Vafeso 4:32 - KITABU KITAKATIFU

³² Muve novohooma aveene ku aveene; muve nu mwoyo gwi zimbavasi kandi musamiihane aveene naveene kuli Nyasaye yasamiha munyi mu Kristo.

Vafeso 4:32 Iomraidhean Croise

2 Samweli 7:21

Liali lilalira kandi lienya liilio kokora yaga; ivi umali kokora vindu vinene yivi uduuki kunzigiza.

Zaburi 112:9

Ahaanaa nuvuhaani vwosi ku avadaka, uvulungi vwivwe vuhindiraa mihiga ni mihiga. Alava ni zinguru kandi nuluyali lonene.

Zaburi 145:9

Aveeye mulahi ku vandu vosi, kandi aveeye nilivererera ku viosi via yalomba.

Tsing'ano 12:10

Mundu mulungi alindaa mitugu jije, navuzwa mundu muchamu ajikoleraa vudamanu.

Tsing'ano 19:11

Mundu naveeye novogeri, alagumira vutima vwivwe. Mundu na kogosera, ni vulahi kumusamiiha.

Tsing'ano 19:22

Sivoveeye vulahi mundu kuva muhuvaali mba; vandu vadaka vaveeye vulahi kuvita vavehi.

Isaya 57:1

Avandu valahi vakuza kandi siaveeyeho kali uvahenderaa mwoyo mba. Navuzwa lwavakuzaa, kivi sikinyala kuvasaliriza mba.

Jeremia 38:12

Ebedimeleki yambolera mbuguli zinguvu yizi mbiki mu zikwaha ziange manzevohe migoye kunangwa lwa vang'usa migoye jivuli kusaliriza, na ndaakola ndio.

Matayo 6:12

Ukusamihi uvwoni vwitu, kuli kunyi kusamiiha avakwoneraa.

Marko 11:25

Lwa musaala, musamiihi umundu woosi uva niyaamukolera uvudamanu, kunangwa Baba winyu oveeye mwigulu aduuki kumusamiiha uvwoni vwinyu.” [

Luka 1:78

Nyasaye wiitu aveeye wi zimbavasi kandi umulahi. Alalomba vulavu vwovohonyi vwake ku kunyi kutura mwigulu.

Luka 11:4

Ukusamihi vwoni vwitu uli kusamiiha avakwoneraa. Utakuhila mumagerizwu mba ...’ ”

Luka 17:4

Niiva alakwonera haali saba ku lidiku lilala, ma yirani vuli ing'inga ku ivi navoora, ‘Nziganiyi,’ kuduuka umusamiihi.”

Luka 6:35

Navuzwa muyanze avasigu vinyu kandi muvakolere amalahi mwegobize vugira kusuuvira kwiranyirwa, na madanyi ginyu galava manene, namulava avana va Nyasaye, Oveeye igulu. Kigira aveeye mulahi ku yavo avatali nilisandiza na avadamanu.

Luka 6:37

“Mutakalagira avandu vandi mba, kunangwa munyi muvuli kukalagirwa na Nyasaye; mutadura avandi, kunangwa munyi muvuli kudurwa na Nyasaye, musamiihi avandi, kunangwa munyi musamiifwi na Nyasaye.

Vikolwa 28:2

Avandu va hene yaho vaali avalahi ligali ku kunyi. Imbura yaali nitangi kukuba, kandi vukindu vwali ku; vafaana muliru nivakwingiriza.

Varumi 12:10

Muyaanzane aveene na veene kuli avamwavo mu Vukristayo; na mwegombe kuhaanirana uluyali munyi aveene naveene.

1 Vakorintho 13:4

Vuyanzi vwikuziraa, kandi voveeye no vohoma; sivoveeye ne embodoka, anoho ni liegingira mba.

2 Vakorintho 2:10

Nimusamiiha mundu woosi ku chaakoli, inzi kandi ndamusamiiha. Niiva nyenya kusamiiha ligali samiiha imbiri wa Kristo kigira munyi,

2 Vakorintho 2:7

Nivulahi munyi musamiihi mundu oyo kandi mumuleminye mwoyo, avuli kovelera no koleka lisuuvira.

2 Vakorintho 6:6

Kigira vutakatifu vwitu, ilimanya, liekuzira, kandi zimbavasi, kumali kwimanyia aveene kuva vatumikiri va Nyasaye kuvitira mu Roho Mutakatifu kigira vuyanzi vwitu vwagiligali.

Vafeso 5:1

Kigira muveeye avana avayaanze va Nyasaye, kuduuka kuva kuli aveeye.

Yakobo 5:11

Henza, kuvavalizaa kuva avuvugasu kigira viikuzira. Mwamala kuhulira amakuva gu vwikuziri vwa Ayubu, kandi mumanyi kuli Mwami yamukolera mu limalirika. Kigira Mwami yizuuyi zimbavasi kandi livererera.

2 Petro 1:7

na ku vunyasaye vwinyu, mumeede ku vulahi vwu vumiitu; na ku vulahi vwu vumiitu vwinyu, mumeede ku uvuyanzi.

1 Yohana 1:9

Niiva kuliyama uvwoni vwitu, Nyasaye aveeye musuuvirifu kandi mulungi, na alakusamiiha uvwoni vwitu kandi alakutakasa kutura ku vuchamu vwosi.

1 Yohana 2:12

Ng'oderaa munyi, avana vange, kigira uvwoni vwinyu vusamiihhiywi kigira lieta lia Kristo

Ruth 2:20

Naomi yavoola, “Yahova agaasizi Boazi! Yahova atwekizaa lisuuvirizwa lilie kazozo ku avaveeye mwoyo, kandi ku yavo avakuzaa.” Naomi yaazizagilira kovora, “Mundu oyo aveeye mulala ku aviiko viitu vahimbi; aveeye mulala ku vandu vinyumba yitu unyala kulinda kunyi.”