Vafeso 2:3 - KITABU KITAKATIFU

³ Mu agiligali Kunyi kwosi kwaali kuli yavo. Kandi Kwamenya kolondekana nilikayirwa lidamanu lie miviri jietu, nikokola choosi ichayaanziza lienya liu miviri kandi zing'anagani zietu aveene. Mu liiva lietu liu muviri, kunyi kuli avandu vandi, kwadukana konyoole vusaliri vwu vutima vwa Nyasaye.

Vafeso 2:3 Iomraidhean Croise

Litanga 5:3

Lwa Adamu yaali ni mihiga 130, yanyoora mwana muyaayi uwamufwana, kandi yamugulika lieta Sezu.

Litanga 6:5

Lwa Yahova yalora kuli vuli umundu yaali muchamu ku lirova kandi kuli zing'anagani ziavo ziali zindamanu vuli ing'inga,

Litanga 8:21

Umwayu gwi kisiuviriru gwayaanziza Yahova, na yavoola, “Inzi si ndalaama lirova kigira likora liu umundu mba. Inzi manya ndi umundu aveeye ni zing'anagani zindamanu kutura ing'inga ya yaali mwana. Inzi si ndadiviza vindu viosi viveeye ni livamwoyo kuli mali kokora mba.

Ayubu 14:4

Aveeye ho nu mundu unyala kutuliza kindu kilahi kutura mu kindu kidamanu? Siaveeye ho mba.

Ayubu 25:4

Mundu anyala kuva ndi mulungi imbiri wa Nyasaye? Mundu wumukali yivula anyala ndi kuva mulahi?

Zaburi 51:5

Henza, Inzi mbeeye mudamanu kutura lidiku lia ndivulwa; inzi mbeeye mwoni kutura ing'inga ya ndaverekwa.

Isaya 53:6

Kunyi kwosi kuli magondi agaali nigagota, kandi vuli mulala ku kunyi nazizaa kunzira yeye mwene. Navuzwa Yahova yamudwika amageri, amageri aga kunyi aveene kwadukana koheevwe.

Marko 4:19

navuzwa uvunyang'ani vwi lirova yili, iliegomba liu vutugi, harara ni liegomba lie vindu vindi viosi vingira muye mavikunika likuva zana; na kigira yaga goosi ilikuva zana silinyala kwama amakuyu mba.

Yohana 1:13

Yava sivaveeye avana va Nyasaye ku liivulwa lia masahi, anoho kuzingulu ziu muviri, anoho kuvulaliri vwa avandu, navuzwa ku vulaliri vwa Nyasaye.

Yohana 8:44

Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

Vikolwa 14:16

Mu zing'inga ziavita Nyasaye yahaana vovoholore ku zihiiri ziosi zikole aga ziyaanzaa ziene.

Varumi 1:24

Kigira yaga, Nyasaye yavaleka vakole vindu vidamanu viemioyo jaavo jikayirwa, kandi vakora vindu vie zisoni nu kwononyia vukumi vwi miviri jaavo aveene.

Varumi 11:30

Kulwa munyi vandu vizihiiri, mwavura kutia Nyasaye maziambiri, navuzwa kalunu mumali konyoora zimbavasi zia Nyasaye kigira Avayuda sivaatia Nyasaye mba.

Varumi 13:14

Navuzwa muvuguli viugi viu Mwami Yeso Kristo, kandi muleke kuganaganyia iliiva lienyu liu vwoni liukwigutiza likayirwa liavwo.

Varumi 2:14

Avandu vi zihiiri sivaveeye ni Lilaga lia Musa mba; navuzwa lwa vakora vindu veene mu liyaanza liavo gi Lilaga lienyaa, aveene vaveeye Lilaga, kali niiva sivaveeye ni Lilaga.

Varumi 5:10

Kigira lwa kwaali nikukiri avasigu va Nyasaye, kwahambanywa naye kuvitira mu likuza liu Mwana weve; kuvita ligali, kalunu kumali kuhambanywa na Nyasaye, kulakahonywi ni livamwoyo lilie.

