Vafeso 4:16 - KITABU KITAKATIFU

¹⁶ Kuye vivero viosi viu muviri vihambanyiywi harara, kandi muviri gwosi gwahamanywa harara navuli chungu. Kunangwa, lwa vuli kevero kiyinziraa kuli gaduukanaa, muviri gwosi guvirukaa ma gwumbakwa kuvitira mu vuyanzi.

Vafeso 4:16 Iomraidhean Croise

Yohana 15:5

“Inzi mbeeye Muzabibu, na munyi muveeye zisia. Mundu ku vosi omenya mu inzi, nainzi niimba muye, yamaa amakuyu manyingi, kigira vugira inzi simunyala kukola kindu kali hakuzu mba.

Varumi 12:4

Muviri goveeye ni vivero vinyingi, na sa kilala keveeye nu muyinzi gwacho.

1 Vakorintho 10:17

Kigira goveeye umugadi mulala, kunyi avakoveeye vanyingi, koveeye umuviri mulala kigira kwosi kusangaa umugadi mulala mwere yigu.

1 Vakorintho 13:13

Kulwa kalunu viveeye ho vindu vivaga vihindiraa: ilisuuvira, lisuuvirizwa, kandi uvuyanzi; navuzwa ekenene kuvita viosi keveeye uvuyanzi.

1 Vakorintho 8:1

Kalunu, nyenya kong'oda kolondekana ni viukulia visalisirangwa vifananyi, gaveeye agiligali ndi, “Kunyi kwosi koveeye nilimanya,” kuli vavoola. Navuzwa limanya kuli yilio lilombaa mundu kuva ni liegingira, nitali uvuyanzi vokolaa kunyi kuviruka mu Roho.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Vafeso 1:4

Kali lirova nilikikiri kolombwa, Nyasaye yaali niyamala kotovola kunyi kove vandu aveeve kuvitira mu vuhambani Kristo kunangwa kuduuki kuva avatakatifu kandi vugira imbara mbiri weve. Kigira vuyanzi vwivwe,

Vafeso 3:17

Saalanga ndi kandi Kristo aduuki kolomba vomenyo vwivwe mu mioyo jinyu kuvitira mu lisuuvira. Saalanga ndi vuyanzi vuduuki kuva musingi gwivindu viosi via mukoraa,

Vafeso 3:7

Inzi ndakorwa mutumikiri wi Ivangeri ku kihanwa kidukiru chi zimbavasi zia Nyasaye cha yamba kuvitira mu miyinzi ji zinguru zizie.

Vafeso 4:12

Yakola ndio kwetegekiza Avakristayo vosi ku miyinzi ju vutumwa vwu Vukristayo kunangwa aduuki kwumbaka muviri gwa Kristo.

Vafeso 4:15

Mu vogono yivwo, ku limoloma agiligali mu Roho gwu vuyanzi, gakuduukiraa kuviruki mu liiva liosi lia Kristo, oveeye mutwi gwi likanisa.

Vafilipi 1:9

Saalaa ndi uvuyanzi vwinyu vomeedeke ligali harara ni limanya liagiligali, kandi likalaga liduukiru,

Vakolosai 2:19

kandi yaleka kolonda Kristo oveeye mutwi gwu muviri. Mu vwimiliri vwa Kristo, muviri gwosi gu gasiziywi nu kuhambanywa harara mu viungu viagwo kandi guvirukaa kuli Nyasaye yenya guviruki.

Vakolosai 2:2

Inzi ngolaa yaga ni kivuni ndi, vaduuki koleminywa mioyo, vahambanywe harara mu vuyanzi, kunangwa vaduuki ku vutugi vwosi vwi lisuuvirizwa voletaa limanyiriza. Mu yaga; vaduuki kumanya agaviswa ga Nyasaye, agaveeye Kristo mwene.

1 Vatesalonike 1:3

Kumwizulizaa mu lisaala lietu ku Nyasaye wiitu kandi Baba kuli muviika lisuuvira lienyu mu vikolwa, kuli vuyanzi vwinyu vomukolaa kuyinzira vudinyu ligali kandi kuli lisuuvirizwa lienyu mu Mwami wiitu Yeso Kristo liveeye lidinyu ligali.

1 Vatesalonike 2:13

Keveeye ho ni kivuni kindi kigira kunyi nikusandiza Nyasaye kazozo. Lwa kwamuletera likuva lia Nyasaye lia mwahulira kutura ku kunyi, munyi si mwalivugula kuli liveeye likuva lia avandu mba, navuzwa kuli likuva lia Nyasaye, ilikolaa miyinzi mu munyi vandu avasuuviri.

1 Vatesalonike 3:12

Umwami amukole muyaanzane aveene naveene; kandi vuyanzi vwinyu vuduuki komeedeka ku vandu vosi.

2 Vatesalonike 1:3

Avaamitu viitu, gakuduukiraa kusandizi Nyasaye ku kazozo kigira munyi. Gaveeye amalungi ku kunyi kokora ndio, kigira lisuuvira lienyu limedeka ligali. Kandi uvuyanzi vwu mundu sa mulala aveeye navwo ku wache vomedeka.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Yohana 4:16

Kunyi aveene kumanya kandi kusuuvira uvuyanzi vwa Nyasaye aveeye navwo ku kunyi. Nyasaye aveeye uvuyanzi kandi oyo, Omenya mu vuyanzi amenyaa mu Nyasaye, kandi Nyasaye amenyaa muye.