Tsing'ano 3:3 - KITABU KITAKATIFU

³ Utaleka vohocha kandi vusuuvirifu mba. Uvivohe muligoti liilio kandi ugang'ode mu mwoyo gugwo.

Tsing'ano 3:3 Iomraidhean Croise

2 Samweli 15:20

Omenyi hano ku ing'inga ngekeeke, kunangwa kigira ki ngolombe ovoyavoye harara niinzi? Kali inzi simanyi wa nziza mba. Yirana na uvuguli avasaza vache vikivala chicho valava nivi; Yahova ave mulahi kandi musuuvirifu ku ivi.”

Zaburi 119:11

Ndaviika lilaga liilio mu mwoyo gwange, kunangwa mburi kokora vwoni ku ivi.

Zaburi 25:10

Yahova yimiliraa vosi nu vusuuvirifu, kandi nuvuyaanzi yavo voosi avagumira lilagana lilie kandi avahulira malago geege.

Zaburi 85:10

Uvuyanzi vutaveeye nekeheri nu vusuuvirifu vilagana harara; uvulungi nimirembe vilakumbelana.

Kutwula 13:9

Yiki kilava kuli kelolero ku makono ginyu, kandi kuli lizuliza mu zimoni zienyu. Muzizagiliri kovora lilago lia Yahova, nukulisoma kigira umali kumutuliza mu Egebeti ni zinguru zizie zinene.

Kutwula 34:6

Maku Yahova yavita imbiri weve navoora, “inzi, Yahova, mbeeye Nyasaye wizura zimbavasi kandi lirerera, utaveeye nu vutima vwa vwangu kandi umanyia uvuyanzi vonene nu vusuuvirifu.

Tsing'ano 1:9

Amigizu gaavo galakokola ove mulahi kuli igudwa ku mutwi gugwo kandi amadongolo mu ligoti liilio gakokola kuva ni ligondo lilahi.

Tsing'ano 14:22

Yavo avalohizaa uvudamanu vagotaa, navuzwa yavo avalohizaa kokora agaveeye amalahi valava nuvuyanzi kandi uvusuuvirifu.

Tsing'ano 16:6

Utie kandi ove musuuvirifu na Nyasaye alakusamiiha vwoni vuvwo. Utie Yahova nu uvudamanu vwosi sivulekoleka ku ivi mba.

Tsing'ano 20:28

Umwami alazizagilira kuva mwami niiva uvwamihi vwivwe vulava vwagiligali, vwuvulungi kandi uvuduukanaa.

Tsing'ano 6:21

Uhuliri amakuva gaavo, kandi ugaviiki mu mwoyo gugwo.

Tsing'ano 7:3

Uviiki amigizu gange zing'inga ziosi, ugaviiki mu mwoyo gugwo.

Jeremia 17:1

Yahova avoora, “Avandu vi Ivuyuda, uvwoni vwinyu vwang'odwa ni kalamu yikivia; vwang'orwa ku mioyo jinyu nesonga yiligina lia limasi kandi vwang'odwa mu zikona ziu vwali vwinyu.

Hosea 4:1

Yahova aveeye nikiyaalo ku avandu vamenya mukivala yiki. Muhuliri avandu va Isiraeli, ku agaavoola: “Siaveeye ho kali mulala oveeye musuvirifu anoho wuvuyanzi mukivala, kandi avandu mukivala sivamanyiriza inzi kuli Nyasaye mba.

Malaki 2:6

Vigiza gaali amalungi, na vuzwa si vigiza gaali madamanu mba. Vamenya mu lihulirizana kandi mu mirembe na inzi. Si vaakora vuzwa gaali malungi kuvo vene mba, navuzwa vakonya kandi vandu vandi avanyingi vavuli kokora vudamanu.

Matayo 23:23

“O, vayaye kilaamo kenene keveeye ku munyi, avigizi vi Lilaga kandi Avafarisayo! Avagaadi munyi! Muhaanaa ku Nyasaye kidieli chi likomi kali izaka yi vitagwa vifunya mwayu ni vimuli, nu mudalasini, navuzwa muleki kugumira amigizu gaveeye amanene agi Lilaga kuli uvulungi, livelererwa, kandi uvusuuvirifu. Agene yaga nigo agamuduukira mukore vugira koleka agandi.

2 Vakorintho 3:3

Gaveeye havulavu ndi munyi muveeye va Kristo mwene yang'oda, yayaatuma kuvitira mu kunyi. Kristo siyageng'oda nu vwinu, navuzwa yageng'oda na Roho wa Nyasaye oveeye mwoyo. Siyageng'oda ku magina mavanze, navuzwa mu mioyo ja vandu.

Vafeso 5:9

Likuyu liu vulavu linyoolekaa mu goosi gaveeye malahi, malungi kandi agiligali.

Kwidzulitsa 6:8

Mulagavoha gave kelolero ku makono ginyu kandi mulagavoha ku mitwi jinyu gave chu kwizulizira ku.

Vahebraina 10:16

“Yili nilio lilagana lia ndilomba harara navo mu madiku gaaza, Mwami Nyasaye avoora: Ndaviika malago gange mu mioyo jaavo; kandi ndang'oda mu zing'anagani ziavo.”