Tsing'ano 26:24 - KITABU KITAKATIFU

²⁴ Mundu mwigadi avisaa vusigu vwivwe mu makuva geege guvugadi.

Tsing'ano 26:24 Iomraidhean Croise

Litanga 34:13

Avayaayi va Yakobo vaativulira Shekemu na baba weve Hamori mu liiva liuvugadi kigira Shekemu yaali naviiki Dina mbozo wavo muzisoni.

2 Samweli 13:26

Maku Abisolomu yavoola, “Niiva ivi mwene si ulaaza, mwaza leka amwavo wange Amunoni yaaze ni kunyi.” Mwami yamuteeva, “Kigira ki azie harara nivi?”

2 Samweli 13:27

Navuzwa Abisolomu yaazizagilira kumugoonya ligali kuduuka mu limalirika Daudi yaleka Amunoni na vayaayi vandi vosi ni vazia na Abisolomu. Abisolomu yalomba lilia linene ligali, ilidukanaa nu mwami munene;

2 Samweli 20:9

Joabu yavolera Amasa, “Oveeye ndi, mulina wange?” Joabu yagumira zinderu zia Amasa numukono mulungi aduuki kumuvusa.

Nehemia 6:2

Kunangwa Sanibalati na Geshemu vaandumila amakuva okombolera ndi, “Hamba kwagaane harara mu lilala ku tudaala twu mu Livona lia Ono.” Navuzwa yigu gwaali mutego gwaavo gwokogeriza kusaliriza.

Zaburi 12:3

O, Yahova, kiringanyia vandu vavola uvugadi yava! Uhanyie minwa jimolomaa amakuva gu kwigingira nukovola.

Zaburi 28:3

Utangalagira harara na vachamu, kandi harara na yavo avakolaa uvudamanu avandu va makuva gaavo gaveeye guvulina navuzwa uvusigu voveeye mu mioyo jaavo.

Zaburi 41:6

Oyo uzaa kondola, siaveeye umusuuvirifu mba. Avungiza makuva madamanu kigira inzi maku atulaa ichova nukugalandiza havundu hoosi.

Tsing'ano 10:18

Uyu uvisaa lidunyira lilie aveeye muvehi; na oyo ulandizaa makuva gavuzwa aveeye musiru.

Tsing'ano 11:1

Yahova adunyiraa vandu vatumikira vigero viuvugadi, navuzwa aveeye nuvuyanzi ni vigero viagiligali.

Tsing'ano 12:17

Lwaovolaa geligali, vulungi vwekoleka, navuzwa vovehi voletaa gataveeye amalungi.

Tsing'ano 12:20

Yavo avalohizaa vudamanu valanyora vwangu guvutima, navuzwa yavo avayinziraa vulahi valanyora vusangari.

Tsing'ano 12:5

Avandu avalungi valakokolera vulahi, navuzwa vandu vachamu valenya kukugada.

Tsing'ano 14:8

Mundu mugeri atumikilaa ovogeri vwivwe kolola inzira yeeye, navuzwa vusiru vwu musiru vumuganda.

Tsing'ano 23:7

Avoora, “Hamba uvuguli chukulia kindi,” navuzwa siavolaa geligali mba. Siaganagana nindio aveeye.

Jeremia 9:4

Mugelihi ku avalina vinyu; mutasuuvira avamwavo vinyu mba. Vuli amwavo aveeye umuvehi, kandi vuli mundu aginaa nu mulina weve.

1 Samweli 18:17

Maku Saolo yavolera Daudi, “Mukaana wange munene Merabu aveeye hano. Ndamuhaana ku ivi kuli mukali woovo ku livugilirizana ndi undumikiri kuli musikari muluviliri kandi musuuvirifu kandi ulwaane uvulwani vwa Yahova.” Saolo yaali naganagana ndi, munzira yiyi avandu va Filisitia valiita Daudi, vugira oyo kumwita.