Vafeso 2:10 - KITABU KITAKATIFU

¹⁰ Nyasaye umali kokolomba kuli koveeye, kandi mu lihambanywa harara na Kristo Yeso, yalomba kunyi kigira livamwoyo lie vikolwa vilahi, viamali kwetegekizira kunyi kuduuki kokora.

Vafeso 2:10 Iomraidhean Croise

Zaburi 100:3

Mumanye ndi Yahova aveeye Nyasaye. Yalomba kunyi na kunyi koveeye aveeve. Koveeye avandu veve kandi koveeye chayo cha magondi geege.

Zaburi 119:3

Sivakora uvudamanu kali hakuzu; vagenda mu zinzira zia Yahova.

Zaburi 138:8

Ivi ulakola vindu viosi via umali kusuuviriza; O, Yahova, uvuyanzi vuvwo. Vuhindiraa mihiga ni mihiga. Maliriza miyinzi ja umali kutanga kokora.

Zaburi 51:10

O, Nyasaye, onombere mwoyo munifu, Uviiki mu inzi roho muhia kandi musuuvirifu.

Zaburi 81:13

Vwakaveeye vulahi avandu vange Isiraeli valambuliriza! Vwakaveeye vulahi niiva vakambuliyi!

Isaya 19:25

Yahova Wuvunyali alakavagaasizi nokovoora, “Ndagasiza munyi vandu va Egebeti; avandu vange; ndagasiza munyi vandu va Asiria, avandu vandaloomba; kandi ndagasiza munyi avandu va Isiraeli, avandu vange avatovole.”

Isaya 29:23

Lwa muloraa avana va ndimuha, hene yaho mulamanya ndi, Inzi mbeeye Nyasaye, Mutakatifu wa Isiraeli. Mulaamba luyali nukutia inzi ligali,

Isaya 43:21

Vaveeye avandu vandelombera umwene, kandi valimba lizominywa liange!”

Isaya 43:7

Vaveeye avandu vange, ndaavalomba vaduuki koleta uvukumi ku inzi.”

Isaya 44:21

Yahova avoora, “Isiraeli, wizulizi makuva yaga; wizulizi ndi oveeye mutumikiri wange, Ndaakolomba ove mutumikiri wange, kandi sindakakwivilira mba.

Isaya 60:21

Avandu vinyu vosi valava avalungi, kandi valavugula miandu ji kivala chavo mihiga ni mihiga. Inzi ndaavaleta kandi nimbaviiki mu kivala yiki; ndakora ndio kandi nduuki kukuminywa.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Matayo 5:16

Munzira ndala nzere, kuduuka uvulavu vwinyu vumuliki imbiri wa avandu kunangwa vaduuki kolola miyinzi jinyu milahi, ma vizominyi Baba winyu oveeye mwigulu.

Yohana 3:21

Navuzwa olondaa agiligali yazaa ku vulavu, kunangwa vikolwa vivie viloleke vikoleywi mu liitia Nyasaye.

Vikolwa 9:31

Ing'inga yeyo likanisa liali ni mirembe hoosi mu Vuyuda, Galilaya, na Samaria. Liumbakwa niliviruka mu liitia Mwami, nilimedeka koleminywa mwoyo kuvitira mu Roho Mutakatifu.

Vikolwa 9:36

Yaali ho mukali mulala mu lidaala lia Jopa walangwa Tabita. Mu Luguriki ni Torokasi, ligirung'anyia lialio ni kisusu. Mukali uyu yakola miyinzi milahi jokokoonya avadaka kazozo.

Varumi 8:1

Kalunu siahaveeye ni likalagirwa ku yavo avaveeyeho mu Kristo Yeso,

Varumi 8:29

Yavo ava Nyasaye yatovola kutura mu litanga nivo ava yaahula vaduuki kuva kuli Mwana weve, kunangwa Mwana aduuki kuva wu kutanga hagati ha vamwavo vanyingi.

1 Vakorintho 3:9

Kunyi koveeye avamwavo, avayinziri va Nyasaye; na munyi muveeye mulimi gwa Nyasaye, kandi muveeye kuli inyumba ya Nyasaye.

2 Vakorintho 5:17

Lwu mundu woosi, aveeye mu Kristo, aveeye ekelombe ikihia. Henza ivindu viosi via kale vimali kuvita. Na viosi vigwiyi vihia.

2 Vakorintho 5:5

Nyasaye mwene niyie wakolombera ligirung'anywa yili, kandi yakuha Roho weve, ave kelolero chi vindu viosi via yakuviikira.

2 Vakorintho 9:8

Nyasaye anyala kumuha munyi vugasu vunyingi ligali, kunangwa muduuki kuva navio viosi via mwenya vuli kazozo; na ndio muduuki kuzizagilira kuhaana mu vunyingi ku miyinzi josi milahi.

Vagalatia 6:15

Likevwa anoho kuvula kokevwa siliveeye kindu, navuzwa kindu keveeye kenene nikuva ekelombe kihia.

Vafeso 1:1

Inzi Paolo, uwagwa mutumwa wa Kristo Yeso ku vulaliri vwa Nyasaye, Ng'odera munyi Avakristayo avaveeye Efeso, avaveeye avasuuvirifu mu Kristo Yeso.

