Vafeso 5:3 - KITABU KITAKATIFU

³ Kigira munyi muveeye vandu va Nyasaye, sivaveeye vulahi amakuva goosi go voheyi, anoho komenya mu miima midamanu jovoheyi, anoho likayirwa, nu uvuviti vitalwe hagati hinyu kali hakuzu mba.

Vafeso 5:3 Iomraidhean Croise

Zaburi 10:3

Mundu muchamu yiyizominyiraa ku likayirwa lilie lidamanu, mundu wi liegomba linyingi alaama kandi asuraa Yahova.

Zaburi 119:36

Ombe uvuha vwu kuhulira malago googo, kuvita kuva nuvutugi.

Kutwula 18:21

Navuzwa komeeda kugene yago, otovole ku vandu vosi avanyala kuva avuvunyali kandi avatia Nyasaye kandi avasuuvirifu, vatanyala kuvugura viambeti mba. Uvatovole kuva aviimiliri ku zielefu, ku zimia, ku amusini na ku amakomi.

Kutwula 20:17

“Mundu ategomba inyumba yu mutende mba; atakayirwa mukali weve mba, anoho mutugwa muyaayi anoho mukaana weve mba, anoho eng'ombe, nisukili mba anoho kilala ku viosi viaveeye navio mba.”

Kutwula 23:13

“Muhulirizi vindu viosi via inzi, Yahova, mali kovora ku munyi. Mutasaala ku vanyasaye vandi mba; kali mutatala amita gaavo mba.

Tsing'ano 28:16

Mwamihi utaveeye ni limanyiriza, aveeye mudambizi mululu, navuzwa oyo usulaa vuchamu alamedwa madiku gelimenya lilie.

Jeremia 22:17

Navuzwa unyala vuzwa kukayirwa lienya liilio umwene; witaa avandu vataveeye nimbala kandi mu kilage udambiza avandu vovo Yahova umali kovora.

Jeremia 6:13

Siavuli mundu, mukuzuzu ku munene agerizaa kwenyolera mabese muinzira itaveeye yuvusuvilifu; kali kuli avaporofeti navasaalisi vagada avandu.

Jeremia 8:10

Kulwayago ndahaana milimi jaavo ku avandu vandi kandi avakali vaavo valahevwa avasaza vandi. Vuli mundu, munene kandi mukekeeke alageriza kolomba amabesa munzira itaveeye isuuvirifu. Kali avaporofeti na avasaalisi vagada avandu.

Ezekieli 33:31

Kunangwa avandu vange vazaa kuhulira makuva aga oveeye nago, navuzwa si vakora aguvavoolela vakole mba. Vavoola makuva gu kuyaanziza, navuzwa vazizagiliraa muliiva liavo liokolomba vukala vunyingi.

Kyavalevi 15:18

Inyima wumusaza kuva harara numukali, kuduuka vombi visingi na mazi, na valava vadamanu kuduuka hamugorova.

Mika 2:2

Lwa vakayirwa imilimi, vajivugula; lwa vakayirwa zinyumba vazivugula; vadambiza umundu na avinyumba yeye, nu kuvugura miandu jije.

Livalidza 25:1

Lwa vandu va Isiraeli vaali nivamenyi Shitimu, avasaza vatanga likora voheyi na vakali va Moabu.

Matayo 15:19

Kigira mu mwoyo gwigwe zing'anagani zindamanu zitulaa mu, izimwimiliraa ukwita, okoheya, kandi okokora ikifwavi chi zing'ano ziosi; kunuura, koveha nu kugina avandi vandi.

Luka 12:15

Kunangwa, yavavolera vosi, “Mwilindi kandi mugerihi ku likayirwa liu vuviti liosi; kigira livamwoyo liu mundu silivezaa kigira vunyingi vwi vindu via aveeye navio mba.”

Luka 16:14

Lwa Avafarisayo vahulira, amakuva yaga goosi, vaakolera Yeso kehenyahenye kigira vayaanza mabese.

