Tsing'ano 30:4 - KITABU KITAKATIFU

⁴ Nivwaha unyala kumanyiriza vogeri vwu mwigulu? Nivwaha wagumira ku vukindu mu makono geege: anoho nivwaha wavohera ku amazi mu zinguvu zizie? Nivwaha walomba keheri choosi chi lirova? Lieta lilie nivwaha kandi lieta liu mwana weve ni vwaha? Mbolera niiva umumanyi!

Tsing'ano 30:4 Iomraidhean Croise

Litanga 32:29

Yakobo yavoola, “Kalunu mbolera lieta liilio.” Navuzwa mundu oyo yamutivulira, “Kigira ki ivi wenyaa kumanya lieta liange?” Maku mundu uyu yagasiza Yakobo.

Ayubu 11:7

Unyala konyoora vikolwa viokogenyia via Nyasaye? Unyala kumanya keheri chu Wanyala Viosi?

Ayubu 11:8

Voveeye igulu ligali kuvita mwigulu, unyala kokora ki? Voveeye musi ligali kuvita Kihadisi unyala kumanya ki?

Ayubu 26:8

Nyasaye niyie okola malesi, ukwizula amazi, na malesi zana sigatanduka kigira uvulitu vwa mazi mba.

Zaburi 135:7

Niyie oleeta malesi gimbula kutura ku zinduru zielirova. Atumaa loheni harara ni imbura. Kandi aleetaa imbuza kutura havundu hayo.

Zaburi 2:7

Mwami avoora, “Ndalandiza aga Yahova Nyasaye Wuvunyali yambolera, ‘Ive oveeye mwana wange muyaayi; kalunu inzi mali kugwa baba woovo.

Zaburi 22:27

Zihiiri ziosi zielirova valizuliza Yahova. Valagirung'ana kuyeeka kuye kutura havundu hoosi mu lirova avandu vizinimi ziosi kulirova valasigamira Yahova.

Zaburi 24:2

Nyasaye yaliumbaka mu luliva lwa mazi isi wi lirova. Yasingiriza mise jalio musi mwi inyanza.

Zaburi 68:18

Yanigiraa igulu mwigulu navugura avahambe va yalaanya vanyingi harara naye, avugulaa vihaanwa kali kutura ku vibaali. Yahova Nyasaye alamenya ho.

Kutwula 15:10

Navuzwa mwika mulala kutura ku ivi Yahova, na vandu va Egebeti vakunikwa na amazi; viiyina kuli lisasi mu amazi manene gukutihiza.

Kutwula 6:3

Ndaaloleka ku Aburahamu, Isaka, kandi ku Yakobo kuli Nyasaye Wuvunyali, navuzwa sindimanyia kuvo ku lieta liange litakatifu, Yahova mba.

Isaya 45:18

Yahova yalomba iligulu, aveeye Yahova Nyasaye! Yalomba lirova, yalilomba kuva lidinyu kandi liu kuhindira. Siyalilomba kuva liere mba, navuzwa live havundu ha avandu komenya. Yahova mwene avoora, “Inzi mbeeye Yahova, siaveeye ho nu munyasaye wundi mba.

Isaya 53:8

Yagumirwa nukukalagirwa nukuhirwa ukwitwa, na siali ho nuwahenda mwoyo ku agazizaa kwekoleka kuye mba. Yitwa kigira uvwoni vwitu.

Isaya 7:14

Kigira yaga, Yahova mwene alamuha kelolero: Henza, mukaana mugima alavereka na alivula mwana muyaayi na alamugulika lieta ‘Imanueli’!

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Jeremia 23:6

Lwaveeye mwami, avandu vi Ivuyuda navahone, kandi avandu va Isiraeli navamenye mumirembe. Kunangwa navamuguliki ‘Yahova muhonyi wiitu.’ ”

Matayo 11:27

“Baba wange ombeeye ivindu viosi. Siaveeyeho nu mulala umanyi Umwana, natali Baba, kandi siaveeyeho nu mulala umanyi Baba natali Umwana, kandi ku vosi vu Umwana atovoraa kuvuula Baba weve kuvo.

Luka 10:22

“Baba wange ombeeye vindu viosi. Sihaveeyeho numulala umanyi mwana nivwaha, natali Baba, kandi sihali nu umanyi Baba nivwaha, natali Mwana, kandi ku vosi wu Mwana atovoraa ku muvuulira.”

Yohana 3:13

Siaveeyeho nu mundu uwaazia kuduuka mwigulu, natali Mwana wa Adamu uwiika kutura mwigulu.”

Varumi 10:6

Navuzwa ku makuva ga Mang'oda Matakatifu ku likolwa valungi na Nyasaye kuvitira mu lisuuvira, ni yaga: “Oteteeva mu mwoyo gugwo, ‘ Ivwaha ulianigira kuduuka mwigulu?’ Agaveeye kovora, koleta Kristo yaaze hasi.”

Kwidzulitsa 28:58

“Niiva mulavula kuhulira nu vusuuvirifu amigizu ga Nyasaye goosi agang'odwa mu kitabu yiki, kandi muvura kuhaana luyali kulieta liokogenyia na liu kutihiza lia Yahova Nyasaye winyu

Kwidzulitsa 30:12

Siliveeye igulu mwigulu muluhi muvoore, ‘Nivwaha ukuninira mwigulu akoleetere kandi akwilwaaziri, kunangwa kuduuki kulihulira.’

Likunula 19:12

Izimoni zizie ziveeye kuli olomemo lwu muliru. Yiviika izitaji zinyingi ku umutwi gwigwe. Yaali ni lieta ling'odeywe, kuye, kandi sihaveeye ho nu mundu umanyi cha livoora nataveeye oyo umwene.

Vakalagi 13:18

Engelosi wa Yahova yamuvolera, “Kigira ki oteeva kumanya lieta liange? Ni lieta liokogenyia.”