Vafeso 2:1 - KITABU KITAKATIFU

¹ Maziambiri munyi mwaali avakuzu mu Roho kigira lihiola kandi uvwoni vwinyu.

Vafeso 2:1 Iomraidhean Croise

Litanga 8:21

Umwayu gwi kisiuviriru gwayaanziza Yahova, na yavoola, “Inzi si ndalaama lirova kigira likora liu umundu mba. Inzi manya ndi umundu aveeye ni zing'anagani zindamanu kutura ing'inga ya yaali mwana. Inzi si ndadiviza vindu viosi viveeye ni livamwoyo kuli mali kokora mba.

Matayo 8:22

Yeso yamuvolera, “Nonda. Leka avakuzu vayaviri avakuzu vaavo aveene.”

Luka 15:24

Muyaayi wange uyu yaali yakuza, navuzwa kalunu aveeye mwoyo; yaali niyagota, navuzwa kalunu anyoleki!’ Maku vatanga kolomba lilia!

Luka 15:32

Gaduukani kolombe lilia kandi kusangale, kigira amwavo woovo uyu yaali niyakuza, navuzwa kalunu aveeye mwoyo; yaali niyagota, navuzwa kalunu anyoleki.’ ”

Yohana 10:10

Mwivi yaza vuzwa kigira ukwiva, ukwita nu kudiviza. Inzi ndaaza kunangwa amagondi gange gaduuki konyoora livamwoyo, kandi valinyoole linyingi ligali.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yohana 5:21

Kuli Baba asimugukizaa avakuzu nu kuvaha livamwoyo, kandi nindio mwana ahaanaa livamwoyo ku yavo avaayaanza.

Yohana 5:25

Agiligali muvooleraa; ing'inga yiza, kandi imali kuduuka, lwa avakuzu valihulira mwoyo gwu Mwana wa Nyasaye, nayavo avalimuhulira, valakaduuki mu livamwoyo.

Varumi 8:2

kigira Lilaga lia Roho, oleetelaa kunyi livamwoyo mu lihambanywa harara mu Kristo Yeso, limali komboholola kutura mu Lilaga liu vwoni kandi lie likuza.

1 Vakorintho 15:45

Mang'oda Matakatifu gavoora, “Mundu wu kutanga, Adamu yalombwa kelombe chi livamwoyo.” Navuzwa Adamu wukumaliriza aveeye Roho uhaanaa livamwoyo litahera.

2 Vakorintho 5:14

Vuyanzi vwa Kristo vukwamiihaa, kigira kumanya ligali ndi, umundu mulala yakuzira avandu vosi; agaveeye kovora ndi vosi vaasanga mu likuza lilie.

Vafeso 4:18

avovogeri ni limanya liavo viveeye mu kisundi. Sivaveeye ni lisanga mu livamwoyo lia Nyasaye ahaanaa mba; kigira livula kumanya kandi kuva ni mioyo midinyu.

Vafeso 5:14

Kindu choosi ikivuuliywi havulavu kigwizaa uvulavu. Yiki nicho kigira nigavooleka, “Vuka, O, ivi ugonaa, simuguka kutura mu likuza, kandi Kristo alang'ereng'ana ku ivi.”

Vakolosai 2:13

Lwa mwaali nimwakuzira mu lihiola lienyu nu mulivula kokevwa miviri jinyu, Nyasaye yaarnuha livamwoyo harara na Kristo, yakusaameha uvwoni vwitu vwosi;

1 Yohana 3:14

Kumanyi kumali kutura mu likuza ma kwingiyi mu livamwoyo. Kumanyi yaga kigira kuyaanza avaamitu. Mundu utaveeye nu vuyanzi amenyaa mu zinguru zie likuza.

Likunula 3:1

“Ng'odera engelosi wi likanisa liveeye Saride: “Yaga nigo amakuva ga uyu oveeye na Roho saba va Nyasaye, nizing'ereng'ani saba. Inzi manyi miyinzi jijo. Ololekaa kuva mwoyo, navuzwa wakuza.