Tsing'ano 4:24 - KITABU KITAKATIFU

²⁴ Utavoola kindu kitaveeye chagiligali mba. Utahambana navovovehi mba, kandi makuva guvuchamu mba.

Tsing'ano 4:24 Iomraidhean Croise

Ayubu 11:14

Niiva uvwoni voveeye mu, ivi uvutulize, kandi utavugilira mundu kali mulala wu vuchamu komenya mu lihema liilio mba.

Zaburi 34:14

Aleke ku vudamanu na okole uvulahi, wenye mirembe nu mwoyo gugwo na ujilonde.

Tsing'ano 10:32

Avandu valungi vaveeye ni limoloma lihooma, navuzwa vandu vachamu vamoloma vindu viukusaliriza.

Tsing'ano 17:20

Mundu woosi wi zing'anagani ziu vuchamu, sialanyoola madanyi mba, na mundu oveeye nu vugadi alanyoola kivi.

Tsing'ano 19:1

Voveeye vulahi kuva mudaka, navuzwa ove musuuvirifu kuvita kuva mugadi musiru.

Tsing'ano 4:25

Henza imbiri muvulungi novusuuvirifu vwa giligali, utiviika muzisoni mba.

Tsing'ano 6:12

Avandu vachamu avatakonya kindu vagendagenda nokovoora uvugadi.

Tsing'ano 8:13

Kusuura vudamanu ni kuhaana ku Yahova luyali; ndasuura kwelola nu kwigingira, ni zinzira zindamanu na makuva go vovehi.

Tsing'ano 8:8

Chambolaa, choosi keveeye chiligali; kivula ho keveeye chu vugadi anoho chokogotiza.

Ezekieli 18:31

Muleke uvudamanu vwosi vwa mwakoraa, na muve nu mwoyo muhia kandi Roho muhia. Kigira ki munyi avandu va Isiraeli mwenya kukuza?

Vakolosai 3:8

Navuzwa kalunu gamuduukira mutuliziho vindu yivi viosi; uvutima, likayirwa lidamanu, livihirirwa, amanyego na makuva madamanu gatatula mu minwa jinyu mba.

Yakobo 1:21

Kigira yaga, mutuliziho vudamanu vwosi kandi imiima josi imidamanu. Mwegehizi ku Nyasaye kandi muvugiliri likuva lia viikwa mumioyo jinyu, ilinyala kumuhonyia.

Yakobo 1:26

Niiva umundu yiganagana aveeye wi lisuuvira, naye natalinda makuva geege, yigadaa mwene, lisuuvira liu mundu uyu ni liavuzwa.

1 Petro 2:1

Kunangwa, mwerehe ku vudamanu vwosi; ovovehi uvugadi, embodoka kandi amanyego.