Tsing'ano 25:12 - KITABU KITAKATIFU

¹² Mundu mugeri niyiganihiza mundu oveeye ni lienya kuhulira aveeye vulahi kuvita ebede yizahabu anoho magina guvuguli galombeywi kutura kuzahabu indahi ligali.

Tsing'ano 25:12 Iomraidhean Croise

2 Samweli 1:24

“Munyi avakali va Isiraeli, musiomere Saolo! Yamuvika zinguvu zinzakanyu ziuvutugi, kandi yavika izahabu ku zinguvu, kandi yaasiaha zinguvu zienyu ni vindu vie zahabu kandi magina guvuguli.

Ayubu 28:17

Izahabu anoho magina gi chelolero sivinyala koleng'anywa navwo mba kandi sivunyala kukiranywa niviju viezahabu indahi mba.

Ayubu 42:11

Maku avamwavo na vavoozo, na valina va Ayubu vosi, vazia kumugeniha nivalia harara naye nivasaangala munyumba yeeye. Vamanyia liverera liavo ku Ayubu ni vamuleminya mwoyo ku vudinyu vwosi vwa Yahova yaali naleti kuye. Sa mulala yamuha mabesa ni mingiri yi zahabu.

Zaburi 141:5

Mundu mulahi alahaana amageri ku inzi kandi alang'ondokera mu vulahi, navuzwa si ndavugilira uluyali kutura ku vandu vadamanu mba, kigira inzi saalaa kazozo ku vikolwa viavo vidamanu.

Kutwula 32:2

Haruni yavavolera, “Tulizi zimingiri zie izahabu ziveeye mumatu ga vakana na vayaayi vinyu kandi avakali vinyu, mundeetere.”

Kutwula 35:22

Vandu vosi vaali nilienya, vombi avakali na vasaza, valeta magina guvuguli, zing'ano ziosi, zimingiri ni viju vindi viosi viezahabu. Vuli mundu yaleeta kindu chi zahabu kuva ikihaanwa ku Yahova.

Tsing'ano 15:5

Voveeye vusiru koleka ga baba woovo yakwigiza; ni vulahi kuvugilira miigizu geege.

Tsing'ano 20:12

Yahova yakuha zimoni kolola kandi amatu kuhulira.

Tsing'ano 9:8

Utagondokera mundu mwelori mba, alakuduunyila. Navuzwa nogondogera mundu oveeye nilimanya alakwegehizila.

Kohelethu 7:5

Nivulahi mundu kuhulira lieganihiza liu mundu mgeri kuvita kuhulira lwimbu lwa vandu vasiru.

Ezekieli 16:12

Ndaamuha viuma viumumuulu kandi viuma viumumatu ni igudwa indahi yukwivika.

Matayo 12:35

Mundu mulahi aleetaa ivindu vilahi kutura mu livikiru lilahi liumwoyo gwigwe; kandi umundu mudamanu atulizaa amadamanu kutura mu livikiru liu uvudamanu vwu mwoyo.