Vafilipi 1:27 - KITABU KITAKATIFU

²⁷ Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.

Vafilipi 1:27 Iomraidhean Croise

1 Kyetsinyinga 19:12

Joabu yamuvolera, “Nolola vandu va Siria ni vanguuta, hamba ongonye, kandi niiva vandu va Amoni valava nivakuguuta inzi ndaaza kukokonya.

Zaburi 122:3

Jerusalemi liumbakwa kuli lidaala, liahambanywa harara kwagana harara muvuhambani.

Zaburi 133:1

Henza kuli voveeye vulahi, kandi kindu chukuyaanziza ku avandu va Nyasaye, komenya harara mu vuhambani!

Tsing'ano 22:23

Yahova alasingilira kiyaalo chavo, kandi alalanya yavo avalanyaa avadaka.

Jeremia 32:39

Ndavaha mwoyo mulala, kandi liiva lilala, vaduuki kutia inzi mihiga ni mihiga, ku vulahi vwavo aveene, kandi ku vulahi vwi visukululwi vaavo.

Matayo 12:25

Yeso yamanya zing'anagani ziavo, navavoolera, “Uvwami vwosi uvwavukanaa uvwene, vwonekaa ma vugwa; si vunyala kusingira mba. Amadara goosi anoho zinyumba ziosi iziavukanaa nukulwana iziene zilagwa ligali.

Vikolwa 2:46

Amadiku goosi vahongera kuvugana mu Litembeli, navuzwa ing'inga yo komeganyia mugadi, vavugana mu zinyumba ziavo, ni vasanga viukulia viavo nu vuyanzi kandi ni mioyo jaali ligali.

Vikolwa 24:24

Inyima wa madiku makekeeke, Felikisi yaza harara nu mukali weve Durusila uwaali mukaana wa Herodi Aguripa 1. Yalanga Paolo aleetwe; naahuliriza Paolo namolomaa ku makuva gi lisuuvira mu Kristo Yeso.

Vikolwa 4:32

Kiduma choosi cha vandu vasuuviri vaali harara nu mwoyo mulala kandi niziganagani zindala. Sihaaliho nu mundu kali mulala kuvo uwalola kindu cha aveeye nacho kuva ni chiche yeng'ine mba. Navuzwa vasanga nukugavulana vindu viosi via vaali navio keleng'ani.

Varumi 1:16

Simbeeye soni ni Ivangeri ya Kristo mba, kigira eveeye zinguru zia Nyasaye kohonyia vosi avasuuviraa; Avayuda kutanga, kandi Avizihiiri.

Varumi 1:5

Kuvitira muye, Nyasaye yahaana ku kunyi zimbavasi kuva avatumwa kigira Kristo, kuduuki kwimilira nukulanga avandu vi zihiiri ziosi vaduuki kusuuvira nukutia.

Varumi 1:9

Nyasaye wa inzi ndumikiraa numwoyo gwange gwosi mu Iilwaza Ivangeri yu Mwana weve, aveeye mulolekizi wange ku gambolaa kigira gaveeye giligali. Nyasaye amanyi vulahi ndi inzi nzizuliza munyi vuli kazozo.

Varumi 10:8

Icha gavoora ni yiki: “Likuva lia Nyasaye liveeye ahimbi niivi, liveeye mu munwa gugwo, kandi mu mwoyo gugwo,” - nalio liveeye likuva lie lisuuvira lia kwilwazaa.

Varumi 15:16

nduuki kuva mutumikiri wa Yeso Kristo ku vandu vizihiiri. Ndumikaa kuli musaalisi mu lilwaza makuva malahi kutura ku Nyasaye, ku vandu vizihiiri vaduuki kuva isadaka ivugilirwa na Nyasaye, kandi kihanwa chatakaswa na Roho Mutakatifu.

Varumi 15:29

Manyi vulahi ndi lwa ndiza ku munyi, ndakaaze mu vuduukiru vwosi vwu vugasu kutura ku Kristo.

1 Vakorintho 1:10

Avaamitu vange, mugoonyaa ligali mu lieta liu Mwami wiitu Yeso Kristo ndi, vosi muvugilirizane aveene naveene mu goosi ga muvooraa, muve kindu kilala vosi kunangwa muvuli kuva ni liavukana hagati hinyu. Muhambane muve kindu kilala ligali mu zing'anagani kandi mu likalaga lilala.

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

2 Vakorintho 13:11

Mulimalirika avaamitu vange, mutigale! Mwenye vudukiru; muhuliri ligoonya liange. Muhulirizane aveene na vene; mumenye mu mirembe. Nyasaye wuvuyanzi kandi wi mirembe ave harara ni munyi.

2 Vakorintho 4:4

Sivasuuvira kigira ziganagani ziavo ziamenya mu kisundi chu munyasaye wi lirova yili. Avakolaa ndio kunangwa vavuli kolola uvulavu vwi Ivangeri yu vukumi vwa Kristo oveeye liiva lie ligali lia Nyasaye.

2 Vakorintho 9:13

Kigira mativuli gu vutumiki vwinyu yivu, avanyingi valakuminya Nyasaye kigira lihulira lienyu liu kwiyama Ivangeri ya Kristo kandi kigira uvuhaani vwinyu kuvo nu ku vandu vandi vosi.