Vikolwa 15:20

Navuzwa kuvang'odere ibarwa kuvavoolera ndi vatalia viukulia vikoleywi vidamanu ku lihaanwa ku misambwa ja vanyasaye mba; valeke ovoheyi; vatalia inyama yoosi imigiywi, kandi vatanwa amasahi.

Vikolwa 20:33

Inzi sindaakayirwa kali hakuzu ifeza yu mundu anoho zahabu anoho zinguvu.

Varumi 1:29

Vizuyi zing'ano ziosi zie kivihiri, uvudamanu, uvuhuvaali, likayirwa iviaveene kandi uvwoneku. Vayizula embodoka, uvwiti, zimbemba, uvukubani, lihing'ana, uvugadi, zing'anagani zindamanu na amanyego; vamonyanaa,

Varumi 16:2

Mumuvugiliri mu lieta liu Mwami, kuli gaduukiraa Avakristayo vache, kandi muhaane kuye ovokonyi vwosi vwa yakava niyenya kutura ku munyi; kigira mwene yaveyange mulina wovokonyi ligali ku vandu vanyingi, kandi ku inzi mwene.

Varumi 6:13

Anoho mutaleki kali kevero kilala chi miviri jinyu kuva kiju cho kokora vudamanu nuvwoni mba. Navuzwa mwihaane ku Nyasaye kuli vandu vasimugukizwa kutura mu vakuzu, muhaane vivero vienyu viosi ku Nyasaye ku kivuni chuvulungi.

1 Vakorintho 10:8

Kutakola voheyi kuli valala kuvo vaakora, ma nivakuza ku lidiku lilala vandu izielefu sirini na tatu mba.

1 Vakorintho 5:1

Kalunu gamali kulanda ligali ndi muveeye ni kifavwi cho voheyi hagati hinyu. Voheyi voveeye vudamanu ligali kuvita kali uvundi vwosi vutaveeye ku hagati ha yavo avatamanyi Nyasaye. Mali kovoolerwa ndi, umundu aheyaa na mama weve wakaviri.

1 Vakorintho 6:13

Mundu wundi anyala kovora, “Chukulia keveeye kulwi inda, na inda eveeye kulwi chukulia.” Vulahi; navuzwa Nyasaye alakadiviza viombi viviri. Muviri sigunyala kutumikirwa ku kifavwi chovoheyi mba, navuzwa kutumikira Mwami; Mwami alindaa miviri jietu.

1 Vakorintho 6:18

Mwerehe ligali ku voheyi. Uvwoni vundi vwosi vwu mundu akolaa voveeye ichova wu muviri gwigwe; navuzwa mundu okolaa vwoni vwo voheyi, yoona ku muviri gwigwe umwene.

2 Vakorintho 12:21

Mbeeye nu vuti ndi lwa nanzizi yaho ing'inga yiza, Nyasaye wange alakandeganyie imbiri winyu, na ndakasiome kigira vunyingi vwa yavo avaakoraa vwoni mu madiku gaavita, navuzwa sivayiganira vindu vidamanu kandi vwoni vwosi vwo voheyi vwa vaakora mba.

Vafeso 5:12

Ziveeye zisoni kali kovora vindu via vandu vatatizaa Nyasaye vakora mu vwivisu.

Vafeso 5:5

Kigira yaga muve nilimanya ligali ndi, umuheyi woosi anoho utaveeye munifu mu miima, muhuvaali, wi vifananyi mukayirwi, siaveeye nilisanga mu vwami vwa Kristo kandi vwa Nyasaye mba.

Vafilipi 1:27

Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.

Vakolosai 3:5

Kunangwa gamuduukira mutuliziho liegomba liosi livivero vienyu iviveeye mumunyi kuli ovoheyi, kifavwi, liegomba lio muviri, kandi iliaduka mu muviri ni likayirwa lidamanu, kandi kusigamira vifananyi.

1 Vatesalonike 4:3

Yivu nu vulaliri vwa Nyasaye, munyi muduuki kutakaswa; mwerehe kutura ko voheyi.

