Tsing'ano 28:10 - KITABU KITAKATIFU

¹⁰ Niiva ulimilira mundu mulungi kokora vudamanu, ulagwa mu mutego gugwo, navuzwa avandu vataveeye nimbala valanyora miandu milahi.

Tsing'ano 28:10 Iomraidhean Croise

Zaburi 139:24

Ombeenze na olole niiva uvudamanu vwosi voveeye mu inzi na unzimiliri munzira ihindiraa mihiga ni mihiga.

Zaburi 37:11

Navuzwa avandu vaveeye avahoma valanyora miandu ji kivala, kandi valamenya mu mirembe, nu kusangalira linyola lie miandu milahi ja Yahova.

Zaburi 57:6

Inzi mbeeye mukivi, kigira avasigu vange vamali kotega mutego gwu kung'umira. Vayavi iliina munzira yange, navuzwa yavo aveene vamali kugwa mulio.

Zaburi 9:15

Avandu vi zihiiri vamali kugwa mu vogo vwa veene vayava, vamali kuhambwa mu mutego gwa aveene vatega.

Tsing'ano 10:3

Yahova sialaleka vandu valungi vave ninzara mba, navuzwa alakinga vachamu kuvula konyoora viavenyaa.

Tsing'ano 15:6

Avandu valungi vaviika vutugi vwavo lwu vudinyu vuduuka.

Tsing'ano 2:21

Avandu valungi kandi vasuuvirifu, valamenya mu kivala chietu yiki.

Tsing'ano 21:20

Avandu vovogeri vamenya mu miandu kandi muvutugi, navuzwa vandu vasiru vatumikira mabese gaavo goosi nonoho lwa vaganyoola.

Tsing'ano 26:27

Avandu vategera vandi mitego vagimilwa ni mitego jaavo. Mundu utangiza kogomogominya ligina, limwilaniraa ma limusionolanyia.

Tsing'ano 28:18

Mundu oveeye mulungi alahonywa kutura muvudinyu, navuzwa oyo utaveeye musuuvirifu alagwa mu liliina.

Kohelethu 10:8

Oyo ulimaa liliina, alakagwi mulio. Enzoka ilakalumi oyo uvitira mu lidigi.

Matayo 6:33

Kunangwa mwenye kutanga uvwami vwa Nyasaye, nu vulungi vwivwe; na ivindu yivi viosi muladasirwa.

Vagalatia 2:4

kali niiva valala venya akevwe. Amakuva yaga gaatulira kigira avalala ku avaamitu vingira mu kiduma chiitu machiriri kuli vatunyirizi vaduuki kutunyiriza ovovonolore vwitu vwa koveeye navwo kuvitira mu Kristo Yeso. Venya kokokola kove avatugwa.

Vahebraina 6:12

Kunangwa sikwenyaa munyi muve vagata, navuzwa muve kuli yavo avasuuviraa kandi vaveeye viikuziri, kandi ndio vanyoore yivio via Nyasaye amali kusuuviriza.

1 Petro 3:9

Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga.

Likunula 2:14

Navuzwa mbeeye na amakuva makekeeke madamanu ku ivi: vaveeye ho na avandu valala ku munyi avalondaa amigizu ga Balaamu, uwigiza Balaki kuli anyala kwimilira vandu Vaisiraeli muvwoni lwa yavavolera valie ichukulia kehevwa imisaambwa kandi kokora voheyi.

1 Samweli 26:19

Mwami munene wange, huliriza ku cha nyenya mbore? Niiva ni Yahova okoli ivi unzikiruki, ikihaanwa kuye kilamukola agirung'anyie zing'anagani zizie; navuzwa niiva na vandu vakoli yaga, kilaamo cha Yahova kivagwiri. Kigira vamali kungunga kutura mu kivala cha Yahova kuzia mu kivala uwa inzi nyara vuzwa kusigamira vanyasaye vageni