Tsing'ano 29:1 - KITABU KITAKATIFU

¹ Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Tsing'ano 29:1 Iomraidhean Croise

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

1 Avami 18:18

Elija yativura “Inzi simbeeye mudambizi mba. Ni ivi harara na baba woovo avaveeye vadambizi. Ivi uvula kuhulira malago ga Yahova nukusigamira vifananyi via Baali.

1 Avami 20:42

Muporofeti yavolera mwami Ahabu, “Yili nilio likuva lia Yahova; ‘Ivi waali kulakula mundu wa inzi ndalaga yiitwi. Kulwa yaga, galava ndi ulatuunga livamwoyo liilio kigira livamwoyo lilie, vandu vovo kigira avandu veve.’ ”

1 Avami 22:28

Mikaya yativura, “Niiva ulirana nimirembe, Yahova siamolomi kuvitira mu inzi mba!” Kandi yameda kovora, “Muhulirizi, mundu sa mulala, ku ga mali kovora!”

2 Kyetsinyinga 25:16

Navuzwa lwa yaali nakemoloma, mwami Amazia yamuvolera, “Kwa kokora ivi kuva mugelihizi wu mwami? Lekera komoloma, anoho ndakwiita!” Muporofeti uyu yalekera kumoloma, navuzwa inyima wo kovora, “Kalunu mali kumanya ndi Nyasaye umali kusaavira kukudiviza kigira ivi umali kokora yaga goosi, kandi umali kusura amigizu gange.”

2 Kyetsinyinga 33:10

Yahova yiganihiza Manase na avandu veve, navuzwa vasuura kuhulira.

2 Kyetsinyinga 36:13

Zedekia yibaala ku mwami Nebukadineza, uwaali naamunigi yisuhi mu lieta lia Nyasaye ndi alava musuuvirifu kuye. Kigira kirage chiche ya suraa kwiganira kandi kwirana ku Yahova Nyasaye wa Isiraeli.

Nehemia 9:29

Ivi waviganihiza vaatia amigizu googo, navuzwa vigingira kandi nivavula kuhulira malago googo. Vakora uvwoni ku malago googo, agahana livamwoyo niva umundu alagalinda. Mu liegingira liavo nilindinya magoti gaavo vasuura.

Ayubu 9:4

Nyasaye aveeye mugeri kandi aveeye wi zinguru. Nivwaha unyala kuhing'ana na Nyasaye ma aguuti?

Kutwula 9:7

Mwami yateeva ichaali nichekoleki, na yavolerwa ndi umutugu kali mulala gwa vandu va Isiraeli sigukuzi ku mba. Navuzwa yadinyia umwoyo, gwigwekandi navula koleka avandu vazie.

Tsing'ano 28:14

Aveeye nuvugasu mundu utizaa Yahova kazozo, navuzwa oyo oveeye ni kirage aladivizwa.

Tsing'ano 28:18

Mundu oveeye mulungi alahonywa kutura muvudinyu, navuzwa oyo utaveeye musuuvirifu alagwa mu liliina.

Tsing'ano 28:28

Lwa vandu vachamu vanyoola uvwami avandu vivisa, navuzwa lwa vachamu vadivaa, vandu avalungi vamiiha kandi.

Tsing'ano 6:15

Kigira yaga, kivi kiladuuka kuvo vugira kumanya, nonoho valadivizwa ligali.

Isaya 28:22

Mutaseki lieganihiza lia muheezaa mba! Niiva mulakola ndio, vulave vudinyu ligali ku munyi kohononoka. Mali kuhulira litovola lia Yahova Wuvunyali aganagana kudiviza kivala choosi.

Isaya 48:4

Inzi ndaamanya ndi munyi mulaloreka kuva avahindagirizi, kandi avi mitwi midinyu kuli kivia kandi mugasa.

Jeremia 14:19

Yahova, ivi umali kusuura Ivuyuda ligali? Umali kudunyira avandu va Ziyoni? Kigira ki ivi umali kusaliriza kunyi vudamanu ligali na si kunyala kohona mba? Kwahenzelera mirembe, navuzwa kindu kilahi si chekoleka mba. Kwegomba kohonywa, navuzwa mu vogono vwene yivwo litihiza liaza.

Jeremia 17:23

Avaguuga vaavo siyahulira anoho si vaatia lilago liange mba, navuzwa vaali avadinyu; sivenyaa kutia anoho kwiga kutura ku inzi mba.

Jeremia 36:31

Ndakahaane amageri ku ivi, visukululwi vivio, kandi avanene vovo kigira uvwoni vwa mumali kokora. Ivi anoho avandu va Jerusalemi ni Ivuyuda si mwahulira lieganihiza liange mba. Kulwayago, ndakaleteku munyi vosi kivi cha mali koleta kuli litihiza.”

Habakuk 2:7

Navuzwa mukikiri ku gaamanya, munyi avandu vamali kuguuta vandi, mulava ni ligovi kandi mulakanigwi kutunga vukala. Avasigu valaza kumudegeliza. Valamuhira mu vuhaambe!

Yohana 13:18

“Yaga simbolanga ku munyi vosi mba. Inzi ndaamanya yavo avandatovola. Navuzwa gaduukanaa gadukizwi kuli Amang'oda Matakatifu gavoora, ‘Oyo waalia harara nainzi ugirung'ani kuva musigu wange.’

Yohana 13:26

Yeso yativura, “Oyo wanaambe ketonge chu mugadi cha ndongelizi mu bakuli yu munyu, niyie.” Kunangwa, yavugula ketonge chu mugadi, nadongeliza mu bakuli, naha Yuda, Mwana wa Simoni Esikarioti.

Vikolwa 1:18

Mumanyi kuli mundu uyu yaagula mulimi na mabese ka yanyoora kutura ku madanyi gu vwoni vwivwe. Yagwa hasi, naatulika, kandi viumunda vivie viosi viasalika.

Vikolwa 1:25

avuguli vwiyangu uvwu vutumiki vu vutumwa yivu, vwa Yuda yaleka, nazia ha yenyeka ave.”

1 Vatesalonike 5:3

Lwa vandu vava nivakevoola ndi, “Jiveeye mirembe kandi vindu viosi viveeye vulahi kandi liveeye lielemeriza,” nonoho kivi kilakaduuki kuvo vwangu kuli lilumwa liduka ku mukali oveeye inda, kandi avandu si vahononoka ligali mba.

1 Samweli 2:25

Niiva mundu yonera mundu wundi, Nyasaye anyala kumukinga navuzwa nivwaha unyala kukinga mundu wonera Yahova.” Navuzwa sivahulira livoora lia baba wavo mba, kigira Yahova yaali nasaviiyi kuvita.

1 Samweli 2:34

Lwa vayaayi vovo vombi, Hofini na Finiasi vakuza ku lidiku lilala, yiki kilava kelolero kukumanyia ndi goosi aga mali kovora galadukizwa.