. Muzizagiliri kuyinzira nu vuti kandi ni lidegera kunangwa muduukizi ovohonyi vwinyu,

Vafilipi 2:12 Iomraidhean Croise

Ezara 10:3

Kalunu, gakuduukiraa kolombe lilagana na Nyasaye wiitu ndi kulakunga avakali yava vosi harara na vana vaavo. Kulakola aga ivi kandi aga yavo avatia malago ga Nyasaye vakovolera kokole. Kulakola kolondekana ni lilaga lia Nyasaye.

Zaburi 119:120

Mbeeye nuvuti vonene kigira ivi; nzizuuyi uvuti kigira likalaga liilio.

Zaburi 2:11

Mutumikiri Yahova nuvuti; mumutumikiri nilidegera;

Tsing'ano 10:16

Amadanyi gelikola vulungi ni livamwoyo, navuzwa vwoni vuletaa vudamanu vunyingi.

Tsing'ano 13:4

Mundu mugata niyenya kindu si alakenyoola mba, navuzwa mundu mugulu alanyoola choosi chayenyaa.

Isaya 66:2

Inzi mwene ndaalomba ligulu ni lirova! Nyanzizangwa na yavo avaveeye avahocha na aviliegehiza, avatizaa nukuhulira inzi.

Isaya 66:5

Muhuliri icha Yahova avoora, munyi avamutizaa nukumuhulira: “Kigira muveeye avasuuvirifu ku inzi, valala ku vandu vinyu vene vamudunyira na sivalava ni cha vamukola mba. Vamukolera kehenyahenye nivavoora; ‘Leka Yahova amanyie ovonene vwivwe na amuhonyie, kunangwa kuduuki kolola munyi nimusangara.’ Navuzwa yavo aveene valava muzisoni!

Matayo 11:12

Kutura ing'inga ya Yohana Mubatizi yilwaza makuva geege kuduuka lero, Uvwami vwu mwigulu vwasalirizwa vululu ligali, kandi avandu vi zinguru nivo avagerizaa kuvuvugula kuzinguru.

Matayo 11:29

Mugiingi iniira yange, mwikutula ku inzi, kigira inzi mbeeye muhooma nu muhocha mu mwoyo; na munyi mulanyola ovososi mu mioyo jinyu.

Vikolwa 16:29

Lwa yamala kulanga mundu aleete itaya, musikari oyo yingira mu vwangu, naagwa hasi, nasigama ha virenge via Paolo na Sila, na adegera nu vuti vonene.

Vikolwa 9:6

Navuzwa kalunu vuka, wingiri mu lidaala uwa umanya ovoolerwe amakuva aga udukana okole.”

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

1 Vakorintho 2:3

Kunangwa lwa ndaaza ku munyi ndaali mudedekere, kandi nendegera muviri gwosi nu vuti vonene;

1 Vakorintho 4:14

Si ng'odi vindu yivi kigira kumuleganyia, navuzwa kumwiganihiza kuli avana vayaanze vange.

2 Vakorintho 7:15

Kunangwa uvuyanzi vwivwe ku munyi vomedeka ligali lwa yizuliza kuli munyi mwosi mwali nimwetegeki kuhulira amigizu geege, kandi kuli mwamwingiriza nu vuti vunyingi, kandi ni lidegera.

Vafeso 6:5

Munyi avatugwa muhaane luyali ku vanene vinyu vu mu lirova kandi muvatie ligali. Mukore ndio nimioyo jinyu josi kuli mukutumikiraa Kristo.

Vafilipi 1:27

Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.

Vafilipi 1:29

Munyi muheveywi uvwiyangu vwukutumikira Kristo, sigaveeye ku lisuuvira muye lienyine, navuzwa kandi kigira ilisalira kigira Kristo.

Vafilipi 1:5

kigira ovokonyi vwinyu ku inzi mu miyinzi ju kulandiza Ivangeri kutura lidiku liukutanga kuduuka lero.

Vafilipi 1:6

Mbeeye ni lisuuvira ligali ndi Nyasaye watanga miyinzi milahi yiji mu munyi, alazizagilira najo kuduuka ajitwekizi ku Lidiku lia Kristo Yeso.

Vafilipi 2:19

Suuviraa, Mwami Yeso nayanza, ndava ninduma Timateo ku munyi vwangu, nduuki koleminywa umwoyo na makuva ginyu

Vafilipi 4:1

Kunangwa, vamiitu vange, munyi muveeye avayaanze vange mbeeye na mahooru kolola munyi ligali! Munyi mungolaa kuva nu vuyanzi kandi nzekonyaa kigira munyi. Gamudukira musingiri vudinyu mu Mwami.

Vafilipi 4:15

Munyi Avandu va Filipi mumanya vulahi ligali lwa ndaatula Makedonia, mu madiku gu kutanga gukwilwaza Ivangeri, ni munyi veng'ine avamwangoonya. Nimunyi veng'ine vandetera vihaanwa.

1 Vatesalonike 1:3

Kumwizulizaa mu lisaala lietu ku Nyasaye wiitu kandi Baba kuli muviika lisuuvira lienyu mu vikolwa, kuli vuyanzi vwinyu vomukolaa kuyinzira vudinyu ligali kandi kuli lisuuvirizwa lienyu mu Mwami wiitu Yeso Kristo liveeye lidinyu ligali.

Vahebraina 12:1

Kunangwa, kigira, kukumbiriziywi nikiduma kenene cha valolekizi, gendi kuviiki halovega misigo josi miliduhu jinyala kukwigalira kandi vwoni vuhandaa kukunyi vudinyu ligali, kandi gendi kunyaguli mu ligerana liviikiywi imbiri wiitu nuvwikuziri.

Vahebraina 4:1

Kunangwa, Nyasaye yakuha lisuuvirizwa ndi kunyala konyoora vosoosi vwa yamoloma amakuva gavwo. Gakuduukiraa kohenze vulahi, gase mulala ku munyi alanyooleka natanyooye vosoosi vwasuuvirizwa yivwo.

Vahebraina 4:11

Kunangwa, gendi kwidinyirizi konyoole vosoosi yivwo kunangwa mulala ku kunyi avuli kugwa kuli yavo vaagwa kigira vavura kuva ni lisuuvira.

Vahebraina 5:9

Lwa yakolwa muduukiru, yagwa uvutangiliru vwo vohonyi vwi mihiga ni mihiga ku yavo vosi avamuhulira nukumutia.

1 Petro 2:11

Avalina vange avayaanze, ng'oonya munyi kuli avageni kandi avamenya mu kivala yiki, mwiyahuli ku likayirwa liu muviri, ilihing'anaa nu mwoyo vuli Iwosi.

2 Petro 3:18

Navuzwa muzizagiliri kuviruka mu zimbavasi novogeri vwu Mwami wiitu nu muhonyi Yeso Kristo. Uvukumi vove kuye, kalunu kandi mihiga ni mihiga! Amini.