Tsing'ano 6:23 - KITABU KITAKATIFU

²³ Amalago gaavo gaveeye kuli ling'ereng'ana liu vulavu ku ivi, amigizu gaavo galakumanyia limenya.

Tsing'ano 6:23 Iomraidhean Croise

Litanga 39:8

Navuzwa Josefu yasura na muvooleraa, “Henza, munene wange siamanyi kindu choosi munyumba yeeye mba, kigira amali kokora inzi kuva nuvunyari ku vindu viosi munyumba yeeye.

Zaburi 119:105

Likuva liilio liveeye itaya kunzimilira, kandi uvulavu kunzira yange.

Zaburi 119:130

Livaala lia amakuva googo lihaana uvulavu ku avandu vovo, kandi lihaana limanyiriza ku avataveeye ni limanya.

Zaburi 141:5

Mundu mulahi alahaana amageri ku inzi kandi alang'ondokera mu vulahi, navuzwa si ndavugilira uluyali kutura ku vandu vadamanu mba, kigira inzi saalaa kazozo ku vikolwa viavo vidamanu.

Zaburi 19:8

Malago ga Yahova gaveeye malungi, na yavo avagahuliraa vaveeye nu vuyanzi. Malago ga Yahova gaveeye malungi, kandi gahaanaa limanyiriza mu zing'anagani.

Tsing'ano 10:17

Avandu vahuliriza lwa vahevwa mageri valamenya, navuzwa yavo vatavugiliraa uvudamanu vwavo vaveeye muvudinyu.

Tsing'ano 15:24

Avandu vageri vagenda kunzira yi livamwoyo, si vagenda kunzira ivimiliraa kuzia mu likuza mba.

Tsing'ano 15:31

Niiva ulahulira lwa wigizwa, ulava mugeri.

Tsing'ano 29:15

Imbimbu ya miigizu ihaana ovogeri, navuzwa mwana utanyoolaa mageri aletaa zisoni ku mama weve.

Tsing'ano 3:18

Yavo avanyoora ovogeri vaveeye nuvuyanzi, kigira ovogeri vulavaha livamwoyo.

Tsing'ano 4:13

Wizulizi vuli ing'inga cha umali kwiga. Vogeri vuvwo ni limenya liilio, uvulindi vulahi ligali.

Tsing'ano 4:4

baba wange yanzigiza nambolera, “Yizuliza gambolaa na utagivilira mba. Okole kuli ngovoleeye na ulahindira.

Tsing'ano 5:12

na ulavoola, “Kigira ki niimbura kwiga? Kigira ki niimbura koleka mundu angelihizi?

Kohelethu 7:26

Ndanyoora mukali kuva mudamanu ligali kuvita likuza; vuyanzi vwaveeye navwo kuivi vulakugumila kuli mutego anaho kuli muluvu; kandi makono geege galakugumila kuli munyororo. Mundu uyanziza Nyasaye alahononoka, navuzwa alagumila mwoni.

Kohelethu 7:5

Nivulahi mundu kuhulira lieganihiza liu mundu mgeri kuvita kuhulira lwimbu lwa vandu vasiru.

Isaya 8:20

Uvativuliri ndi, “Muhulirize ga Yahova amwigizaa! Mutahulirizi amigizu gavasigitiri mba, agavamuvoolera sigalatuliza ho vudinyu mba.”

Jeremia 21:8

Maku Yahova yambolera mbolere avandu, “Huliri! Inze Yahova, nyenya mutovole hagati hi inzira izizaa mulivamwoyo ni inzira izizaa mulikuza.

Ezekieli 20:11

Ndaavaha malago gange kandi mimbigiza lilago liange, agaleetaa livamwoyo ku mundu woosi vegehiza kugo.

Kyavalevi 19:17

“Mutadunyiri avamwavo vinyu mumwoyo mba, navuzwa mugaye havulavu kunangwa muvuli kokora uvwoni kigira oyo.

2 Petro 1:19

Kunangwa koveeye ni lisuuvira ligali na makuva galandizwa na vaporofeti. Mulakola vulahi niiva mulagahuliriza, kigira gaveeye kuli itaya yaka mu kisundi kuduuka lwa vuchezaa, nu vulavu vwe eng'ereng'ani ya mugamba yaka mumioyo jinyu.

Likunula 2:5

Wizulizi ha watura niwaguluka. Wiganiri na oleke uvwoni vuvwo, ma wirane kokora miyinzi ja wakola mulitanga. Niiva si uliganira, ndaaza ku ivi vwangu, nu kutuliza ikinara chicho chi zitaya aha keveeye.