Vafeso 4:5 - KITABU KITAKATIFU

⁵ Haveeyeho nu Mwami mulala, nilisuvira lilala, nilibatiza lilala.

Vafeso 4:5 Iomraidhean Croise

Zekaria 14:9

Maku Yahova alakave mwami wi kivala choosi; vuli mundu alakamusigamiri kuli Nyasaye kandi nu kumanya lieta lilie.

Matayo 28:19

Muzie, mukore avandu vi zihiiri ziosi vave vigi vange: muvabatizi: mu lieta lia Baba, liu Umwana, na lia Roho Mutakatifu;

Vikolwa 10:36

Yili ni likuva lia Nyasaye yaahilira avandu va Isiraeli, ni yilwaza Ivangeri yi mirembe kuvitira mu Yeso Kristo, oveeye Mwami wa vosi.

Vikolwa 2:36

“Avandu vosi ava Isiraeli gavadukiraa vamanye ligali ndi Yeso uyu wa munyi mwavamba, niyie wa Nyasaye amali kokora ave Mwami kandi Mesia.”

Varumi 3:30

Nyasaye aveeye mulala, kandi alakola Avayuda kuva avalungi imbiri weve kolondekana ku lisuuvira liavo, na vandu vizihiiri kolondekana ku lisuuvira liavo kandi.

1 Vakorintho 1:13

Kristo anyala kugavulanywa mu viduma? Paolo niye wamukuzira ku musalaba? Anoho munyi mwabatizwa mu lieta lia Paolo?

1 Vakorintho 1:2

Kong'oderaa munyi avaveeye likanisa lia Nyasaye mu lidaala lia Korinzo, kandi ku vosi avalangwa kuva avandu vatakatifu va Nyasaye, avaveeye veeve mu lihambanywa harara na Kristo Yeso, harara na vandu vosi hoosi havundu hoosi vasigamira Mwami wiitu Yeso Kristo, Mwami wavo kandi mwami wiitu:

1 Vakorintho 12:13

Munzira ndala nzere, kunyi kwosi nikuva nikoveeye Avayuda anoho vandu vizihiiri, avatugwa anoho vavoholore, kwabatizwa na Roho mulala ma ni kuva muviri mulala kandi Nyasaye yahaana ku kunyi vosi Roho mulala mu mioyo jitu.

1 Vakorintho 12:5

Haveeye ho ni zing'ano zinyingi ziu vutumwa, navuzwa kwosi kutumikira Mwami mulala.

1 Vakorintho 8:6

navuzwa ku kunyi aveeye ho Nyasaye mulala yenyine vuzwa, Baba oveeye mulombi wi vindu viosi, wa koveeye mwoyo kigira oyo. Kandi haveeye ho vuzwa nu Mwami mulala Yeso Kristo, wi vindu viosi vialombwa kuvitira muye; kandi koveeye mwoyo kuvitira muye.

2 Vakorintho 11:4

Munyi muvugiliraa nu vusangali umundu woosi uzaa ku munyi kandi yilwaza Yeso oveeye lugano, utali wa kunyi kwilwaza; kandi muvugiliraa roho ni Ivangeri eveeye lugano ligali kutura ku Roho ni Ivangeri ya mwanyoola kutura ku kunyi.

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Vafeso 4:13

Kandi ndio, kunyi kwosi kulakaze harara muvuhambani vwi lisuuvira lieta kandi mu limanya lietu liu Mwana wa Nyasaye. Kulakave avandu avahindira avadukanga ku kegero chu vuduukiru vwosi ovonyoleka mu Kristo.

Vafilipi 2:11

kandi vandu vosi valalaandiza havulavu ndi Yeso Kristo nu Mwami, kigira uvukumi vwa Nyasaye oveeye Baba.

Vafilipi 3:8

Yee, inzi ligali mbalizaa ivindu viosi kuva asara vuzwa kigira keveeye ho ikilahi ligali, nacho ni kumanya Kristo Yeso Mwami wange. Inzi ndasiuva vindu viosi kigira Kristo, mbalizaa ivindu yivi viosi kuva amandu vuzwa kunangwa nduhi nduuki konyoora Kristo.

Tito 1:1

Inzi Paolo, umutumikiri wa Nyasaye kandi mutumwa wa Yeso Kristo ng'oda ibarwa yiyi. Inzi ndaatovolwa nukutumwa kokonya lisuuvira lia avandu vatovole va Nyasaye, kandi kuvimilira ku agiligali gi dini yitu yigizaa.

Tito 1:4

Ng'oderaa ivi Tito, Mwana wange wiligali mu lisuuvira lia kusanga kwosi harara. Nyasaye Baba na Kristo Yeso muhonyi wiitu vayanze vahane ku ivi zimbavasi nimirembe.

Vahebraina 13:7

Mwizurizi aviimiliri vinyu va maziambiri, avamwilwazira likuva lia Nyasaye. Muganagane ligali kuli vamenya kandi kuli vaakuza, mwigi kutura ku lisuuvira liavo.

Vahebraina 6:6

Niiva valeka lisuuvira liavo, ganyala kunyalika ndi kandi kuvilanyia vahia vaduuki kwiganira? Vavambaa Mwana wa Nyasaye, kandi kumuleganyira havulavu lwa viirana kokora vwoni.

Yakobo 2:18

Navuzwa mulala alavoora, “Umundu mulala aveeye ni lisuuvira, nu wundi aveeye ni likora.” Manyia kuli mulala anyala kuva ni lisuuvira vugira ivikolwa, ninzi ndakumanyia lisuuvira liange ku vikolwa viange.

1 Petro 3:21

Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo,

2 Petro 1:1

Inzi Simoni Petero, umutumikiri kandi umutumwa wa Yeso Kristo; Ng'oderaa vandu vosi kuvitira mu vulungi vwa Nyasaye wiitu, kandi Muhonyi wiitu Yeso Kristo avamali konyoora lisuuvira lilala liere liu vulahi kuli lietu.

Yudasi 1:20

Navuzwa munyi, avalina vange avayaanze, muzizagiliri kwiyumbaka aveene ku ilisuuvira lienyu litakatifu ligali. Musaale mu zinguru zia Roho Mutakatifu.

Yudasi 1:3

Avalina vange avayaanze, ndaali nu vuha ligali kumung'odera amakuva kigira vohonyi vwa kwosi kusangaa mu, lwa ndalora ndi gandukira mung'odere vwangu kumudinyiriza muzizagiliri kulwaanira lisuuvira lia Nyasaye amali kuhaana ku vandu veve.