Vafeso 2:12 - KITABU KITAKATIFU

¹² Mwizurizi ndi ing'inga yeyo, mwaali ni mwavukanywa kutura ku Kristo. Mwaali avageni kandi simwali valala ku avandu vatovole va Nyasaye mba; simwali ni lisanga mu malagano gi lisuuvirizwa lia Nyasaye ku avandu veve mba. Mwamenya mu lirova linu vugira lisuuviriza kandi vugira Nyasaye.

Vafeso 2:12 Iomraidhean Croise

Litanga 15:18

Ku lidiku liene yilio, Yahova yalomba lilagana na Aburamu; Yavoola, “Inzi ndagaa kuhaana ku visukululwi vivio kivala yiki choosi kutura ku lwako lwu mugera gwa Egebeti kuduuka ku mugera gwa Efurate,

2 Kyetsinyinga 15:3

Ku ing'inga indambi avandu va Isiraeli vamenya vugira Nyasaye wagiligali, kandi vugira avasaalisi kuvigiza kandi vugira amalago.

Ezara 4:3

Zerubabeli, Joshua, kandi navimiliri vizihiiri vavavolera, “Kunyi sikwenya ovokonyi vwinyu kunangwa kwumbakiri Yahova Nyasaye witu Litembeli mba. Kunyi kulumbaka aveene, kuli Sairasi mwami wa Pasia yakulaga.”

Kutwula 12:45

Mumenya wi ing'inga engekeeke nu muyinziri utungwa sivalalia ku mba.

Isaya 14:1

Yahova alavelerera avandu veve Isiraeli, kandi alavatovola vave avandu veve omwene. Alavavika vamenye mu kivala chavo aveene, kandi avageni valaza komenya harara navo.

Isaya 44:6

Yahova, uwamihaa kandi ukingaa Isiraeli, Yahova Wuvunyali avoora ndi: “Inzi mbeeye Nyasaye Weng'ine, Wukutanga nu Wekeheri; sihaveeye ho na nyasaye wundi, navuzwa inzi.

Isaya 45:20

Yahova avoora, “Hambi muvugane harara kandi mwelolekizi aveene, munyi avandu vi zihiiri ziosi avaahona kutura ku liigwa liu mwami, avandu vagenda ni vagingi vifananyi viavo viavazwa ku misaala, kandi avasaalaa ku avanyasaye vandi avatanyala kuvahonyia mba. Avandu yava sivamanyi kindu kali kilala mba.

Isaya 61:5

Avageni valamutumikira kandi valaya nu kulinda chayo chiinyu, kandi valalima milimi jinyu, nu kulinda milimi jinyu jie mizabibu.

Jeremia 14:8

Ivi wengine oveeye lisuuvirizwa lia avandu va Isiraeli, niivi wengine ohonyia kunyi kutura mu kivi. Kigira ki oveeye kuli mugeni mu kivala chietu, kandi kuli mundu oveeye kologendo uwenyaa hokogona ku vudiku vulala vweng'ine?

Jeremia 17:13

O, Yahova, ivi oveeye lisuuvirizwa lia avandu va Isiraeli; yavo vosi avalekaa ivi valaduuka mu zisoni. Valagota kuli amita gahandikwa hasi mu luguchi, kigira vamali koleka ivi, Yahova, oveeye kisinukiru cha mazi gi livamwoyo.

Ezekieli 13:9

mbeeye himbi kuhaana mageri ku munyi, avaporofeti avaveeye na malola gataveeye gagiligali kandi avaveeye nu voporofeti vwu vugadi. Sinamuve harara nu muganda gwa vandu vange, anoho simulang'odwa harara namita ga vandu va Isiraeli mba, anoho simulakilane mu kivala cha Isiraeli mba. Maku mulakamanye ndi, inzi mbeeye Yahova Wuvunyali.

Ezekieli 37:26

Inzi ndakalombe lilagana harara navo liukuvasuuviliza mirembe mihiga ni mihiga. Inzi ndakavasingilizi kandi ndakameede ulwivulu lwavo, kandi ndakaviiki Litembeli liange mu kivala chavo uwa lilakamenye mihiga ni mihiga.

Ezekieli 47:22

Kilava mwandu gwinyu gwi mihiga ni mihiga. Avageni vamenyi mu munyi kandi avamala kwivulira avana hano, gavadukiraa vanyoore kedonye chavo chu mulimi lwa mugugavuranyia. Gaduukanaa muvakolere kuli avandu vi kivala cha Isiraeli kandi vakubi zikuura konyoora kedonye chu mulimi harara ni zihiiri zia Isiraeli.

Hosea 3:4

Mu liiva kuli yili avandu va Isiraeli valakamenye ku ing'inga indambi vugira avami anoho aviimiliri, vugira visiuviliru anoho magina gizitiilu matakatifu, vugira vifananyi viu kutumikira ku vusigitiri.

Livalidza 18:19

“Mbihaana ku ivi, avayaayi vovo harara na vakana vovo, zing'inga ziosi ziza, vihaanwa viu lugano lwa vio, via vandu va Isiraeli valeta ku inzi. Yili ni lilagana litanyala kuvunagwa lia inzi mali kolomba nivi harara ni visukululwi vivio.”

Luka 1:72

Yavoola alaveera avaguuga viitu zimbavasi nukwizuliza lilagana lilie litakatifu.

Yohana 10:16

Mbeeye kandi na amagondi gandi amanyingi agataveeye gu mu kego yiki. Kuduuka ngaleete kandi. Nago kandi galahulira mwoyo gwange, na galava chayo kilala nu mwayi mulala.

