Tsing'ano 7:3 - KITABU KITAKATIFU

³ Uviiki amigizu gange zing'inga ziosi, ugaviiki mu mwoyo gugwo.

Tsing'ano 7:3 Iomraidhean Croise

Tsing'ano 3:3

Utaleka vohocha kandi vusuuvirifu mba. Uvivohe muligoti liilio kandi ugang'ode mu mwoyo gugwo.

Tsing'ano 4:21

Utagaleka gatuli kuive mba. Ugizulizi, ma ugaviiki mu mwoyo gugwo.

Tsing'ano 6:21

Uhuliri amakuva gaavo, kandi ugaviiki mu mwoyo gugwo.

Tsing'ano 7:4

Uvuguli ovogeri kuli mbozo wowo, na limanya liu musi live kuli mulina woovo wa himbi.

Isaya 30:8

Nyasaye yambolera ng'ode likuva yili ku kibaho imbiri wavo, kandi ng'ode mu kitabu, liduuki kuva kelorekizu kuvo kuli vaali mihiga ni mihiga.

Isaya 59:21

Ndalomba lilagana liange ni munyi: Mali kumuha zinguru ziange kandi amigizu gange kuva aginyu mihiga ni mihiga. Kutura kalunu, gamudukira muhuliri inzi kandi mwigize avana vinyu kandi visukululwi vienyu vaambuliri zing'inga ziosi.”

Jeremia 17:1

Yahova avoora, “Avandu vi Ivuyuda, uvwoni vwinyu vwang'odwa ni kalamu yikivia; vwang'orwa ku mioyo jinyu nesonga yiligina lia limasi kandi vwang'odwa mu zikona ziu vwali vwinyu.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

2 Vakorintho 3:3

Gaveeye havulavu ndi munyi muveeye va Kristo mwene yang'oda, yayaatuma kuvitira mu kunyi. Kristo siyageng'oda nu vwinu, navuzwa yageng'oda na Roho wa Nyasaye oveeye mwoyo. Siyageng'oda ku magina mavanze, navuzwa mu mioyo ja vandu.