Vagalatia 1:7

Mugiligali gene, sihaveeyeho ni “Ivangeri yindi mba”, navuzwa mboraa yaga kigira vaveeye ho avandu valala avamunyangizaa, kandi avagerizaa kugirung'anyia Ivangeri ya Kristo.

Vafeso 1:13

Munyi kandi mwagwa avandu va Nyasaye lwa mwahulira likuva lia giligali lie Ivangeri iyamuleetera vohonyi. Mwasuuvira mu Kristo, kandi Nyasaye yavika muhuri gwigwe kumanyia ndi munyi muveeye vandu aveeve, ku limuha Roho Mutakatifu wa yasuuviriza.

Vafeso 1:15

Kutura nimbulira lisuuvira lienyu mu Mwami Yeso, nu vuyanzi vwinyu vwa muveeye navwo ku vatakatifu vosi,

Vafeso 4:1

Kunangwa, inzi oveeye muhambe kigira ndumikiraa Mwami, mugoonyaa mumenye kolondekana ni liiva lia Nyasaye yaviikaho lwa yamulanga.

Vafilipi 1:5

kigira ovokonyi vwinyu ku inzi mu miyinzi ju kulandiza Ivangeri kutura lidiku liukutanga kuduuka lero.

Vafilipi 2:12

Kunangwa, avalina vange vayanze, kuli mwahulira kutura ku inzi lwa ndaali nimunyi kazozo, kuduuka muhuliri kandi kalunu lwambeeye ihale kutura ku munyi. Muzizagiliri kuyinzira nu vuti kandi ni lidegera kunangwa muduukizi ovohonyi vwinyu,

Vafilipi 2:24

Mbeeye ni lisuuvira mu Mwami inzi mwene ndi ndaaza nzizi ku munyi vwangu ligali.

Vafilipi 3:18

Ndaamara kumuvolera amakuva gaavo haali kanyingi ulwimbiri, kandi kali kalunu nziraniraa kumuvolera na amaliga: vaveeye ho na avandu avanyingi avaveeye avasigu vu musalaba gwa Kristo.

Vafilipi 3:20

Nitali, kunyi, koveeye avuluhia lwu mwigulu, kandi kulindiliraa Umuhonyi wiitu, Mwami Yeso Kristo, ni liegomba linene yaaze kutura mwigulu.

Vafilipi 4:1

Kunangwa, vamiitu vange, munyi muveeye avayaanze vange mbeeye na mahooru kolola munyi ligali! Munyi mungolaa kuva nu vuyanzi kandi nzekonyaa kigira munyi. Gamudukira musingiri vudinyu mu Mwami.

Vakolosai 1:10

Maku mulamenya mu liiva liu Mwami yenya kandi mulakola ikiyaanzizaa umwami kazozo. Mu limenya lienyu liosi mulakola zing'ano ziosi zie vikolwa vilahi, kandi mulaviruka mu limanya Nyasaye.

Vakolosai 1:4

Kigira kumali kuhulira lisuuvira lienyu mu Kristo Yeso, nu vuyanzi vwinyu vwa muveeye navwo ku avandu va Nyasaye vosi,

1 Vatesalonike 3:6

Kalunu Timateo amali kuuza, kutura ku munyi na akovooleeye amakuva malahi gilisuuvira, novuyaanzi vwinyu. Amali kokovoolera kuli mwizulira kunyi kazozo, nu kwekomba kolola kunyi, kuli kunyi kandi kwegomba kolola munyi.

1 Vatesalonike 4:1

Mu limaliriza, avaamitu, viitu, mwigi kutura ku kunyi kuli gamuduukira komenya kunangwa muduuki kuyaanziza Nyasaye. Nindio mwamenyangi kandi kalunu kumugoonya nu kumwiganihiza mu lieta liu Mwami Yeso mumeede kokora ndio ligali.

Tito 2:10

vatiiva kutura kuvo, navuzwa vamanyie uvusuuvirifu, kunangwa vaduuki kuhaana luyali ku amigizu ga Nyasaye Muhonyi wiitu ku vindu viosi.

Filemona 1:5

kigira mbulira amakuva goosi guvuyaanzi vuvwo ku vandu va Nyasaye vosi kandi lisuuvira lia oveeye nalio mu Mwami Yeso.

Yakobo 3:18

Ligesa lia amakuyu gu vulungi limizwa mu mirembe na yavo avayaanzaa koleta mirembe.

2 Petro 3:11

Kigira vindu yivi viosi vilakadivizwi munzira ndala nzere, gamudukira kuva avandu vu lugano ki? Gamudukira komenya mu liiva litakatifu,

2 Petro 3:14

Kunangwa, avalina vange, lwa mukilindilira Lidiku yilio, mukore zinguru ligali muve avasereze, vugira imbara imbiri wa Nyasaye kandi muve ni mirembe naye Nyasaye.

Yudasi 1:3

Avalina vange avayaanze, ndaali nu vuha ligali kumung'odera amakuva kigira vohonyi vwa kwosi kusangaa mu, lwa ndalora ndi gandukira mung'odere vwangu kumudinyiriza muzizagiliri kulwaanira lisuuvira lia Nyasaye amali kuhaana ku vandu veve.