Yohana 15:5

“Inzi mbeeye Muzabibu, na munyi muveeye zisia. Mundu ku vosi omenya mu inzi, nainzi niimba muye, yamaa amakuyu manyingi, kigira vugira inzi simunyala kukola kindu kali hakuzu mba.

Yohana 4:22

Munyi Avasamaria musigamiraa oyo wamutamanyi ligali navuzwa kunyi kumanyi uyu wakusigamiraa, kigira ovohonyi vutura ku Avayuda.

Vikolwa 2:39

Kigira lisuuvirizwa lia Nyasaye lialomberwa munyi, nu ku avana vinyu, kandi ku vosi avamenyaa ihale, nuku vosi avu Mwami Nyasaye wiitu alaangaa vaze kuye.”

Vikolwa 28:20

Kigira yaga nyenyi kololana no komoloma ni munyi, kigira mboheywi ni minyororo yiji kurwi lisuuvirizwa lia Isiraeli.”

Vikolwa 3:25

“Lisuuvirizwa lia Nyasaye kuvitira mu avaporofeti veve, gaveeye kigira munyi; na munyi musangaa mu lilagana lia Nyasaye yalomba na avaguuga vinyu. Kuli yavolera Aburahamu, ‘Kuvitira mu visukululwi vivio ndakagasizi avandu vosi ku lirova.’

Varumi 9:8

Agaveeye kovora ndi, sivaveeye yavo viivulwa ku lugano lwu muviri vaveeye vana va Nyasaye, navuzwa yavo viivulwa kolondekana ku lisuuvirizwa lia Nyasaye nivo vavalizwa kuli visukululwi vivie viagiligali.

Vagalatia 4:8

Maziambiri, munyi si mwamanya Nyasaye mba, kandi ndio mwaali avatugwa vi vilombe vitaveeye avanyasaye va giligali.

Vafeso 2:19

Kunangwa, munyi vandu vizihiiri simuveeye avageni anoho avandu avichova, kandi mba. Munyi muveeye vandu vihiiri ndala harara na avandu va Nyasaye kandi avinyumba ya Nyasaye.

Vafeso 4:18

avovogeri ni limanya liavo viveeye mu kisundi. Sivaveeye ni lisanga mu livamwoyo lia Nyasaye ahaanaa mba; kigira livula kumanya kandi kuva ni mioyo midinyu.

Vakolosai 1:21

Na munyi, ku maziambiri mwaali ihale kutura ku Nyasaye kandi mwaali avasigu veve mu zing'anagani kandi, mu vikolwa vienyu vidamanu,

Vakolosai 1:27

Nyasaye yalohiza kuvulira vandu veve imbisu yeeye imbisu yu vutugi harara nu vukumi vwaveeye navwo ku vandu vosi imbisu eveeye ndi Kristo aveeye mu munyi, gaveeye kovora ndi mulakasange mu vukumi vwa Nyasaye.

Vakolosai 1:5

Kigira lisuuvirizwa lia mwaviikirwa mwigulu. Lisuuvirizwa yili mumali kuhulira mu likuva liagiligali lie Ivangeri.

1 Vatesalonike 4:13

Avaamitu, viitu kwenya munyi mumanye agiligali ga makuva ga yavo avamala kukuza. Mutaverera kuli yavo avataveeye nilisuuvirizwa.

1 Vatesalonike 4:5

sigaveeye mu liegomba lidamanu liu muviri kuli avandu vi zihiiri, avatamanyi Nyasaye.

2 Vatesalonike 2:16

Mwami wiitu Yeso Kristo mwene, na Nyasaye Baba wiitu uwakuyanza kandi kuvitira mu zimbavasi zizie naakuha kelemamwoyo chi mihiga ni mihiga kandi lisuuvira lilahi,

Vahebraina 11:34

vasiminya miliru minene jizingulu, vahononoka kwitwa ni kivavi. Vaali avadedekere, navuzwa vahevwa zinguru, vaali vizingulu zinene muliihi, ma nivaguuta amahi ga vageni.

Vahebraina 6:18

Kunangwa koveeye ni vindu viviri; lisuuvirizwa ni liesuuha ivitanyala kugirung'ana, kandi Nyasaye avula kovora vovehi kulio. Kunangwa kunyi avakumali konyoora mirembe naye kuzuvwa ligali kugumiri vudinyu lisuuvirizwa liviikiywi imbiri wiitu.

Vahebraina 8:6

Navuzwa kalunu Yeso Kristo umali koheevwa miyinzi ju vusaalisi ovoveeye vulahi kuvita vwavo, kuli Lilagana lia yalohiza hagati ha Nyasaye na vandu veve liveeye lilahi ligali kuvita, kigira liediiraa ku lisuuvirizwa lilahi ligali lie vindu viveeye vilahi ligali.

1 Petro 1:21

Kuvitira muye, munyi musuuviraa Nyasaye wasimugukiza Yeso kutura mu likuza, nu kumuha uvukumi. Kulwayago lisuuvira lienyu ni lisuuvirizwa lienyu viveeye ku Nyasaye.

1 Petro 1:3

Yizominywi Nyasaye Baba wu Mwami wiitu Yeso Kristo! Kigira mu zimbavasi zizie zinene, yakuha livamwoyo lihia lwa yasimugukiza Yeso Kristo kutura mu likuza. Yaga goosi gakoheezaa lisuuvirizwa liveeye mwoyo,

1 Petro 3:15

Navuzwa mwizominye Kristo mu mioyo jinyu kandi muhaane luyali kuye kuli Mwami. Mwetegeke amadiku goosi kutivulira mundu sa mulala umuteeva ikivuni chi lisuuvira lia muveeye nalio mu Kristo,

1 Yohana 3:3

Umundu woosi oveeye ni lisuuvira yili mu Kristo, yitakasaa mwene kuli Kristo aveeye Mutakatifu.