Vafeso 1:4

Kali lirova nilikikiri kolombwa, Nyasaye yaali niyamala kotovola kunyi kove vandu aveeve kuvitira mu vuhambani Kristo kunangwa kuduuki kuva avatakatifu kandi vugira imbara mbiri weve. Kigira vuyanzi vwivwe,

Vafeso 2:13

Navuzwa kalunu, mu Kristo Yeso munyi avamwali ihale maziambiri, muleeteywi ahimbi kuvitira mu masahi ga Kristo.

Vafeso 2:15

Yeso yaatuliza ho Lilaga lia Avayuda harara na malago galio kandi ni miima jalio aduuki kolomba zihiiri ziviri yizio kugwa ihiiri ndala imbia muye, nokoleta mirembe hagati haavo.

Vafeso 2:2

Ing'inga yeyo mwamenya kolondekana ni liiva lidamanu lie lirova, Kandi mwaloonda nukuhulira liiva lio mwami wa mademoni gi zinguru mu vwerefu, mademoni gamiihaa avandu avatahuliraa Nyasaye.

Vafeso 2:6

Mu lihambanywa lietu harara na Kristo Yeso, Nyasaye yakusimugukiza kutura mu likuza lia Roho harara na Kristo, kunangwa muduuki kwamiiha naye mwigulu.

Vafeso 4:1

Kunangwa, inzi oveeye muhambe kigira ndumikiraa Mwami, mugoonyaa mumenye kolondekana ni liiva lia Nyasaye yaviikaho lwa yamulanga.

Vafeso 4:24

kuduuka mwiviki liiva liu mundu muhia, ilialombwa muliiva lia Nyasaye, lievulaa liene mu liiva lia giligali kandi uvutakatifu.

Kwidzulitsa 32:6

Ni ndi munyala kokolera Yahova munyi avandu vasiru kandi vataveeye novogeri! Aveeye Baba winyu, mulombi winyu yalomba munyi muve ihiiri.

Kwidzulitsa 5:33

Mugalonde goosi kunangwa vindu viosi viduuki kuva vulahi ku munyi kandi kunangwa muzizagiliri komenya madiku manyingi mu kivala cha muzizaa kuvugura.

Vafilipi 1:6

Mbeeye ni lisuuvira ligali ndi Nyasaye watanga miyinzi milahi yiji mu munyi, alazizagilira najo kuduuka ajitwekizi ku Lidiku lia Kristo Yeso.

Vafilipi 2:13

Nyasaye akolaa imiyinzi mu munyi kazozo kumukola muduuki kuvugilira kandi kuhulira uvulariri vwivwe umwene.

Vakolosai 1:10

Maku mulamenya mu liiva liu Mwami yenya kandi mulakola ikiyaanzizaa umwami kazozo. Mu limenya lienyu liosi mulakola zing'ano ziosi zie vikolwa vilahi, kandi mulaviruka mu limanya Nyasaye.

Vakolosai 3:10

Mumali kwivika kandi liiva lihia. Yili ni liiva lia Nyasaye, alikola vuli ing'inga kuva ni liiva kuli lilie mwene kuduuka mu limanya liduukiru lilie.

2 Vatesalonike 2:17

aleminye mioyo jinyu nu kumudinyiriza mukore imiyinzi josi imilahi kazozo kandi kovora makuva goosi amalahi.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Tito 2:7

Mu vindu viosi ivi umwene wimanyie kuva oveeye chokololera ku miima milahi; ove musuuvirifu kandi mugulu mu liegiza liilio.

Tito 3:1

Wizulizi avandu vovo vegehizi ku miihi kandi ku avami, vatie kandi vetegeke kokora gaveeye amalahi munzira yoosi.

Tito 3:14

Kuduuka avandu viitu vigi kutumikira zing'inga ziavo mu likora miyinzi milahi, kunangwa vakonye avandu vaveeye novogeheru. Vatava ni limenya liavuzwa mba.

Tito 3:8

Livoora yili liveeye lie ligali. Inzi nyenya udinyirizi ligali ivindu yivi, kunangwa yavo avamali kusuuvira mu Nyasaye vaduuki kuva nilienya kutumikira ing'inga yavo kokora vikolwa vilahi ku vandu vosi.

Vahebraina 10:24

Kandi leki kwehenderanili mioyo aveene naveene kandi mukokonyane aveene naveene muduuki kuyaanzana kandi kokora miyinzi milahi.

Vahebraina 13:21

Nyasaye wi mirembe amukole muve avadukiru mu vindu viosi vilahi via mwenya, kunangwa muduuki kokora uvulariri vwivwe; kandi kuvitira mu Yeso Kristo akole mu kunyi imbiri weve. Uvukumi vove kuye mihiga ni mihiga. Amini.

1 Petro 2:12

Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.

1 Yohana 1:7

Navuzwa ni kogenda mu vulavu kuli mwene aveeye mu uvulavu, kunyi koveeye ni lisanga aveene na aveene; kandi amasahi ga Yeso Kristo mwana weve gakwogizaa uvwoni vwosi.

1 Yohana 2:6

Oyo ovola amenyi mu Nyasaye gamudukira amenye kuli Kristo yamenya.