Vafeso 4:2 - KITABU KITAKATIFU

² Muve ni liegehiza kazozo, vahoma kandi vikuziri; Mumanyie vuyanzi vwinyu ku liekuzirana aveene na vene,

Vafeso 4:2 Iomraidhean Croise

Zaburi 138:6

Kali noveeye igulu ligali, odendaa avadedekere. Navuzwa avigingiri sivanyala kwivisa kutura ku ivi mba.

Zaburi 45:4

Niina ligare liu vulwani ogende mu vukumi. Kigira likinga lia agiligali kandi likalaga lirungi. Zinguru ziu mukono mulungi zilakokola onyoore liguuta linene.

Tsing'ano 16:19

Ni vulahi kuva muhocha ma ove mudaka, kuvita kuva mulala ku vandu vi liegingira kandi konyoora ku mugavo gwi vilaanye viavo.

Tsing'ano 3:34

Yahova achayaa vandu vaveeye ni lielola, navuzwa ayanziliraa yavo avegehizaa kuye.

Kohelethu 7:8

Limalirika lie kindu liveeye lilahi kuvita litanga liacho, kandi liekuzira liveeye lilahi kuvita lielola.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Zefania 2:3

Mwilane ku Yahova, munyi avandu vosi vegehiza mu kivala, avatizaa malago geege. Mukore agaveeye amalungi kandi mwegehizi aveene imbiri wa Yahova. Hawundi mulahononoka kutura ku linyola mageri lidiku lia Yahova amanyia vutima vwivwe.

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Livalidza 12:3

Musa yaali mundu muhooma ligali kuvita vandu vandi vosi mu lirova.

Matayo 11:29

Mugiingi iniira yange, mwikutula ku inzi, kigira inzi mbeeye muhooma nu muhocha mu mwoyo; na munyi mulanyola ovososi mu mioyo jinyu.

Marko 9:19

Yeso yavavolera, “Likula litaveeye ni lisuuvira munyi! Ndamenya harara ni munyi kuduuka ng'inga ki! Ndikuzira ni munyi kuduuka ng'inga ki! Muleeti hano ku inzi.”

Vikolwa 20:19

Mumanyi kuli ndatumikira Mwami ni liegehiza liosi, na maliga goosi ndakora miyinzi jange kuli mutumwa wumwami mu ing'inga yu vudinyu vunyingi uvwangwira kigira vuhimwa vwa Vayuda.

Varumi 15:1

Kunyi ava koveeye ni zinguru mu lisuuvira, kuduuka kokoonye avadedekere vaduuki kuginga uvuliduhu vwavo. Kutiyanziza kunyi aveene mba.

1 Vakorintho 13:7

Uvuyanzi vukunikaa vindu viosi vusuuviraa vindu viosi, vusuuvirizwa vindu viosi. Vwikuzira ku vindu viosi.

Vagalatia 6:2

Mukonyane kuginga uvulitu vwa vuli mulala nu wache, na munzira yiyi muladuukiza lilago lia Kristo.

Vafeso 1:4

Kali lirova nilikikiri kolombwa, Nyasaye yaali niyamala kotovola kunyi kove vandu aveeve kuvitira mu vuhambani Kristo kunangwa kuduuki kuva avatakatifu kandi vugira imbara mbiri weve. Kigira vuyanzi vwivwe,

Vakolosai 1:11

Mudinyirizwi ni zinguru ziosi kolondekana novukumi vwi zinguru zizie kuduuka ku vwikuziri vwosi novohocha vwosi harara nu vusangali;

Yakobo 1:21

Kigira yaga, mutuliziho vudamanu vwosi kandi imiima josi imidamanu. Mwegehizi ku Nyasaye kandi muvugiliri likuva lia viikwa mumioyo jinyu, ilinyala kumuhonyia.

1 Petro 3:15

Navuzwa mwizominye Kristo mu mioyo jinyu kandi muhaane luyali kuye kuli Mwami. Mwetegeke amadiku goosi kutivulira mundu sa mulala umuteeva ikivuni chi lisuuvira lia muveeye nalio mu Kristo,

1 Petro 3:8

Kumaliriza; munyi mwosi gamudukira muve ni lienya lilala kandi iliiva lilala, muyaanzane kuli avamwavo nu kuva nu mwoyo mulahi kandi mwegehizi vene na vene.