Vafeso 1:6 - KITABU KITAKATIFU

⁶ Gendi kwizominyi Nyasaye kigira vukumi vwi zimbavasi zizie, ku kihanwa chiche cha yahaana ku kunyi mu Mwana weve Muyanze.

Vafeso 1:6 Iomraidhean Croise

Zaburi 22:20

Ombonyie kutura ku kivavi; honyia livamwoyo liange kutura kuzinguru zie zimbwa yizi!

Zaburi 60:5

Okohonyie nizinguru zizio; undivuliri lisaala liange. Kunangwa avandu va ivi uyanzaa vaduuki kohonywa.

Tsing'ano 16:4

Vindu viosi via Yahova yalomba viveeye nekeheri cha vio, ne keheri chu mundu mudamanu ni kudivizwa.

Isaya 42:1

Yahova avoora, “Uyu nu mutumikiri wange, wa inzi mali kuha zinguru, kandi wamali kotovola wu mwoyo gwange gusangaliraa. Mali kumukola mugulu, kandi mali kuviika muye Roho gwange; alareta likalaga lirungi mu zihiiri ziosi.

Isaya 43:21

Vaveeye avandu vandelombera umwene, kandi valimba lizominywa liange!”

Isaya 61:11

Kuli ivitagwa vitomboka ma viviruka, Yahova Nyasaye alaleeta uvulungi kandi lizominywa imbiri Mwami Munene Yahova alahonyia avandu veve, kandi zihiiri ziosi zilamwizominya.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Jeremia 23:6

Lwaveeye mwami, avandu vi Ivuyuda navahone, kandi avandu va Isiraeli navamenye mumirembe. Kunangwa navamuguliki ‘Yahova muhonyi wiitu.’ ”

Jeremia 33:9

Jerusalemi ilava kuli kisenukiru chu vusangali, uvukumi kandi lizominywa, kandi zihiiri ziosi zie lirova zilava nu vuti kandi ni lidegera lwa zihulira kigira vindu vilahi via ngolera avandu va Jerusalemi kandi kigira ligasizwa liambaana ku lidaala yili.”

Kyavalevi 15:15

Musaalisi alahaana lilala kugo kuli kihanwa chu uvwoni ni lindi kuli kihanwa chukusambwa. Munzira yiyi musaalisi alamulombera muruka gwukwogiza uvwoni vwivwe.

Zekaria 13:7

Yahova Wuvunyali avoora, “O, kivavi, vuka ulwaane mwayi wange! Oveeye ahimbi ni Inzi! Kuya mwayi uyu, na magondi galasalanywa. Inzi ndalwaana vimeme viago.

Matayo 17:5

Lwa yaali nakemoloma, ililesi lilavu liavakunika, nu umwoyo gwahulirika kutura mu lilesi zana ni govoora, “ Uyu nu Umwana wange wandayanza, mumuhuliri.”

Matayo 20:9

Maku vaza avasamulizwa zisa likomi na ndala, na vuli mulala kuvo yanyoora mutungu gwi lidiku liosi idinari ndala.

Matayo 3:17

Kandi henza, umwoyo gwatura mu ligulu ni govoora, “Uyu nu Umwana wange muyanze wandayanza.”

Luka 2:14

“Uvukumi voveeye igulu mwigulu ku Nyasaye, ni mirembe mu kivala ku avandu ava ya yaanza!”

Yohana 10:17

“Kivuni kigiranga Baba nanyaanza keveeye kigira inzi mbugilira kuhaana livamwoyo liange, kunangwa nduuki kulinyoola kandi.

Yohana 3:35

Baba ayaanza Mwana weve kandi umali kuviika vindu viosi hasi hu vunyali vwivwe.

Varumi 8:1

Kalunu siahaveeye ni likalagirwa ku yavo avaveeyeho mu Kristo Yeso,

2 Vakorintho 4:15

Yaga goosi gaveeye kigira munyi; kandi kuli zimbavasi zia Nyasaye zilandaa ku vandu vanyingi kandi avandu yavo valameeda lisaala linyingi lie lisandiza kigira vukumi vwa Nyasaye.

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.

Vafeso 1:12

Kunangwa gendi kunyi ava kwaali vukutanga kuva ni lisuuvirizwa mu Kristo, kwizominyi uvukumi vwa Nyasaye!

Vafeso 1:14

Roho Mutakatifu aveeye kihambiliru cho konyoora miandu jietu josi ja Nyasaye yalaga avandu veve kandi kuvasuuviriza ndi Nyasaye alakahaane ovovoholore vwosi ku vandu vosi avaveeye aveeve. Gendi kwizominyi vukumi vwivwe!

Vafeso 1:18

Saalaa ndi Nyasaye amukole muduuki kumanyiriza vulavu vwivwe, kunangwa muduuki kumanya lisuuvirizwa lia yamulangira kandi uvutugi vwuvukumi vwi miandu jije ku avandu veve

Vafeso 2:7

Yakola ndio kunangwa aduuki kumanyia mu zing'inga ziosi izizaa, ovonene vwuvutugi vwi zimbavasi zizie muvuyaanzi vwa yamanyia kunyi kuvitira mu Kristo Yeso.

Vafilipi 1:11

Livamwoyo lienyu liosi liliizula amakuyu goosi gu vulungi agatulaa mu Yeso Kristo kuduuka ku uvukumi ni ilizominywa lia Nyasaye.

Vafilipi 3:9

Kandi nduuki kuhambanywa naye ligali. Inzi simbeeye nu vulungi vwange umwene, yivwo ovonyoleka ku lilonda Lilaga. Inzi kalunu mbeeye nu vulungi uvuhaanwa kuvitira mu lisuuvira mu Kristo. Uvulungi vuturaa ku Nyasaye kandi uvweledaa ku lisuuvira.

Vafilipi 4:19

Nyasaye wange alahaana ku munyi lienya lienyu liosi kolondekana nu vukumi vwu uvutugi vwivwe mu kuvitira mu Kristo Yeso.

Vakolosai 1:13

Nyasaye yakohonyia kutura mu Zinguru zie kisundi, nakoleeta mu mirembe mu Vwami vwu Mwana weve umuyanze;

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

1 Petro 4:11

Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.