Tsing'ano 24:23 - KITABU KITAKATIFU

²³ Avageri vavoola vindu yivi kandi; sivoveeye vulahi avakalagi kuva ni liyaanzilira avadamanu mba.

Tsing'ano 24:23 Iomraidhean Croise

2 Kyetsinyinga 19:7

Kunangwa kalunu, muhaane ku Yahova luyali, mwilindi ku goosi aga mukoraa, kigira Yahova Nyasaye wiitu sialiikuzira ku lichaminya uvulungi, anoho liyanzilira magondo mu likalaga, anoho livugula vikukula.”

Ayubu 13:8

Mulayanzilira kovoora agaveeye malungi imbiri wa Nyasaye? Kandi mulamoloma kumiveera mu kiyaalo?

Zaburi 107:43

Vosi avaveeye avageri, vaganagane ku makuva gi vindu yivi; kandi vaduuki kuganagana ku vuyanzi vwa Yahova vutaveeye ne keheri.

Tsing'ano 1:6

kunangwa aduuki kumanyiriza vivuni viaviswa viu musi vie zing'ano kandi gaturaa ku vandu vovogeri vatangia.

Tsing'ano 18:5

Sivoveeye vulahi kuyaanzilira mundu mudamanu nu kwigalira mundu utaveeye nimbala konyoora vulungi mba.

Tsing'ano 22:17

Huliriza na nda kwigiza aga vandu avageri vamali kovora. Ohenzerizi amigizu gaavo,

Tsing'ano 28:21

Kuva ni liyaanzilira sivoveeye vulahi mba, navuzwa konyoora viambeti vikekeke mundu akolaa vudamanu.

Hosea 14:9

Yavo avaveeye novogeri gavadukiraa vamanyirizi vindu yivi, kandi vaviviki mu zing'anagani ziavo. Kigira zinzira zia Yahova ziveeye zinungi. Avandu vaveeye avoni valikigitara kandi valagwa. Avandu vaveeye avalungi valangenda kuzio.

Kyavalevi 19:15

“Muve vasuuvirifu kandi avalungi lwa muva nimuhaanaa likalaga mu viyaalo mutamanyia lieriza anoho liyaanzilira vadaka kandi mutatia vatugi mba.

Yohana 7:24

Muleke kukalagira avandu kolondekana ni liloleka lie ichova, navuzwa mukalage likalaga lia muloraa ndi liveeye lia agiligali.”

Kwidzulitsa 1:17

Mutamanyia liyaanzilira lovega lulala mu likalaga lienyu mba. Mukalagiri mundu sa mulala keleng'ani; kali ave nivwaha, munene anoho mukekeeke. Mutatia mundu kali mulala mba, kigira likalaga lia muhaanaa litulaa ku Nyasaye. Niiva likuva liosi liveeye lidinyu kumunyi mulileete kuinzi, na ndalikalaga.’

Kwidzulitsa 16:19

Mutachaminya uvulungi! Mutamanyia liyaanzilira vandu valala kuvita avandi mulikalaga mba! Anoho mutavugilira kuvugura viambeti mba, kigira viambeli vivakulizaa zimoni kali zia avageri kandi avasuuvirifu, vichaminyaa amakuva gu mundu mulungi mu kiyaalo.

Yakobo 3:17

Navuzwa ovogeri vuturaa igulu, voveeye vulahi mulitanga ku viosi; voveeye vwi mirembe kandi, vwovohocha, kandi vwu vulina; vwokoleeta avandi ahimbi, vwizuyi zimbavasi na kandi vwama amakuyu gi vikolwa vilahi; uvutaveeye ni lieriza kandi uvugadi.

1 Petro 1:17

Munyi mumulangaa Baba, lwa musaala ku Nyasaye, oyo ukalagiraa avandu vosi, kolondekana ku ne kegero kilala. Kunangwa mumenye mu lirova linu ni muhaanaa uluyali ku Nyasaye.