Tsing'ano 28:1 - KITABU KITAKATIFU

¹ Avandu vachamu virukaa lwu mundu atavakunga, navuzwa vandu valungi vaveeye valuviliri kuli isimba.

Tsing'ano 28:1 Iomraidhean Croise

1 Avami 1:49

Maku avageni va Adonija vaali nuvuti ligali, kandi vosi vasingira nivatura, sa mulala nazia kunzira yeeye mwene.

2 Avami 7:15

Vasaza vazia kali kuduuka ku mugera gwa Jorodani. Valora zinguvu ni vindu via vandu va Siria vaang'araa lwa virukaa. Viraana nivavolera mwami.

Nehemia 6:11

Navuzwa ndamutivulira, “Inzi simbeeye mundu uwirukaa nukuzia kwivisa mba. Uganaganaa ndagerizi kohonyia livamwoyo liange ku lievisa mu Litembeli? Sindakola ndio mba!”

Ayubu 15:21

Liyoga lie litihiza lilakuba lwanga mu matu geege, na aviivi valamwingilira lwa aganagana aveeye mu likingwa.

Zaburi 112:7

Siaveeye nuvuti konyoora amakuva madamanu mba; Lisuuvira lilie liveeye liezingulu kandi asuviraa mu Yahova.

Zaburi 53:5

Navuzwa valatiihizwa ligali, kali kuvita kuli lwa vaali maziambiri, kigira Nyasaye alasaranyia ivigumba via avasigu va vandu veve. Nyasaye umali kuvasuura, kandi avandu va Isiraeli valavaguuta ligali.

Zaburi 53:6

Inzi ndakayanzi ndi uvuguuti kutura Ziyoni kuzia ku avandu va Isiraeli. Vulakave vusangali ki ku vandu va Isiraeli, lwa Nyasaye alivalomba kuva nu vutugi kandi!

Kutwula 11:8

Musa yamaliriza ku livoora ndi, “Avatumikiri vovo vosi valakaze kwinama imbiri wange, na valakandeve mbuguli avandu vange vosi nu kuzia navo. Inyima wayaga ndakatuli.” Maku mu vutima vonene Musa yatura ku Mwami.

Tsing'ano 10:9

Avandu vaveeye avasuuvirifu vaveeye mu mirembe kandi mu likingwa, navuzwa vandu vataveeye avasuuvirifu valanyooleka.

Tsing'ano 27:27

Zimburi zitigaye zilakuha maveere harara na vinyumba yooyo kandi ku vatumikiri vovo vi kikali.

Isaya 30:17

Avandu 1,000 ku munyi valiruka zimbiru ligali lwa valora musikari mulala musigu, kandi avasikari 5 vuzwa valamuloomba mwosi kwiruka zimbiru ligali; kali mulala sialatigala ku vandu viliihi lienyu, nigataveeye musaala gwembendera gweng'ine kusonga yi kiguru!

Isaya 7:2

Lwi likuva liaduuka ku mwami wi Ivuyuda ndi, amahi ga Siria gaali ni gaveeye mu kivala cha Isiraeli, oyo harara na vandu veve vosi vatimukwa engolo nokodegera kuli misaala jihunguzwa nimbuuza.

Jeremia 20:4

Yahova mwene avooye, ‘Ndakokola ove mutiihizi ku avalina vovo vosi kandi ku ivi mwene, kandi avasigu vaavo valitirwa mu vulwani imbiri woovo. Nziza kuviika avandu vosi vi Ivuyuda mu vwamihi vwu mwami wa Babiloni; alavugula avandu valala avahili mukivala cha Babiloni kuli avahambe na avandu vandi alavita.

Kyavalevi 26:17

Ndamugirung'ana kunangwa muguutwi kandi yavo vamudunyira valamwamiiha. Mulatihizwa ligali na muliruka lwa hataveeye ho nu umundu umukunga.

Kyavalevi 26:36

“Ndakora yavo ku munyi avaveeye mu kivala chovogeni, vizuri vuti vonene ligali kali liyoga lie liitu lihuuzwa ni imbuza lilamukola mwiruki zimbiru. Mulanyagula kuli vakungwa mu vulwani; kandi mulagwa lwu musigu ataveeye himbi ni munyi.

Vikolwa 14:3

Kunangwa Paolo na Baranaba vazizagilira komenya yo ku ing'inga indambi ni vilwaza nu vuluviliri makuva gu Mwami Yeso. Mwami naye yalolekiza agiligali gi likuva lia vilwaza, lie zimbavasi zizie, ku livaha zinguru zio kokora vilolekizu kandi viokogenyia.

Vikolwa 4:13

Lwa avakulundu vi kiyaalo valora vuluviliri vwa Petero na Yohana, vagenya ligali, kigira vamanya ndi vaveeye avandu va kazozo avatali ni lisoma liosi. Kandi vamanyiriza ndi avandu yava vaali harara na Yeso.

Kwidzulitsa 28:25

“Yahova alakola vasigu vinyu va muguuti. Mulavingilira kutura mulovega lulala, navuzwa mu liruka kutura kuvo mu zimbega saba, kandi avandu vosi vu mulirova valadegerizwa lwa valora ichekolekaa ku munyi.

Kwidzulitsa 28:7

“Yahova alaguuta avasigu vovo lwa vakwingilira kutura lovega lulala, navuzwa viiruki kutura mu zimbega saba.

1 Vatesalonike 2:2

Munyi mumanya kuli kwaali ni kusaliriziywi kandi ni konyegeywi mu Filipi nikukiri kuuza ku munyi mu resalonike. Kali niiva vuhing'ani vonene vwali ho, Nyasaye wiitu yakuha uvuluviliri kumuvolera Ivangeri yeeye.