1 Vatesalonike 4:7

Nyasaye siyakulanga komenye mu voheyi, navuzwa uvutakatifu.

Tito 1:11

Kuduuka amakuva gaavo gagaywi, vakiring'ane kigira vadiviza vandu avizinyumba vosi na amigizu gaavo ga vigiza ivindu vitaduukanaa kwigiza; kigira lienya vaavo litaveeye lisuuvirifu liu kwenyolera mabese.

Tito 1:7

Muheenzi wi likanisa aveeye mulindi wi miyinzi ja Nyasaye; gamudukira ave mundu utaveeye nimbara. Atava mutindi, anoho wuvutima vwa vwangu; atava muhambiki, anoho mukubani, atava mukayirwi, utaveeye musuuvirifu ku mabese anoho mwimani mba.

Tito 2:3

Wigizi kandi avakeere vave nuluyali lulahi mu miima jaavo; vatava avahuzirizi, anoho avayaanzaa amalwa. Gavadukiraa vigizi agaveeye amalahi.

Vahebraina 12:16

Muhenze vulahi, gase alava ho nu mulala ku munyi oveeye ni kifavwi chovoheyi anoho uvula kutia Nyasaye kuli Esau, wagamana uvulungi vwivwe kuli muyaayi munene ku chukulia.

Joshua 7:21

Ku vindu via kwalaanya ndaalora likoti lilahi ligali lia Babiloni, ahimbi zikilo ziviri zie ifeza, kandi kedonye chi izahabu chuvulitu uvuvitaa inusu yi kilo. Ndaavikayirwa ligali ma nimbivugula. Ulavinyoola niviayavilwa musi mu lihema liange, ifeza neveeye ku lwaalo.”

1 Petro 5:2

Mugoonyaa ligali, mwaaye ichayo cha Nyasaye yamuha kulinda kandi mukindu nu vwihaani. Gatava ku linigwa, navuzwa ku mwoyo gwu vuyanzi kuli uvulariri vwa Nyasaye; Gatava kigira linyola mitungu, navuzwa mukore nu mwoyo gwu vwihaani.

2 Petro 2:10

kandi kuvita ligali, yavo avalondaa likayirwa lio muviri, nukuchaya uvunyali vwa Nyasaye. Avigizi vuvugadi yava vaveeye nu vuluviliri kandi vikirage, na sivamanyia uluyali kuyavo avuvukumi mwigulu mba; navuzwa vavanyegaa.

2 Petro 2:14

Sivenyaa vaheenze ku kindu kindi mba, navuzwa avakali vaheyi venyine; kandi liegamba liavo ku likora uvwoni siliveeye ne keheri mba. Vagoonya nu kwimilira avandu vadedekere kwingira mu mutego gwu uvwoni. Imioyo jaavo jaanalizwa kuva mu vuhuvaali. Nyasaye yavalaama!

2 Petro 2:3

Mu likayirwa liavo lio vuviiti vigizi vuvugadi yava vukala ku munnyi kigira amakuva gaavo gu vugadi. Mukalagi wavo umali kwetegeka kandi mudivizi wavo siagonaa mba.

Likunula 2:14

Navuzwa mbeeye na amakuva makekeeke madamanu ku ivi: vaveeye ho na avandu valala ku munyi avalondaa amigizu ga Balaamu, uwigiza Balaki kuli anyala kwimilira vandu Vaisiraeli muvwoni lwa yavavolera valie ichukulia kehevwa imisaambwa kandi kokora voheyi.

Likunula 2:21

Mali kumuha vwiyangu aduuki kwiganira ovoheyi vwivwe, naye siyenya kwiganira no koleka ovoheyi mba.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.

Likunula 9:21

Kandi siviganira ku vwiti vwavo kuvukumu vwavo, kovoheyi vwavo, anoho ku uvwivi vwavo mba.

1 Samweli 8:3

Navuzwa vayaayi veve sivalonda mwima gwigwe mba; vaali vuzwa nu mwoyo gwu kwenya mabese; kunangwa vavugura viambeti na sivakalaga viina nu vusuuvirifu mba.