Vafeso 4:4 - KITABU KITAKATIFU

⁴ Haveeye nu muviri mulala, kandi Roho mulala, kuli haveeye kandi ni lisuuvirizwa lilala lia Nyasaye yamulangira.

Vafeso 4:4 Iomraidhean Croise

Zaburi 122:8

Kigira aviiko navalina vange, mboraa ku vandu va Jerusalemi, “Mirembe jive harara ni munyi.”

Jeremia 14:8

Ivi wengine oveeye lisuuvirizwa lia avandu va Isiraeli, niivi wengine ohonyia kunyi kutura mu kivi. Kigira ki oveeye kuli mugeni mu kivala chietu, kandi kuli mundu oveeye kologendo uwenyaa hokogona ku vudiku vulala vweng'ine?

Jeremia 17:7

“Navuzwa ndagasiza oyo usuviraa mu inzi kandi oyo wa inzi mbeeye lisuuvira lilie.

Matayo 28:19

Muzie, mukore avandu vi zihiiri ziosi vave vigi vange: muvabatizi: mu lieta lia Baba, liu Umwana, na lia Roho Mutakatifu;

Vikolwa 15:11

Gatava ndio! Kunyi kusuuvira kandi kuhonywaa ku zimbavasi ziu Mwami Yeso, kuli yava navo kandi vasuuvira.”

Varumi 11:29

Nyasaye namali kugasiza avandu ni vihaanwa kandi namali kuvalanga, si agirung'anaa mu zing'anagani zizie kandi mba.

1 Vakorintho 10:17

Kigira goveeye umugadi mulala, kunyi avakoveeye vanyingi, koveeye umuviri mulala kigira kwosi kusangaa umugadi mulala mwere yigu.

1 Vakorintho 12:20

Agiligali gaveeye ndi vivero viu muviri viveeye vinyingi, navuzwa muviri goveeye mulala.

2 Vakorintho 11:4

Munyi muvugiliraa nu vusangali umundu woosi uzaa ku munyi kandi yilwaza Yeso oveeye lugano, utali wa kunyi kwilwaza; kandi muvugiliraa roho ni Ivangeri eveeye lugano ligali kutura ku Roho ni Ivangeri ya mwanyoola kutura ku kunyi.

Vafeso 1:18

Saalaa ndi Nyasaye amukole muduuki kumanyiriza vulavu vwivwe, kunangwa muduuki kumanya lisuuvirizwa lia yamulangira kandi uvutugi vwuvukumi vwi miandu jije ku avandu veve

Vafeso 2:16

Ku likuza lilie ku musalaba, Kristo yadiviza vusigu vwavo. Kuvitira kunzira yu musalaba gwigwe yahambanyia zihiiri ziombi mu muviri mulala kandi naaviranyia ku Nyasaye.

Vafeso 2:18

Gaveeye kuvitira mu Kristo ndi kunyi kwosi, Avayuda kandi vandu vizihiiri, koveeye avanyala kuuza imbiri wa Baba mu Roho mulala.

Vafeso 2:22

Mu Kristo, kandi munyi kandi mwumbakwa harara na avandu vosi, muduuki kuva vomenyo vwa Nyasaye omenya mu kuvitira mu Roho weve.

Vafeso 4:1

Kunangwa, inzi oveeye muhambe kigira ndumikiraa Mwami, mugoonyaa mumenye kolondekana ni liiva lia Nyasaye yaviikaho lwa yamulanga.

Vafeso 5:30

kunyi koveeye vivero viu muviri gwigwe.

Vakolosai 1:5

Kigira lisuuvirizwa lia mwaviikirwa mwigulu. Lisuuvirizwa yili mumali kuhulira mu likuva liagiligali lie Ivangeri.

Vakolosai 3:15

Muleke mirembe ja Kristo ahaanaa jamiihi mu mioyo jinyu, kigira mirembe yiji, Nyasaye yamulanga muuzi mwosi harara mumuviri mulala, muve kandi nilisandiza.

2 Vatesalonike 2:16

Mwami wiitu Yeso Kristo mwene, na Nyasaye Baba wiitu uwakuyanza kandi kuvitira mu zimbavasi zizie naakuha kelemamwoyo chi mihiga ni mihiga kandi lisuuvira lilahi,

Tito 1:2

Agiligali yaga gaveeye ku musingi gwi lisuuvirizwa lie livamwoyo litahera mba. Nyasaye utanyala koveha yakusuuviriza livamwoyo yilio mihiga minyingi ijavita,

Tito 2:13

lwa kulindiliraa lidiku liu uvugasu, lia kwasuuvirizwa liu vukumi vwa Nyasaye munene kandi Muhonyi wiitu Yeso Kristo liliduuka.

Tito 3:7

Kunangwa ku zimbavasi zizie, kunyi kuduuki kokolwa avalungi na Nyasaye kandi kuduuki konyoora imiandu lisuuvirizwa lie livamwoyo litahera mba.

1 Petro 1:21

Kuvitira muye, munyi musuuviraa Nyasaye wasimugukiza Yeso kutura mu likuza, nu kumuha uvukumi. Kulwayago lisuuvira lienyu ni lisuuvirizwa lienyu viveeye ku Nyasaye.

1 Yohana 3:3

Umundu woosi oveeye ni lisuuvira yili mu Kristo, yitakasaa mwene kuli Kristo aveeye Mutakatifu.