Vafeso 2:16 - KITABU KITAKATIFU

¹⁶ Ku likuza lilie ku musalaba, Kristo yadiviza vusigu vwavo. Kuvitira kunzira yu musalaba gwigwe yahambanyia zihiiri ziombi mu muviri mulala kandi naaviranyia ku Nyasaye.

Vafeso 2:16 Iomraidhean Croise

Varumi 5:10

Kigira lwa kwaali nikukiri avasigu va Nyasaye, kwahambanywa naye kuvitira mu likuza liu Mwana weve; kuvita ligali, kalunu kumali kuhambanywa na Nyasaye, kulakahonywi ni livamwoyo lilie.

Varumi 6:6

Kumanyi ndi mundu wiitu wa kale yitirwa ku musalaba harara na Kristo, kunangwa zinguru zie liiva lietu liu vwoni liduuki kwononywa, kunangwa kunyi kuvuli kuva kandi avatugwa vu vwoni.

Varumi 8:3

Nyasaye umali kokora agi Lilaga liali livuli kokora kigira ovodedekere vwi liiva liu muviri. Yakalagira uvwoni voveeye mu mundu kulwu kutuma Mwana weve mwene, waza mu liiva liu mundu mwoni kuli kihanwa chu vwoni.

Varumi 8:7

Oyo wamiifwa ni zing'anagani ziu muviri aveeye musigu wa Nyasaye; siatizaa Lilaga lia Nyasaye, kandi sianyala kulitia mba.

1 Vakorintho 10:17

Kigira goveeye umugadi mulala, kunyi avakoveeye vanyingi, koveeye umuviri mulala kigira kwosi kusangaa umugadi mulala mwere yigu.

Vagalatia 2:20

Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.

Vafeso 2:15

Yeso yaatuliza ho Lilaga lia Avayuda harara na malago galio kandi ni miima jalio aduuki kolomba zihiiri ziviri yizio kugwa ihiiri ndala imbia muye, nokoleta mirembe hagati haavo.

Vafeso 3:6

Agaviswa gene ni yaga: kuvitira mu Ivangeri ya Nyasaye, vandu vizihiiri vagwiyi avasangi vi miandu harara na Avayuda mu zimbavasi zia Nyasaye; vave muviri mulala na vasaange mu lisuuvirizwa lia Nyasaye yalomba kuvitira mu Kristo Yeso.

Vafeso 4:4

Haveeye nu muviri mulala, kandi Roho mulala, kuli haveeye kandi ni lisuuvirizwa lilala lia Nyasaye yamulangira.

Vakolosai 2:14

Yaatuliza ho lilaga lia ng'oderwa kunyi mu malago, lia hing'ana nikunyi kandi yalitulizaho lwa yavikwa ku musalaba.

Vakolosai 3:15

Muleke mirembe ja Kristo ahaanaa jamiihi mu mioyo jinyu, kigira mirembe yiji, Nyasaye yamulanga muuzi mwosi harara mumuviri mulala, muve kandi nilisandiza.