Tsing'ano 8:20 - KITABU KITAKATIFU

²⁰ Ng'endaa kunzira yu vulungi; nondaa zinzira ziageligali.

Tsing'ano 8:20 Iomraidhean Croise

Zaburi 23:3

Alombaa mwoyo gwange kuva ni zinguru. Anzimilira mu zinzira ziu vulungi kigira lieta lilie.

Zaburi 32:8

Yahova ovola, “Ndakwigiza zinzira zia uziira ku; kandi ndakwidera nu kukuha zing'anagani.

Tsing'ano 2:20

Kunangwa ga kuduukira olonde liiva lia vandu valahi kandi omenye limenya liu vulungi.

Tsing'ano 2:9

Niiva ulambuliriza, ulamanya agaveeye amalungi likalaga lirungi kandi liduukilu kandi ulamanya agadukanaa okole.

Tsing'ano 3:6

Wizulizi Yahova mu vindu viosi viokolaa, kandi alakumanyia inzira inungi.

Tsing'ano 6:22

Amigizu gaavo galakwimilira lwa ogendaa, galakukinga mu vudiku, kandi galakuha zing'anagani mu ing'inga yu mbasu.

Tsing'ano 8:19

Cha onyoora kutura ku inze kiveeye kilahi kuvita izahabu indahi ligali, kandi kuvita ifeza inyuki ligali.

Tsing'ano 8:21

Mbana vutugi kuyavo vanyanzaa, nzizuliza zinyumba ziavo na mavikiru.

Isaya 2:3

Avandu avanyingi valaza nivavoora, “Gendi kuzie ku Kiguru cha Yahova, ku Litembeli lia Nyasaye wa avandu va Isiraeli. Alakwigiza agayenya kunyi kokole. Kulagenda kuzinzira ziamali kotovola, kigira amalago ga Yahova gaturaa Jerusalemi. Kandi amolomaa ku avandu veve kutura Ziyoni.”

Isaya 49:10

Sivalakave ninzara anoho uvuluhu mba. Sivalasalirizwa nuluya lwu muchangalangwe anoho umuvasu sigulavasamba kandi mba, valimilirwa nu mulala uvayaanzaa. Alakavimiliri kali kuduuka ha visenukiru via amazi.

Isaya 55:4

Ndaakola Daudi ave mwimiliri kandi munene wi zihiiri ziosi, kandi nimanyia zinguru ziange kuvitira muye.

Yohana 10:3

Mulindi wi kirivwa amwiguliraa, kandi magondi gahulira mwoyo gwigwe lwa alaangaa sia lilala ku lieta lialio, ma agimiliraa kugatuliza ichova.

Kwidzulitsa 5:32

“Avandu va Isiraeli, mugelihi mulindi mukore goosi aga Yahova Nyasaye winyu amali kumulaga. Mutavula kuhulira lilago liosi ku malago geege mba.

Likunula 7:17

Kigira Mwana wi Ligondi oveeye hagati hendeve yu uvwami alava mwayi wavo, kandi alavimilira kuduuka ha amazi gi livamwoyo gasinukaa. Nyasaye aleeya amaliga goosi mu zimoni ziavo.”