Tsing'ano 3:1 - KITABU KITAKATIFU

¹ Mwana wange, utivilira miigizu gange mba. Ing'inga yoosi wizulizi agangovoolera okole.

Tsing'ano 3:1 Iomraidhean Croise

Zaburi 119:11

Ndaviika lilaga liilio mu mwoyo gwange, kunangwa mburi kokora vwoni ku ivi.

Zaburi 119:153

O, Yahova, henza ku vusaliri vwange na ombonyie, kigira si nziviriraa amalago googo mba.

Zaburi 119:16

Nyanzilira malago googo ligali; sinyala kwivilira malago googo mba.

Zaburi 119:176

Ng'endagenda yiyi ni yiyi kuli ligondi liagota; hamba onzenye inzi mutumikiri woovo, kigira ngikiri kwivilira amalago googo mba.

Zaburi 119:34

Ombe limanyiriza, kunangwa nduuki kuliinda amalago googo; kandi nduuki kugahulira nu mwoyo gwange gwosi.

Zaburi 119:61

Avandu vadamanu vamali kondega mutego, navuzwa si ndivilira amalago googo mba.

Zaburi 119:93

Inzi sindaleka amigizu googo kali hakuzu, kigira umali kongola mbe mwoyo mugo.

Zaburi 91:16

Ndavaha madanyi gi livamwoyo lia madiku manyingi kandi ndavahonyia.”

Kutwula 20:6

Navuzwa ndolekizaa uvuyanzi vwange ku zielefu zia makura aga yavo avanyanzaa nokolonda amalago gange.

Tsing'ano 1:8

Mwana wange, huliriza amigizu ga baba woovo na mama woovo.

Tsing'ano 16:31

Lihindira liveeye madanyi ga vandu valungi; zimbuzi ziveeye itaji yu vukumi.

Tsing'ano 2:1

Mwana wange wigi agangwigizaa, kandi utivilira agangovoolera okole mba.

Tsing'ano 23:26

Mwana wange huliriza kandi uvuguli limenya liange live amigizu kuive.

Tsing'ano 31:5

Lwavanwezaa iwaini vivilira malago kali valeka kuduukiza lienya liavandu.

Tsing'ano 4:2

Gamwigizaa gaveeye malahi, muduukana mugizulizi goosi.

Tsing'ano 4:21

Utagaleka gatuli kuive mba. Ugizulizi, ma ugaviiki mu mwoyo gugwo.

Tsing'ano 4:5

Onyoore ovogeri kandi limanya liu musi linyingi, utivilira anoho kusuura gambolaa mba.

Tsing'ano 8:1

Hulira! Vogeri vulangirizaa. Limanyiriza ligiinga mwoyo.

Tsing'ano 9:1

Mundu wo vogeri yumbaka inyumba yeeye, ma aviikaku zitiru saba.

Isaya 51:17

O, Jerusalemi, vuka! Vuka ivi mwene na usingiri vulungi! Ivi umali kunywa kutula mukekombe cha mageri icha Yahova amali kukuha mu vutima vwivwe; lwa mwakinywa mwagoyana.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Hosea 4:6

Avandu vange vadiviziywi kigira sivamanyiriza inzi mba. Munyi avasaalisi mumali kusuura kumanyiriza inzi kandi mumali kusuura miigizu gange, kandi kunangwa inzi musuyi kandi sindamanyiliza avana vinyu kuli avasaalisi vange mba.

Kwidzulitsa 4:23

Mwilindi munyi aveene, kandi mutivilira lilagana lia Yahova Nyasaye winyu yalomba ni munyi mba. Muhuliri lilaga lilie kandi mutelombera kifananyi ku choosi chavazwa cha Yahova Nyasaye winyu yagaya mba;

Kwidzulitsa 4:9

Mwilindi ligali munyi aveene, muvuli kwivilira ing'inga yoosi ya muveeye mwoyo viamumali kolola. Muvoolere avana vinyu kandi aviisukulu vinyu

Kwidzulitsa 5:16

“Muhaane luyali ku vababa vinyu na vamama vinyu kuli Inzi Yahova Nyasaye winyu ndamulaga kunangwa viosi viduuki kuva vulahi ku munyi kandi kunangwa muduuki komenya ing'inga indambi mu kivala cha Inzi Yahova Nyasaye winyu muheezaa.

Kwidzulitsa 5:33

Mugalonde goosi kunangwa vindu viosi viduuki kuva vulahi ku munyi kandi kunangwa muzizagiliri komenya madiku manyingi mu kivala cha muzizaa kuvugura.

Kwidzulitsa 8:1

“Muhuliri amalago goosi aga mali kuhaana ku munyi kalunu, kunangwa muduuki komenya, nokomedeka kuva vanyingi, kandi muvuguli kivala cha Yahova yasuuviriza avaguuga vinyu.