Vafeso 1:5 - KITABU KITAKATIFU

⁵ Nyasaye yaali niyamala kukalaga ndi kuvitira mu Yeso Kristo kunyi kuduuki kuvugilirwa kuva avana veve. Yili liali kandi lienya lilie.

Vafeso 1:5 Iomraidhean Croise

Jeremia 3:19

Yahova avoora, “Munyi avandu va Isiraeli, ndali nilienya kumuvugilira kuli avana vange kandi nukumuha kivala chuvusangari, kivala kilahi ligali mulirova liosi. Ndaali nilienya munyi muunange baba, kandi muvuli kugirung'ana kutura ku inzi.

Jeremia 3:4

“Nakalunu mumbolera, ‘Inzi mbeeye baba winyu, kandi mwayinyanza kutura ing'inga yandaali mwana.

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Hosea 1:10

Avandu va Isiraeli valakave vanyingi kuli muyeke gwu munyanza ugunyala kuvula kuvalizwa anoho kogerwa. Kalunu Nyasaye avavoolera, “Munyi si muveeye avandu vange mba,” navuzwa ing'inga yiza lwa livavoolera, “Munyi muveeye avana va Nyasaye omenya!”

Matayo 1:25

Navuzwa si yaali harara naye kuli mukali nu musaza mba, kuduuka lwa Maria yivula umwana muyaayi. Josefu ya mugulika lieta lilie Yeso.

Matayo 11:26

Yee, Baba, nindio wenyaa gakoleke.

Luka 10:21

Ing'inga zana yeyo, Yeso yizula uvusangari mu Roho Mutakatifu, niyizominya Nyasaye, navoora, “Baba, Mwami wi ligulu nilirova. Ngusandizaa ligali kigira ivi umali kuvisa ivindu yivi kuvageri kandi ku avilimanya, navuzwa uvuuliyi vihanzahanza. Yee, Baba, nindio wayanza yaga gakolwi kuli vulaliri vuvwo.

Luka 11:32

Avandu va Nineve valasingira ing'inga yi likalagirwa, navo valakakalagiri avandu vilikula kigira viganira ku amilwazo ga Jona; kandi henza, mulala oveeye munene kuvita Jona aveeye hano!

Luka 12:32

“Mutatia, munyi ichayo change kekekeeke! Baba winyu uyanziziywi kumuha Uvwami yivwo.

Yohana 1:12

Navuzwa ku yavo vosi avamuvugilira kandi avaasuuvira muye, yavaha uvunyali kuva avana va Nyasaye.

Yohana 11:52

na sikoveeye ku yavo venyine, navuzwa kandi aduuki kuleeta harara avana va Nyasaye avasalana.

Yohana 20:17

Yeso yamuvolera, “Utang'umira mba; Ngikiri kwanigira igulu wa Baba. Navuzwa zia ku avamwavo vange uvavoolere, ‘Nzirana ku uyu oveeye Baba wange kandi Baba winyu; Nyasaye wange kandi Nyasaye winyu.’ ”

Vikolwa 13:48

Avandu vi Zihiiri lwa vahulira amakuva yaga vayaanza, nivizominya likuva lia Nyasaye; yavo avaari nivatovolwa konyoora livamwoyo litahera mba, vasuuvira.

Varumi 8:23

Si viveeye vindu viosi vienyine ivikenyaa nilizunwa; navuzwa kali kunyi ava koveeye na Roho oveeye kuli vihaanwa via Nyasaye viukutanga. Kokenya aveene musi, nikulindirira Nyasaye akokole avana veve, kandi akovoholore mu liiva lietu liosi.

1 Vakorintho 1:1

Inzi Paolo, walangwa ku vulaliri vwa Nyasaye kuva mutumwa wa Kristo Yeso, na amiitu wiitu Sosizenesi -

1 Vakorintho 1:21

Kuvitira mu vogeri vwa Nyasaye yakola vandu vavuli kumumanya kuvitira mu vogeri vwavo aveene. Mu vogono yivwo, kuvitira mu vusiru vwi likuva lia kwilwazaa, Nyasaye yatovola kohonyia yavo avasuuviraa muye.

2 Vakorintho 6:18

Inzi ndava Baba winyu, namunyi mulava avana vange, avayaayi na vakana.” Mwami Wanyala Viosi avoora.

Vagalatia 3:26

Munyi vosi muveeye avana va Nyasaye kuvitira mu lisuuvira mu lihambanywa na Kristo Yeso.

Vafeso 1:11

Vindu viosi vekolekaa kolondekana ni lilohiza lia Nyasaye kandi likalaga lilie Nyasaye yakotovola kove avandu veve umwene kuvitira mu Kristo kigira uvulariri vwivwe, kolondekana na aga yaali ni yakalaga kutura mulitanga.

Vafeso 1:9

Nyasaye yakuvuulira agaviswa guvulaliri vwivwe, kolondekana ni lilohiza lilie lilahi lia ya saaviraa kokora kuvitira mu Kristo.

Vafilipi 2:13

Nyasaye akolaa imiyinzi mu munyi kazozo kumukola muduuki kuvugilira kandi kuhulira uvulariri vwivwe umwene.

Vakolosai 1:19

Gaali ku litovola lia Nyasaye ndi, mwana weve mwene ave ni liiva liu vuduukiru vwosi lia Nyasaye.

2 Vatesalonike 1:11

Kigira yaga, kumusaalira vuli kazozo. Nyasaye wiitu aduuki kumukola kuva avadukiru mu livamwoyo lia yamulangira komenye. Nyasaye ayaanze atwekizi lienya lienyu liu vulahi, kandi atwekizi miyinzi josi ji lisuuvira.

Vahebraina 2:4

Ku ing'inga ndala nzere, Nyasaye naye kandi yameda lilolekiza lilie mu liavo ku likora vilolekizu kandi viokogenyia vie zing'ano ziosi ni vikolwa viezingulu, kandi ku ligavulira vandu vihaanwa via Roho Mutakatifu kolondekana nu vulaliri vwivwe.

1 Yohana 3:1

Heenzi vuyanzi vwa Baba amali kuhaana kunangwa kuduuki kulangwa avana va Nyasaye! Nindio koveeye. Yiki nicho kivuni kigira vandu vumukivala nivavula kukumanya; kigira sivamanya Nyasaye mba.

Likunula 21:7

Mundu woosi uliguuta alakanyoole imiandu yiji kutura ku inzi: Inzi ndava Nyasaye weve, naye alakave umwana wange.