Tsing'ano 3:9 - KITABU KITAKATIFU

⁹ Uhaane luyali ku Yahova nu kumuhaanira kihanwa kilahi kutura kuviamo viosi viu mulimi gwugwo

Tsing'ano 3:9 Iomraidhean Croise

Litanga 28:22

Havundu hamali kuviika ligina liu kwizulizilaku yaaha, halava hu kukusigamira; kandi ku viosi via uhaana ku inzi, ndahaana ku ivi kidieli chi likomi.”

2 Kyetsinyinga 31:10

na Azaria musaalisi munene kutura mu kisukururwi cha Zadoku yavoola, “Kutura lwa vandu vatanga koleta vihaanwa viavo mu Litembeli lia Yahova, kwalia vinyingi, kandi viatigala vinyingi kigira Yahova yagasiza avandu veve, kulwayago, viatigala vinyingi ligali.”

2 Kyetsinyinga 31:21

Kandi miyinzi josi ja yakola mu vutumiki mu Litembeli lia Nyasaye kolondekana ni lilaga kandi namalago, kwenya Nyasaye weve, yakola nu mwoyo mulala. Na ku goosi ga yakola, yagasizwa.

Zaburi 144:13

Videera vietu viizule ligali ni ligesa lie zing'ano ziosi. Na amagondi gave mu milimi jietu giivulane zielefu makumi na makumi.

Kutwula 22:29

“Muhaane kuinzi zisadaka zie ligesa lienyu, lie iwaini yienyu namaguta gamizeituni ginyu lwa muva nimwakagesa. “Muhaane ku inzi avana vayaayi vinyu vukutanga kwivulwa.

Kutwula 23:16

“Mulindi kandi mwizurizi lisavo lwa mutanga kogesa viukulia vienyu “Mulindi kandi mwizurizi lisavo lia madiri mu ing'inga yi ichuvwi, lwa muvungiza amakuyu ginyu kutura mu milimi jinyu je vizabibu.

Kutwula 23:19

“Vuli muhiga mulaleeta munyumba ya Yahova Nyasaye winyu vuswage vwukutanga kogesa. “Utasinzi kememe chi ligondi anoho imburi nikinuuna maveere ginyia mba.

Kutwula 34:26

“Muleete munyumba ya Yahova iligesa liukutanga lievitagwa vienyu vuli muhiga. “Mutadekeri kememe nikikinuuna maveere ganyia mba.”

Tsing'ano 11:25

Ove muhaani na ulameedwa, okonye avandi, naive ulakonywa.

Tsing'ano 14:31

Mundu udambiza vadaka alegeliza Nyasaye wavalomba, navuzwa oyo oveeye ni zimbavasi ku vadaka ahaanaa luyali ku Yahova.

Isaya 43:23

Simwandetera vihaanwa vienyu viu kusambwa via magondi; simwamba uluyali nivisiuviliru vienyu mba. Sindamudwika misigo miliduhu ku limuniga mundeetere vihaanwa mba, anoho kumuluhiza ku limuteeva kimuli mba.

Kyavalevi 19:25

Navuzwa ku muhiga gwa katano, munyala kulia makuyu goosi. Niiva mulakola yaga goosi, misaala jinyu jilakame makuyu manyingi. Inzi mbeeye Yahova Nyasaye winyu.

Livalidza 15:20

Lwa mulomba migadi, mugadi gwu kutanga gwa mulomba kutura ku viukulia vienyu ivihia, muhaane ku Yahova gove kuli kihanwa kuye. Mulahaana kuli uvuswage vwa muhulaa koloze.

Matayo 25:17

Munzira ndala nzere, umutumikiri wahevwa zitalenta ziviri yanyoora vukala zitalenta zindi ziviri.

1 Vakorintho 16:2

Vuli Jumapili umundu sa mulala aviiki halovega mabese kutura ku linyola lilie kunangwa lisolora livuli kuvaho lwa nziza yaho.

Kwidzulitsa 14:29

Chukulia yiki keveeye cha vandu vinyumba ya Levi vosi, kigira sivaveeye ni kidieli anoho miandu jaavo aveene mba, kandi cha avageni, avavisandu, kandi avakunzakali avamenyi mu madaala ginyu. Kuduuka vaze vavuguli choosi cha venya. Mukore ndio, na Yahova Nyasaye winyu aduuki kumugaasiza mu viosi via mukora.