Vafeso 2:4 - KITABU KITAKATIFU

⁴ Navuzwa livelererwa lia Nyasaye, liveeye linene ligali kandi uvuyanzi vwivwe ku kunyi voveeye vonene kuvita kegero;

Vafeso 2:4 Iomraidhean Croise

Nehemia 9:17

Vasuura kuhulira; vivilira vilolekizu ni viokogenyia viawakola hagati haavo. muligingila liavo vaatovora mwimiliri vaduuki kwirana mu vutugwa vwavo mu Egebeti. Navuzwa oveeye Nyasaye usamihaa; Ivi oveeye wizimbavasi kandi wuvuyanzi; wagalaha ku vutima, zimbavasi zizio ni zinene; Na ivi siwavaleka mba.

Zaburi 145:8

Yahova aveeye wu vuyanzi kandi wizura zimbavasi. Aveeye wa galaha ku vutima kandi aveeye wu vuyanzi vutaveeye ne keheri.

Zaburi 51:1

O, Nyasaye, ombere zimbavasi kolondekana nu vuyanzi vuvwo uvutali nekeheri. Tuliza ho uvwoni vwange kolondekana nu uvunyingi vwi livererera liilo!

Zaburi 86:15

Navuzwa ivi, O, Yahova, oveeye Nyasaye wu vuyanzi kandi wi zimbavasi, oveeye mwikuziri, wuvuyanzi vutaveeye ne keheri kandi musuuvirifu kazozo.

Zaburi 86:5

Ivi oveeye mulahi ku kunyi, kandi usamihaa uvwoni vwitu, wayizula uvuyanzi vutaveeye ne keheri ku yavo vosi avasaalaa ku ivi.

Kutwula 33:19

Yahova yamutivulira, “Ndavitiza uvulahi nuvukumi vwange imbiri woovo, ndalandiza lieta liange litakatifu. Inzi mbeeye Yahova. Ndava ni zimbavasi na uyu wanyenyaa koveera zimbavasi. Kandi ndava ni livererera ku uyu owanyenya koverererwa.

Isaya 63:7

Ndavolera avandu amakuva gu vuyanzi vwa Yahova uvutali ne kegero. Ndamwizominya kolondekana ku goosi aga Yahova amali kokolera kunyi. Yee, umali kokora ivindu vinyingi ku vandu va Isiraeli; kolondekana ni livererera lilie kandi kuli zimbavasi zizie zitahera.

Jeremia 31:3

Inzi ndaaloleka kuvo kutura ihale. Avandu va Isiraeli, inzi muyanzaa kazozo, kunangwa ndazizagilira kumumanyia uvuyanzi vwange vutaveeye nekeheri.

Danyeli 9:9

Yahova Nyasaye wiitu, ivi oveeye ni zimbavasi kandi wi lisamiiha kali niiva kwaibala kutura ku ivi.

Jona 4:2

Kunangwa yasaala ku Yahova navoora, “O, Yahova, sindavoola ningikiri kutura yengo ndi, yiki nicho icha umanya okole vuzwa? Yicho nicho chagira ningora zinguru ziosi ukwirukira mu kivala cha Tarishishi. Ndaamanya vulahi ndi, ivi oveeye Nyasaye wuvuyanzi, kandi wizimbavasi, umwikuziri ku vutima, kandi umwetegeke kugirung'ana muziganagani, kandi kuvula kuhaana mageri.

Luka 1:78

Nyasaye wiitu aveeye wi zimbavasi kandi umulahi. Alalomba vulavu vwovohonyi vwake ku kunyi kutura mwigulu.

Varumi 10:12

Likuva yili liveeye ku vandu vosi kigira sihaveeyeho ni liavukana hagati ha Vayuda na vandu vizihiiri mba; Nyasaye aveeye mwahuli mulala wavoosi kandi ahaanaa uvugasu vunyingi ku vosi avamwanira.

Varumi 2:4

Anoho hawundi uchayaa zimbavasi zizie, uvwikuzihizi kandi uvwikuziri vwivwe. Ivi siumanyi ndi Nyasaye nuwizimbavasi kigira yivu vwenya koleta kuivi ligerizaa kukwimilira onyoore lieganira.

Varumi 5:8

Navuzwa Nyasaye yamanyia ndi yakuyaanza, kigira lwa kwaali nikukiri avoni, Kristo yakukuzira.

Varumi 9:23

Yenya kandi kuvuula vukumi vwivwe vunyingi vwaviikwa ku kunyi avakoveeye viju viu vukumi vwivwe, yavo avavetegekiza vanyoore vukumi vwivwe.

Vafeso 1:7

Kuvitira mu masahi ga Kristo, kunyi konyooye livoholorwa, agaveeye kovora ndi, uvwoni vwitu vusamiihiywi. Nindio voveeye ovonene vwu vutugi vwi zimbavasi zia Nyasaye

Vafeso 2:7

Yakola ndio kunangwa aduuki kumanyia mu zing'inga ziosi izizaa, ovonene vwuvutugi vwi zimbavasi zizie muvuyaanzi vwa yamanyia kunyi kuvitira mu Kristo Yeso.

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;

2 Vatesalonike 2:13

Navuzwa gakuduukiraa kuhaana lisandiza ku Nyasaye kazozo kigira munyi, avaamitu, munyi avu Mwami ayaanza. Nyasaye yatovola munyi kutura ing'inga yukutanga mu nyoore ovohonyi mu litakaswa lia Roho nu mu lisuuvira agiligali.

1 Petro 1:3

Yizominywi Nyasaye Baba wu Mwami wiitu Yeso Kristo! Kigira mu zimbavasi zizie zinene, yakuha livamwoyo lihia lwa yasimugukiza Yeso Kristo kutura mu likuza. Yaga goosi gakoheezaa lisuuvirizwa liveeye mwoyo,