Tsing'ano 8:15 - KITABU KITAKATIFU

¹⁵ Ngonyaa vami kwamiiha kandi vamiihi kolomba malago malahi.

Tsing'ano 8:15 Iomraidhean Croise

1 Avami 10:9

Yahova Nyasaye woovo yizominywi! Amali kumanyia kuli ayanziziywi kokokola ove mwami wa Isiraeli, kigira vuyanzi vwivwe ku vandu va Isiraeli voveeye vwukuhindira mihiga ni mihiga. Umali kokora ivi kuva Mwami kunangwa uduuki kulinda Lilaga nu vulungi.”

1 Avami 3:28

Lwa avandu va Isiraeli vahulira amakuva gi likalaga lia Solomoni, vosi vaaha Solomoni uluyali lonene ligali, kigira valora ndi Nyasaye umali kumuha ovogeri kukalaga ovosooro nuvulungi.

1 Avami 3:9

Kunangwa uhaane ku inzi, mutumikiri woovo vogeri vwa nyenya nduuki kwamiiha avandu nu vulungi kandi kumanya liavukanyia hagati hu vulahi nuvudamanu. Nigataveeye ndio, nyara ndi kwamiiha avandu vovo vanene yava?”

1 Avami 5:7

Huramu yaali nuvuyanzi ligali lwa yanyoora makuva ga Solomoni, na yavoola, “Yahova yizominywi ku liiha Daudi muyaayi mugeri kuli uyu kuvugura vwiyangu vwivwe kuli mwami wi hiiri enene yeyo!”

1 Kyetsinyinga 28:5

Nyasaye yamba avayi, na kutura muvo vosi yatovola Solomoni ukwamiiha ku Isiraeli, uvwami vwa Yahova.

2 Kyetsinyinga 1:10

Kunangwa, mbe ovogeri ni limanya lia nyenya mbe nalio nduuki kwamihaa kuvo. Nigatali ndio, inzi ndakanyali ndi ukwaamiiha avandu vanene vovo yava?”

2 Kyetsinyinga 1:11

Nyasaye yativulira Solomoni, “Kigira makuva yaga gaali mu mwoyo gugwo na sioteevi miandu, uvutugi, uluyali, anoho livamwoyo lia yavo avakudunyiraa, na sioteevi livamwoyo litambi, navuzwa oteevi oheevwe ovogeri nilimanya uduuki kwamiiha ku vandu vange ava mali kukokola ove mwami wavo.

Zaburi 2:10

Kalunu munyi avami, mutumikiri ovogeri; muhulirizi lieganihiza yili, O, munyi avamihi vilirova:

Zaburi 99:4

Ivi oveeye mwami wizingulu ligali uyanzaa agaveeye malungi; umali kusingiriza likalaga lirungi mu kivala cha Isiraeli; umali koleta vulungi kandi likalaga lia giligali vugira liyaanzilira.

Tsing'ano 29:4

Lwu Mwami aveeye nilikalaga lirungi, kivala chiche kevezaa ni zinguru, navuzwa lwaveeye ni lienya na mabese vuzwa aladiviza kivala chiche.

Tsing'ano 8:16

Ngonyaa vuli mwamihi mu lirova kwamiiha; vosi vanene harara ni vizinyumba ziu vwami.

Isaya 1:26

Ndamuha avamihi na vahaani vi zing'anagani kuli yavo ava mwali navo maziambiri. Maku Jerusalemi, ilalangwa lidaala linene lirungi kandi lisuuvirifu.”

Jeremia 33:15

Ing'inga yene yeyo ndakatovole kisukururwi kilungu cha Daudi kuva umwami. Mwami oyo alakakole agaveeye amalungi kandi likalaga lirungi mukivala choosi.

Danyeli 2:21

Aveeye nu vunyali ku madiku ni zing'inga; avami kandi avatuliza, ni yie uhaana vageri kandi limanya.

Danyeli 4:25

Ulakungwa kutura mu vandu na uzie komenya ni zinyama. Ku mihiga 7 ulayaa vunyasi kuli igiriki yu kulima. Ulagona mu kiguti ni lime lilagwa kuivi. Maku ulavugilira ndi Nyasaye Wuvunyali alindaa vwamihi kandi anyala ku vuhaana ku mundu woosi watovoye.

Danyeli 4:32

Ulakungwa kutura mu vandu kandi ulazia komenya harara ni zinyama ziu mumilimi, kandi ulalia vunyasi ku mihiga 7 kuli igiriki yu kulima. Maku ulamanya ndi Nyasaye Wuvunyali aveeye ni zinguru ku vwamihi vwu mundu kandi anyala ku vuhaana ku mundu woosi watovoye.”

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Varumi 13:1

Mundu sa mulala gamudukira yegehize ku vwamihi vwi kivala, kigira uvunyali vwosi vutulaa ku Nyasaye kandi avamihi vaviikwa na Nyasaye.

Likunula 19:11

Maku ndaalora ligulu ni liigulikaa; kandi ndaalora, ibarasi indavu. Muhiri wayo alangangwa Umusuuvirifu nu wi Ligali. Akalagaa kandi muvulungi kandi alwaana iliihi lilie.

Likunula 19:16

Ku iganza yeeye nu ku litango lilie, kwaali nikong'odeywe ilieta “Mwamihi wa avamihi, kandi mwami wa avami.”

1 Samweli 16:1

Yahova yavolera Samweli, “Ulasiomera Saolo kuduuka ng'inga ki? Inzi mali kumusuura kuli mwami wa Isiraeli. Navuzwa kalunu vugula maguta ga Muzeituni na uzie Bezelehemu, ho mundu ulangwa Jese, kigira mali kotovola mulala ku vayaayi veve kuva mwami.”

1 Samweli 9:17

Lwa Samweli yalora Saolo, Yahova yamuvolera, “Uyu niyie mundu wa ngovoleyange. Alamiiha avandu vange.”