Vafeso 5:8 - KITABU KITAKATIFU

⁸ Maziambiri, munyi mwali mu kisundi, navuzwa kalunu muveeye nu vulavu mu mwami; kunangwa kuduuka mumenye kuli vana vu vulavu.

Vafeso 5:8 Iomraidhean Croise

Zaburi 74:20

Wizulizi lilagana lia walomba ni kunyi. Haveeye ho nuvutindi vuli havundu hi kisundi mu kivala.

Isaya 2:5

Kalunu, ivisukulurwi via Yakobo, hambi kogende mu vulavu vwa Yahova akuheezaa!

Isaya 42:16

“Ndimilira avandu vange avavoku, kandi ndavamanyia inzira ya vakikiri kolonda ku. Ndagirung'anyia kisundi chavo kugwa uvulavu, kandi ndalungikiza kivala keveeye chamajichi kuva kilahi imbiri wavo. Yili nilio lisuuvirizwa liange ku vandu vange, kandi sindavaleka mba.

Isaya 49:6

Yahova yambolera, “Mbeeye ni miyinzi minene ku ivi, mutumikiri wange. Sigaveeye nu kwilanyia avandu va Isiraeli avatigara mba, navuzwa ndakokola kandi ove kuli uvulavu ku zihiiri ziosi, kunangwa avandu vosi ku lirova vaduuki kohona.”

Isaya 49:9

Ndavolera avahambe ndi, ‘Muve avavoholore!’ Kandi ndavolera yavo avaveeye mu kisundi ndi, ‘Hambi mu vulavu!’ Valakave kuli amagondi gaveeye nu vwayiru ku vigulu.

Isaya 50:10

Nivwaha ku munyi wegehizaa ku Yahova, kandi uhuliraa amakuva gu mutumikiri weve? Oyo ogeendaa mu kisundi, kandi utaveeye mu vulavu, navuzwa asuviraa mu lieta lia Yahova, yeredaa ku Nyasaye weve?

Isaya 9:2

Avandu vagenda mu kisundi vamali kolola uvulavu vonene ligali. Vamenya mu kivala chi viliri, navuzwa kalunu uvulavu vumulikaa kuvo.

Jeremia 13:16

Uhaane luyali ku Yahova, Nyasaye winyu, nakikiri koleta kisundi, kandi nukikiri kwisigatira ku vigulu; nakikiri kugirung'anyia uvulavu vwa wasuuviramu kugwa kisundi kenene.

Matayo 3:8

Gamudukira mukore ivikolwa vimanyia ndi mumali kwiganira.

Matayo 4:16

Avandu vaali nivamenya mu kisundi valoli uvulavu vonene. Kandi yavo avaamenyaa mu kivala chi chiriri chi likuza, uvulavu vong'ereng'ani kuvo!”

Luka 1:79

Vong'ereng'ane ku yavo vosi avamenyaa mu kisundi kenene chi chiriri chilikuza; kwimilira virenge vietu munzira yi mirembe.”

Luka 16:8

“Kunangwa, mwami yizominya mulindi utaali umusuuvirifu oyo; kigira yatumikira vugadi. Avandu vikivala yiki vaveeye novogeri vwu uvugadi ku makuva gaavo kuvita avandu vuvulavu.”

Yohana 1:9

Yivwo nivwo uvulavu vwi ligali; uvulavu vuzaa mu kivala kwaaka ku vuli mundu.

Yohana 12:35

Yeso yavavolera, “Uvulavu vukikiri ni munyi ku ing'inga engekeeke. Gendi lwa mukikiri mu vulavu yivu kunangwa; kisundi kivuli kumunyoola, kigira ogendaa mu kisundi siamanyi wazizaa mba.

Yohana 12:36

Kunangwa, ing'inga yamukikiri nuvulavu, musuuviri mu vuvulavu muduuki kuva avana vu vulavu.” Inyima wokovoola amakuva yaga, Yeso yazia niyivisa mwene kutura kuvo.

