Vafeso 4:11 - KITABU KITAKATIFU

¹¹ Yaali niyie uwahaana ivihaanwa kuvandu kuli ndi: yatovola valala vave avatumwa na avandi vave avaporofeti, avandi vave avilwaazi vakulandiza Ivangeri, avandi avayi kandi avigizi.

Vafeso 4:11 Iomraidhean Croise

2 Kyetsinyinga 15:3

Ku ing'inga indambi avandu va Isiraeli vamenya vugira Nyasaye wagiligali, kandi vugira avasaalisi kuvigiza kandi vugira amalago.

Jeremia 3:15

Ndakamuhe avamihi avatizaa kandi valakamwamiihi novogeri nilimanyiriza.

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Vikolwa 13:1

Mu likanisa liali ha Andiokia vaali ho avandu valala avaari avaporofeti kandi avigizi. Baranaba, Simioni walangwa kandi Nigeri, Lukia wa Kurene, Manaeri waali niyavirukizwa harara nu Mwami Herodi, na Saolo.

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

Vikolwa 21:8

Mugamba gwalonda ku kwatula nikuzia Kaisaria. Nikoveeye Kaisaria kwazia munyumba yu mwilwazi Filipo. Yaali mulala ku vandu avaari saba avatovolwa mu Jerusalemi, nikomenya naye.

Varumi 12:7

Niiva nuvutumiki kuduuka kutumiki. Niiva nukwigiza, kuduuka kwigize.

1 Vakorintho 12:4

Haveeye ho ni vihaanwa via Roho zing'ano zinyingi, navuzwa Roho uvihaanaa aveeye mulala.

Vafeso 2:20

Munyi kandi mwumbakiywi ku musingi ugwalombwa na avatumwa kandi avaporofeti, Kristo mwene naveeye ligina liu mukoona.

Vafeso 3:5

Zing'inga ziavita, mundu siyavoolerwa amakuva gaviswa yaga mba, navuzwa Nyasaye umali kugavura kalunu ku Roho ku avatumwa na vaporofeti veve vatakatifu.

Vafeso 4:8

Mang'oda Matakatifu gavoora, “Lwa yanigira igulu mwigulu ligali, yimilira muganda munene gwa vahambe, kandi yahaana vihaanwa ku avandu.”

Vahebraina 5:12

Ing'inga yaveeye ho indambi ya gaduukanaa munyi muve avigizi, navuzwa munyi mukiri ni lienya mundu amwigizi amigizu gu kutanga agiligali ga makuva ga Nyasaye. Mugwiyi avenyaa kunwa maveere mu vogono vwu kulia viukulia vidinyu.

Yudasi 1:17

Navuzwa munyi avalina vange avayaanze, mwizurizi amakuva ga vatumwa vu Mwami wiitu Yeso Kristo vamuvolera kale.

Likunula 18:20

Ligulu musangare kulio, na vandu va Nyasaye avatumwa, na avaporofeti; kigira munyi vandu va Nyasaye kandi avatumwa, na avaporofeti. Nyasaye umali kulikalagira kigira ivindu via yamukolera.

Likunula 21:14

Lidiji lie lidaala linene zana liumbakwa ku misingi zana komi na mbiri ija ng'odwa ku amiita kumi na mbiri agavatumwa.