Tsing'ano 3:7 - KITABU KITAKATIFU

⁷ Utaganagana oveeye mugeri mba, utie Yahova kandi utakola uvudamanu mba.

Tsing'ano 3:7 Iomraidhean Croise

2 Samweli 12:20

Daudi yavuka, niyisinga, nalomba liisu lilie nukwivaka maguta ma niyiviika zinguvu zizie. Maku yazia munyumba ya Yahova naamusigamira. Lwa yirana munyumba yu vwami, yateeva ahevwe chukulia nonoho lwa chetegekizwa, yikala nalia.

Nehemia 5:15

Navuzwa vuli mwamihi uwaali imbiri wange waali musigo muliduhu ku avandu na vateva vahevwe vidonye arubaini viefeza ku vuli lidiku komeeda ku chukulia ni iwaini. Kali avatumikiri vaavo vadambiza avandu. Navuzwa inzi ndakora lugano kutura kuvo, kigira ndaatia Nyasaye.

Ayubu 1:1

Yaali ho mundu mu kivala cha Uzi, uwalangwa Ayubu. Mundu uyu yaali vugira imbara kandi mulungi, mulala uwatia Nyasaye, nukweleha ku uvudamanu.

Ayubu 28:28

“Maku Nyasaye yavolera mundu, ‘Heenzi! Kutia Yahova nivwo vogeri; na ukweleha kuvudamanu nilio limanya.’ ”

Kutwula 20:20

Musa yavativulira navoora, “Mutatia mba; Nyasaye umali kuuza kumugeriza nukumukola muzizagiliri kumuhulira, kunangwa muvuli kokora uvwoni.”

Tsing'ano 14:16

Vandu vovogeri velehaa kutura ku vudamanu, navuzwa vandu vasiru vaveeye vugira lielinda kandi vakora vwangu vugira kuganagana.

Tsing'ano 14:27

Liitia Yahova liveeye kisinukiru chi livamwoyo; kandi liitia Yahova mundu anyala kwevendera mutego gwi likuza.

Tsing'ano 16:6

Utie kandi ove musuuvirifu na Nyasaye alakusamiiha vwoni vuvwo. Utie Yahova nu uvudamanu vwosi sivulekoleka ku ivi mba.

Tsing'ano 23:4

Utakola miyinzi minyingi konyoora vutugi mba; ove nu vogeri vunyingi vwokoleka yaga.

Tsing'ano 26:12

Mundu musiru ligali aveeye mulahi kuvita mundu uganagana aveeye mugeri lwa ataveeye ndio mba.

Tsing'ano 26:5

Uhaane litivuli lisiru ku liteeva lio vusiru kandi uyu uliteevi alamanyiriza ndi siaveeye mugeri kuli aganaganyia mba.

Tsing'ano 28:11

Mundu mutugi aganagana ndi aveeye mugeri kazozo, navuzwa mundu oveeye mudaka nilimanya liu mugati amanyi ligali.

Tsing'ano 28:26

Mundu wisuuvirizaa aveeye musiru, navuzwa oyo ogendaa muvogeri alahona.

Tsing'ano 8:13

Kusuura vudamanu ni kuhaana ku Yahova luyali; ndasuura kwelola nu kwigingira, ni zinzira zindamanu na makuva go vovehi.

Kohelethu 12:13

Yivi viosi ni viakavita, koveeyeho ni kindu kilala chokovoora: Utie Nyasaye, kandi olonde malago geege, kigira yiki nicho chagira Nyasaye nalomba mundu.

Isaya 5:21

O, vayaayi, kivi keveeye ku yavo aviiganaganaa ndi vaveeye avageri, kandi aviganaganaa ndi vaveeye nilimanya!

Varumi 11:25

Gaveeye agiligali gumuvuvisi, aganyenyaa munyi avaamitu vange mumanye; galamukola muvuli kuganagana ndi kuli muveeye avageri. Uvudinyu vwi mioyo ja vandu va Isiraeli sivoveeye vwukuhindira mihiga, navuzwa vulava ho vuzwa kuduuka lwa vandu vi zihiiri vosi vaza ku Nyasaye.

Varumi 12:16

Mumenye mu vuhambani mulala nuwache. Mutava avigingiri, navuzwa muvugiliri kutumikira kali vihanzahanza. Mutiganagana kuva avageri na vukweyenyera ovonene mba.