Yohana 12:46

Inzi mali kuuza mu kivala kuli uvulavu. Kunangwa mundu kuvoosi usuviraa mu inzi avuli kutigala mu kisundi.

Yohana 8:12

Yeso yavavolera kandi, “Inzi niyie uvulavu vwa avumukivala. Uyu onondaa sialagenda mu kisundi mba, navuzwa alava nu vulavu vuhaana livamwoyo.”

Vikolwa 17:30

Nyasaye yayivilira zing'inga ziavandu vavura, kumumanya, Navuzwa kalunu, alaangaa avandu vosi, havundu hoosi, viganiri.

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Varumi 1:21

Kali niiva vamanya Nyasaye aveeye ho, navuzwa sivamukuminyaa kuli aveeye Nyasaye, anoho sivamusandizaa mba. Mu vogono vwo kokora ndio, zing'anagani ziavo ziagirung'anywa kuva vuzwa, ni mioyo jaavo juvusiru jayizula kisundi.

Varumi 13:12

Uvudiku vufezaa ligali, nu muvasu goveeye ahimbi. Kunangwa leki kuviiki ihale vikolwa vie kisundi, na kuvuguli viuma viu kulwaana mu vulavu.

Varumi 2:19

kandi niiva oveeye ligali ni limanya ndi ivi mwene oveeye umwimiliri ku vavoku, na uvulavu ku vandu vosi avaveeye mu kisundi,

1 Vakorintho 1:30

Nyasaye aveeye uvutangiliru vwi livamwoyo lienyu mu Kristo Yeso; wa yakola kuva ovogeri vwitu, uvulungi vwitu, uvutakase vwitu, kandi ovohonyi vwitu.

2 Vakorintho 3:18

Kunyi vosi avakwavula kufuumwa mu moni mwitu, kumanyia uvukumi vwu Mwami. Uvukumi zana yivwo vuturaa ku Mwami oveeye Roho akugiruganyia kuva mu liiva lia higulu ligali mu vukumi.

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

2 Vakorintho 6:14

Mutahambani mulikola lienyu harara na vatasuuvira mu Kristo kigira yaga siganyala kunyalika mba. Haveeye na lisanga ki hagati hu vulungi nu vudamanu? Anoho haveeye na lisanga ki hagati hu vulavu ni kisundi?

Vagalatia 5:25

Nikuva nikoveeye mwoyo mu Roho, gendi kogende mu zinguru zia Roho.

Vafeso 2:2

Ing'inga yeyo mwamenya kolondekana ni liiva lidamanu lie lirova, Kandi mwaloonda nukuhulira liiva lio mwami wa mademoni gi zinguru mu vwerefu, mademoni gamiihaa avandu avatahuliraa Nyasaye.

Vafeso 4:18

avovogeri ni limanya liavo viveeye mu kisundi. Sivaveeye ni lisanga mu livamwoyo lia Nyasaye ahaanaa mba; kigira livula kumanya kandi kuva ni mioyo midinyu.

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

Vafeso 6:12

Uvulwani vwitu sivoveeye ku avandu, navuzwa ku mahi ga mademoni gu muvwerefu, uvwamihi, uvunyali kandi ku yavo avamiiha kivala chi kisundi yiki,

Vakolosai 1:12

musandiza Baba, umali kumuvugilira kusanga mu miandu juvugasu vwa Nyasaye yavikira Vakrisitayo veve mu vwami vwu vulavu.

Vakolosai 1:13

Nyasaye yakohonyia kutura mu Zinguru zie kisundi, nakoleeta mu mirembe mu Vwami vwu Mwana weve umuyanze;

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

1 Yohana 1:7

Navuzwa ni kogenda mu vulavu kuli mwene aveeye mu uvulavu, kunyi koveeye ni lisanga aveene na aveene; kandi amasahi ga Yeso Kristo mwana weve gakwogizaa uvwoni vwosi.