Vafeso 2:11 - KITABU KITAKATIFU

¹¹ Kunangwa mwizurizi ndi mwaali vandu vizihiiri ku liivulwa maziambiri. Mwalangwa, “avatakevwa,” na Avayuda avilangaa “avakevwa,” yili ni likevwa liu muviri.

Vafeso 2:11 Iomraidhean Croise

Ezekieli 20:43

Maku mulakizulizi vindu viosi vie zisoni via mwakora kandi kuli mweyonogonyia. Mulakave ni livihiririzwa aveene kigira vindu vidamanu viosi via mwakora.

Ezekieli 36:31

Maku mulakizulizi likora lienyu lidamanu kandi vikolwa vienyu vitali vilahi. Mulakave ni livihirirwa aveene kigira uvwoni vwinyu kandi kivihiri chiinyu.

Matayo 20:7

Navo vaamutivulira. ‘Kigira sikoveeye nu mundu okoheeye miyinzi mba.’ Naye yavavolera, ‘Kali munyi muzie muyinziri mu mulimi gwange gwi mizabibu.’

Varumi 11:17

Yee, zindala ku zisia ziu muzeituni gwu mulimi gwa vasembeleraa zimali kuvunagwa, na mu vwiyangu vwazio, munyi iziisia zia muzeituni gwu mu mulitu zimali kuhambanywa kugwo, munyi avandu vi zihiiri zindi ni munyi avaveeye kuli iziisia zia muzeituni gwu mulitu, na kalunu musangaa harara na Vayuda livamwoyo liumu Roho lie zinguru.

Varumi 2:26

Niiva mundu mugasa wi Zihiiri zindi adukizaa agi Lilaga lienyaa, Nyasaye sialamuvaliza kuva aveeye kuli wakevwa?

Varumi 2:27

Kunangwa Avayuda mulakakalagirwi na vandu Avizihiiri kigira muvunagaa Lilaga, kali nigava mwamala kuling'oda hasi kandi mukevwa; navuzwa vahuliraa lilaga kali niiva sivakevwa ku miviri mba.

1 Vakorintho 12:2

Mumanye vulahi ndi lwa mwaali nimukikiri kumanya Nyasaye, mwagotizwa mu zinzira zinyingi mu lisigamira vifananyi vitaveeye ni livamwoyo.

1 Vakorintho 6:11

Valala ku munyi mwaali kuli ndio. Navuzwa kalunu mwanihizwa kutura muvwoni. Mwakolwa avatakatifu ku Nyasaye, mwakolwa avalungi imbiri wa Nyasaye ku lieta liu Mwami wiitu Yeso Kristo kandi ku Roho wa Nyasaye wiitu.

Vagalatia 2:15

Agiligali kunyi aveene koveeye Avayuda mu liivulwa lietu na sikoveeye “Avandu vizihiiri voni” kuli yavo valangwa mba.

Vagalatia 6:12

Avandu vageriza kuniga munyi mukevwe kuzinguru, ni yava avenyaa kwimanyia ndi vaveeye avalahi, nu kwekonya ku vindu viu muviri. Vakora ndio kunangwa vavuli kudambizwa kigira musalaba gwa Kristo.

Vafeso 2:2

Ing'inga yeyo mwamenya kolondekana ni liiva lidamanu lie lirova, Kandi mwaloonda nukuhulira liiva lio mwami wa mademoni gi zinguru mu vwerefu, mademoni gamiihaa avandu avatahuliraa Nyasaye.

Vafeso 5:8

Maziambiri, munyi mwali mu kisundi, navuzwa kalunu muveeye nu vulavu mu mwami; kunangwa kuduuka mumenye kuli vana vu vulavu.

Kwidzulitsa 15:15

Mwizurizi ndi munyi mwaali avatugwa mu kivala cha Egebeti, na Yahova Nyasaye winyu yamuvoholora. Kunangwa, yicho nicho kigira muheezaa lilago yili kalunu.

Kwidzulitsa 16:12

Mwizurizi ndi mwaali avatugwa mu Egebeti; muhenze vulahi malago yaga goosi.

Kwidzulitsa 5:15

Mwizurizi ndi mwaali vatugwa mu Egebeti, ma kandi, Inzi, Yahova Nyasaye winyu, ndaamuhonyia kutura yo ni zinguru ziange zinene. Yiki nicho kigira nimugulaga mulindi lidiku lie Lisabato.

Kwidzulitsa 8:2

Mwizurizi kuli Yahova Nyasaye winyu yamwimilira kologendo lutambi kuvitira mu changalangwe ku mihiga arubaini jimali kuvita, namuleetera uvudinyu vwosi no kumugeriza, kunangwa aduuki kumanya agaveeye mu mioyo jinyu, kandi niiva mulahulira malago geege.

Kwidzulitsa 9:7

“Mwizurizi yaga kandi mutivilira kuli mwavihiliriza Yahova Nyasaye winyu muchangalangwe mba. Kutura ku lidiku liamwatula mu kivala cha Egebeti kuduuka lidiku lia mwaduuki hano, mwayibaala ku Yahova ligali.

Vafilipi 3:3

Avandu vakevwa mugiligali ni kunyi kigira ni kunyi avasigamiraa Nyasaye mu Roho kandi avakusangalaa mu ilihambanywa lietu ku Kristo Yeso. Kandi kunyi sikuviikaa ilisuuvira mu likevwa mba.

Vakolosai 1:21

Na munyi, ku maziambiri mwaali ihale kutura ku Nyasaye kandi mwaali avasigu veve mu zing'anagani kandi, mu vikolwa vienyu vidamanu,

Vakolosai 2:11

Mulihambanywa na kristo, mu mali kukeverwa mu nilikevwa litaveeye lia makono, navuzwa ni likevwa lia Kristo, liveeye livoholore kutura kuzinguru ziu vwoni.

Vakolosai 2:13

Lwa mwaali nimwakuzira mu lihiola lienyu nu mulivula kokevwa miviri jinyu, Nyasaye yaarnuha livamwoyo harara na Kristo, yakusaameha uvwoni vwitu vwosi;

Vakolosai 3:11

Kulwa yaga sihaveeyeho niliavukanyia hagati hu Muguriki nu Muyuda, anoho likevwa nilivula kukevwa, anoho wamanya nutamanyi miima, anoho musiru nu mugeri anoho mutugwa, anoho muvoholore; navuzwa Kristo aveeye viosi, kandi aveeye mu viosi.

1 Samweli 17:26

Daudi yateeva vasaza vaali nivaveeye ahimbi naye, “Musaza uva niyiita mundu Mufilisitia uyu nokovoholola Isiraeli kutura mu zisoni yizi alahevwaki? Kali ndio nivwaha, Mufilisitia musiindi uyu olegeriza liihi lia Nyasaye oveeye mwoyo?”

1 Samweli 17:36

Inzi, mutumikiri woovo ndayita ving'ang'a kandi ni zidubu, kandi ndakora malala mere ku Mufilisitia musiindi uyu, umali konyega liihi lia Nyasaye, oveeye mwoyo.