Vafeso 2:14 - KITABU KITAKATIFU

¹⁴ Kristo mwene oleeti mirembe ku kunyi mu likora Avayuda na vandu vizihiiri kuva avandu vi ihiiri ndala. Yasambula lidiji iliavavukanyia kandi iliavakolaa vave avasigu.

Vafeso 2:14 Iomraidhean Croise

Esther 3:8

Maku Hamani yavolera umwami, “Ihiiri ndala eveeye ho iyasalanywa mu vuli kivala cha ivi wamihaa. Amalago gaavo gaveeye lugano kutura ku aga vandu vandi. Kuvita goosi sivahulira amalago gu vwamihi mba. Kunangwa sivoveeye vulahi ivi wikuziri ku avandu yava mba.

Mika 5:5

Gulakave murembe lwa avandu va Asiria valiza mu kivala chietu, kandi nukuvunanyia zimbinga zietu, kulatuma avanene saba kandi aviimiliri viitu vi zinguru ligali munane ukulwaana navo.

Zekaria 6:13

Niye ulakaliumbake kandi alakanyoole luyali luduukanaa mwami; kandi alakamiihi avandu veve. Musaalisi alakave kondeve yu vwami vwivwe, kandi valakakole miyinzi harara naye mu mirembe kandi mu lihambana.’

Luka 1:79

Vong'ereng'ane ku yavo vosi avamenyaa mu kisundi kenene chi chiriri chilikuza; kwimilira virenge vietu munzira yi mirembe.”

Luka 2:14

“Uvukumi voveeye igulu mwigulu ku Nyasaye, ni mirembe mu kivala ku avandu ava ya yaanza!”

Yohana 10:16

Mbeeye kandi na amagondi gandi amanyingi agataveeye gu mu kego yiki. Kuduuka ngaleete kandi. Nago kandi galahulira mwoyo gwange, na galava chayo kilala nu mwayi mulala.

Yohana 11:52

na sikoveeye ku yavo venyine, navuzwa kandi aduuki kuleeta harara avana va Nyasaye avasalana.

Yohana 16:33

Mali kovora yaga kunangwa munyi muduuki kuva ni mirembe ku lihambanywa ninzi. Mu kivala mulanyola lidambizwa; navuzwa muleme mwoyo! Inzi mali kuguuta kivala!”

Vikolwa 10:28

Petero yavavolera, “Munyi aveene mumanyi ndi Muyuda woosi yagaywa ni Lilaga lilie lie lisuuvira atahambana na avandu vi zihiiri zindi mba. Navuzwa Nyasaye umali kumanyia mburi kuganagana ndi mundu woosi kuva munifu anoho mudamanu mba.

Vikolwa 10:36

Yili ni likuva lia Nyasaye yaahilira avandu va Isiraeli, ni yilwaza Ivangeri yi mirembe kuvitira mu Yeso Kristo, oveeye Mwami wa vosi.

Varumi 5:1

Kunangwa kumali kokolwa avalungi imbiri wa Nyasaye kuvitira mu lisuuvira, koveeye ni mirembe na Nyasaye kuvitira mu Mwami wiitu Yeso Kristo.

Vagalatia 3:28

Kulwayago, sihaveeyeho kandi ni liavukana hagati ha Avayuda na vandu vizihiiri, mutugwa nu muvoholore anoho musaza nu mukali kandi mba. Vosi muveeye kindu kilala mu lihambanywa na Kristo Yeso.

Vafeso 2:15

Yeso yaatuliza ho Lilaga lia Avayuda harara na malago galio kandi ni miima jalio aduuki kolomba zihiiri ziviri yizio kugwa ihiiri ndala imbia muye, nokoleta mirembe hagati haavo.

Vafeso 2:17

Kunangwa, Kristo yaza, niyilwaza Ivangeri yi mirembe ku vosi, ku munyi vandu vizihiiri, avamwali ihale kutura ku Nyasaye, kandi ku Avayuda, avaari ahimbi kuye.

Vafeso 3:15

oveeye uvutangiliru vwa vuli ihiiri yu mwigulu kandi ya haasi enyooraa lieta liayo liagiligali.

Vafeso 4:16

Kuye vivero viosi viu muviri vihambanyiywi harara, kandi muviri gwosi gwahamanywa harara navuli chungu. Kunangwa, lwa vuli kevero kiyinziraa kuli gaduukanaa, muviri gwosi guvirukaa ma gwumbakwa kuvitira mu vuyanzi.

Vakolosai 1:20

Kuvitira mu Mwana, Nyasaye yatovola koleta vilombe viosi viirane kuye umwene. Nyasaye yalomba mirembe kuvitira mu likuza lie sadaka yu Mwana weve ku musalaba; kandi ndio yaleeta vindu viosi ku lirova anoho mwigulu viirane kuye mwene.

Vakolosai 2:20

Nimuva ni mwakuza harara na Kristo ku amigizu ga kale gilirova kandi ni muhonywa kutura mu zinguru zia roho jamiihaa vwerefu, kigira ki mumenye kandi kuli yava avakikiri mu lirova yili? Kigira ki muviikirwaa amalago ga mulonda kuli,

Vakolosai 3:11

Kulwa yaga sihaveeyeho niliavukanyia hagati hu Muguriki nu Muyuda, anoho likevwa nilivula kukevwa, anoho wamanya nutamanyi miima, anoho musiru nu mugeri anoho mutugwa, anoho muvoholore; navuzwa Kristo aveeye viosi, kandi aveeye mu viosi.

Vakolosai 3:15

Muleke mirembe ja Kristo ahaanaa jamiihi mu mioyo jinyu, kigira mirembe yiji, Nyasaye yamulanga muuzi mwosi harara mumuviri mulala, muve kandi nilisandiza.

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.

Vahebraina 7:2

na Aburahamu naye naamuha kidieli chi likomi chi vindu viosi via yaali navio. Kivuni chukutanga chi Lieta Melikizedeki keveeye “Mwami Munene wuvulungi”, kandi kigira yaali Mwami wa Salemi, lieta lilie liveeye kovora, “Mwami wi Mirembe.”