Tsing'ano 3:6 - KITABU KITAKATIFU

⁶ Wizulizi Yahova mu vindu viosi viokolaa, kandi alakumanyia inzira inungi.

Tsing'ano 3:6 Iomraidhean Croise

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

Ezara 7:27

Ezara yavoola, “Yahova yizominywi, Nyasaye wa vaguuga viitu! Amali kokora mwami kuvugilira kuhaana luyali ku Litembeli lia Yahova mu Jerusalemi.

Nehemia 1:11

O, Yahova, hulira lisaala liange kandi lisaala lia vatumikiri vovo vosi avenyaa kuhaana luyali ku ivi. Yaanza ungasize kalunu, inzi mutumikiri woovo, okole mwami ambeere zimbavasi.” Mu madiku yago ndaali musingiliri wi iwaini yu mwami.

Nehemia 2:4

Mwami yandeva, “Ni kindu ki cha wenyaa?” Maku ndaasaara ku Nyasaye wu mwigulu,

Nehemia 7:5

Kunangwa Nyasaye wange yandinyiliza kuvungiza harara avandu vosi, na aviimiliri vaavo kandi na vanene vaavo vaduuki kuvalizwa kolondekana ku zinyumba ziavo. Na ndanyoora kitabu cha makura ga yavo avaari vukutanga ukwirana kutura mu vuhambe mu Babiloni. Yaga nigo makuva ga ndanyoora mu:

Zaburi 32:8

Yahova ovola, “Ndakwigiza zinzira zia uziira ku; kandi ndakwidera nu kukuha zing'anagani.

Tsing'ano 11:5

Vusuuvirifu volomba livamwoyo liu mundu mulungi kuva lilahi, navuzwa mundu muchamu yeletera ligwa mwene.

Tsing'ano 16:3

Teva Yahova agaasizi lilohiza liilio, na limaliriza lia lio lilava lilahi.

Tsing'ano 16:9

Unyala kuva ne lilohiza liilio, navuzwa Nyasaye yimiliraa vikolwa vivio.

Tsing'ano 23:17

Utava ni likayirwa ku vandu avoni mba, navuzwa uzizagiliri kutia Yahova madiku goosi.

Isaya 26:7

Yahova, ulungikizaa zinzira ziavalungi, inzira ya vagenda ku eveeye inungi.

Isaya 30:21

Lwa mugendagendaa kutura kunzira yu mukono mulungi anoho kunzira yu mukono mumosi, mulahulira umwoyo gwigwe kutura inyima winyu nigovoora, “Inzira ni yiyi, mulonde kuyo.”

Isaya 45:13

Inzi mwene ndavolera mwami Sairasi, kandi nimuha zinguru aduuki kuduukiza vindu viosi viandalohiza vikoleke. Ndalungikiza zinzira zizie ziosi. Ndumbaka vuhia lidaala linene liange lia Jerusalemi, kandi alahaana vovoholore ku avandu vange avadikizwa. Sialakola yaga ku litungwa anoho ku lihevwa amadanyi mba.” Yahova Wuvunyali umali kovora.

Isaya 48:17

Nyasaye Mutakatifu wa vandu va Isiraeli, Yahova ahonyia munyi, avoora: “Inzi mbeeye Yahova Nyasaye winyu, uwenyaa kumwigiza kigira uvulahi vwinyu, kandi mwimiliraa kogenda kunzira idukanaa kogenda kuyo.

Jeremia 10:23

O, Yahova, manya ligali livamwoyo liu mundu siliveeye lilie mba; sihaveeyeho nu mundu kali mulala oveeye nuvunyari kulimenya lilie mba.

Jeremia 42:3

Ukusaaliri ku Yahova Nyasaye wiitu akumanyie zinzira ziduukanaa kolonde ku kandi vindu viduukana kokole.”

Livalidza 9:20

Ing'inga yindi, amalesi ga kunika Lihema ku madiku makekeeke vuzwa. Navuzwa ku lilaga lia Yahova, vaali vanyara kwisunda noho sivatura havundu yaaha mba. Maku kolondekana ni lilago lia Yahova, vatura ho.

1 Vakorintho 10:31

Kunangwa, ni muva ni mulia, anoho nimunwa anoho choosi cha mukora, mukore vindu yivi viosi ku likuminya Nyasaye.

2 Vakorintho 8:16

Navuzwa lisandiza live ku Nyasaye wavika mu Tito umwoyo gwu vugulu yigwo kuli gwa kunyi koveeye nagwo gwu kuvakonya!

Vafilipi 4:6

Mutava ni lihenda mwoyo ku kindu kali kilala, navuzwa lienya lienyu limanyikane ku Nyasaye mu lisaala, mumuteeve nu mwoyo gwi lisandiza.

Vakolosai 3:17

Ku viosi via mukoraa anoho mulivoola, mukore viosi mu lieta liu Mwami Yeso, musandizi Nyasaye Baba kuvitira mu uyu.

Vakolosai 3:23

Ku viosi via mukora, muyinziri numwoyo gwosi kuli avatumikiraa Mwami, gatava kuli avatumikiraa vandu mba.

Yakobo 1:5

Navuzwa niiva mulala ku munyi adaka ovogeri gamudukira asaale ku Nyasaye, uhaanaa nu mwoyo gwosi kandi ni zimbavasi ziosi ku avandu vosi.

1 Samweli 30:8

Daudi yateeva Yahova, “Nyara kuzia kolondelera avalanyi yavo, kandi ndavagumira?” Yahova yativura, “Zia; ulavagumira kandi ulahonyia vahambe yavo.”