Varumi 5:9

Kalunu kumali kokolwa avalungi kuvitira mu masahi ga Kristo, agaveeye kovora havulavu ndi kunyi kumali kohononoka kutura ku vutima vwa Nyasaye.

Varumi 6:12

Ku lwa yago, mutaleki vwoni vwamihi mu miviri jinyu jikuzaa, kumulomba muduuki kuvugilira likayirwa liajo.

Varumi 7:18

Inzi manyi ndi uvulahi sivomenyaa mu inzi mba, iliveeye kovora, mbeeye mu liiva liu muviri. Kali nimba ningayilwa kokora amalahi, sinyalizaa kokora ndio mba.

Varumi 9:22

Malala meere gaveeye giligali ku aga Nyasaye akoli. Yenya kumanyia uvutima vwivwe, kandi kolomba zinguru zizie kumanyikana. Navuzwa yikuzira ligali kuyavo avaveeye viju viu vutima vwivwe, avaadukana kudivizwa.

1 Vakorintho 4:7

Nivwaha wakokora kuva munene kuvita vandi? Siaveeye Nyasaye wakuha ivindu yivi viosi? Na niiva ivi waahevwa, kigira ki wigingira kuli kitaveeye kihanwa cha Nyasaye yakuha?

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Vagalatia 3:22

Navuzwa Mang'oda Matakatifu gavoora ndi, lirova liosi liveeye hasi hi zinguru ziu uvwoni, na ndio, kihanwa ichasuuvirizwa kigira lisuuvira mu Yeso Kristo, kihaanwaa ku yavo vosi avasuuviraa.

Vafeso 2:2

Ing'inga yeyo mwamenya kolondekana ni liiva lidamanu lie lirova, Kandi mwaloonda nukuhulira liiva lio mwami wa mademoni gi zinguru mu vwerefu, mademoni gamiihaa avandu avatahuliraa Nyasaye.

Vafeso 4:22

Kunangwa, mutulizi mundu winyu wa kale uwamukola mumenye kuli mwamenyaa; mundu wa kale wdivizwaa ni likayirwa lilie liuvugadi.

Vakolosai 1:21

Na munyi, ku maziambiri mwaali ihale kutura ku Nyasaye kandi mwaali avasigu veve mu zing'anagani kandi, mu vikolwa vienyu vidamanu,

1 Vatesalonike 4:13

Avaamitu, viitu kwenya munyi mumanye agiligali ga makuva ga yavo avamala kukuza. Mutaverera kuli yavo avataveeye nilisuuvirizwa.

1 Vatesalonike 5:6

kunangwa kutagona kuli avandi vakora, navuzwa kulindi kazozo kandi kove novogeri.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

1 Petro 1:14

Kuli avana vahuliri, mutavugilira likayirwa lienyu lidamanu lia mwali nalio ing'inga ya mwamenyaa mu vusiru mba.

2 Petro 2:14

Sivenyaa vaheenze ku kindu kindi mba, navuzwa avakali vaheyi venyine; kandi liegamba liavo ku likora uvwoni siliveeye ne keheri mba. Vagoonya nu kwimilira avandu vadedekere kwingira mu mutego gwu uvwoni. Imioyo jaavo jaanalizwa kuva mu vuhuvaali. Nyasaye yavalaama!

2 Petro 2:18

Vavoola amakuva gi liegingira ligali kandi agatali ni kivuni, kandi gu vusiru, kandi vatumikira likayirwa liu muviri kotega yavo avirukaa kutura ku yavo avamenyaa mu vugadi.

1 Yohana 2:16

Vindu viosi viveeye vielirova, viveeye liiva liu muviri likayirwa ne zimoni kandi liegingira lie livamwoyo sivitulaa ku Baba mba navuzwa viveeye vie lirova.

1 Yohana 2:8

Kali ndio, mung'oderaa lilaga lihia kalunu, kigira agiligali galio galoleka mu Kristo kandi mu munyi. Kigira kisundi kivitaa, na uvulavu vwa giligali vumali kwaaka.