Tsing'ano 24:12 - KITABU KITAKATIFU

¹² Unyala kovora yaga ngamanyi mba, navuzwa Nyasaye yamanya, kandi akalagira lienya liilio. Akohenzerizaa kandi yamanya. Alakuha amadanyi kolondekana ni miyinzi jijo.

Tsing'ano 24:12 Iomraidhean Croise

Ayubu 34:11

Nyasaye ahaanaa madanyi ku vandu kugavakolaa kandi avakolera kuli gavadukiraa vakolelwe.

Zaburi 121:3

Sialaleka ugwi mu kivi mba. Mukingi woovo sialagona zindoolo mba.

Zaburi 121:8

Alakukinga lwa uturaa ichova kandi lwa wingiraa, kalunu kandi mihiga ni mihiga.

Zaburi 17:3

Ivi umanya mwoyo gwange ligali ivi umali kuuza ku inzi mu vudiku; ivi umali kombenzeriza ligali. Na uvuli konyoora likayirwa lidamanu mu inzi. Inzi simolomaa uvudamanu kuli vandi vakora mba.

Zaburi 44:21

ivi Nyasaye wiitu waali unyala kumanya, kigira ivi umanya zing'anagani zietu ziu muvuvisi.

Zaburi 62:12

kandi ndi uvuyanzi uvutali nekeheri voveeye uvwivwe. Ivi umwene, O, Yahova, utunganga sa mulala amadanyi kolondekana ku vikolwa vivie.

Zaburi 66:9

Nyasaye umali kuhaana livamwoyo ku kunyi, kandi siakuviiki mu lidiva mba.

Zaburi 7:9

Ivi Nyasaye oveeye mulungi, kandi umanya zing'anagani zietu ziosi ni likayirwa lietu. Heriza uvudamanu vwa vandu vadamanu kandi uhaane madanyi malahi ku valungi.

Zaburi 94:9

Nyasaye yalomba amatu giitu, alavula kuhulira? Yalomba zimoni zietu, alavula kolola?

Tsing'ano 12:14

Amadanyi googo galondekanaa na makuva googo govoora na gokolaa; ulanyora gaduukanaa niive.

Tsing'ano 16:2

Unyala kuganaganyia ndi viosi viokolaa viveeye vilahi, navuzwa Yahova akalagira zing'anagani zizio.

Tsing'ano 21:2

Unyala kuganagana ndi kindu choosi chokolaa keveeye kilungi, navuzwa wizulizi ndi Yahova yamanya gaveeye mu mioyo jietu kandi nu mukalagi wilienya liilio.

Tsing'ano 5:21

Yahova alolaa vindu viosi via okolaa. Hauzia hoosi, akohezaa.

Tsing'ano 5:22

Uvwoni vwu mundu muchamu voveeye mutego. Agumililwa mu muluvu gwu vwoni vwivwe.

Kohelethu 5:8

Utagenya lwa olola vwamihi nivudambizaa vadaka kandi ni vuvagayaa konyoola vulungi ni lienya liavo mba. Mwimiliri oveeye munene akingaa vuli mwimiliri wundi oveeye hasi kuye, na vimiliri yava vombi vakingwa nu mwimiliri oveeye igulu kuvo.

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Jeremia 32:19

Olomba lilohiza lie zing'anagani kandi okolaa vindu vie zinguru; ololaa vindu viosi via avandu vakora, kandi uvahezaa madanyi kolondekana ni vikolwa viavo.

Lisyoma lya Jeremia 3:36

Yahova yamanya lwi likalaga lirungi lichaminywa mu kiyaalo.

Danyeli 5:23

Oveeye ni liegingira ku Yahova wu mwigulu, kandi wavugula viju kutura munyumba ya Nyasaye wavileeta imbiri woovo. Wavihaana ku vandu vu munyumba yu vwamihi, avakali vovo kandi vakali vovo vaviika vanweramu iwaini. Wizominya avanyasaye valombwa kutura ku ifeza, izahabu, magina gu mugasa, vivia, misaala kandi magina; vanyasaye vatalolaa anoho kuhulira anoho vatamanyi, navuzwa si wahaana luyali ku Nyasaye oveeye ni litovola ku limenya anoho likuza mba; kandi oveeye nu vunyali ku vindu viosi via okolaa.

Matayo 16:27

Umwana wa Adamu aveeye ahimbi kuza mu vukumi vwa Baba weve harara ni zingelosi veve; kandi ahene yaho alatungaa vuli mundu kolondekana ku vikolwa vivie.

Vikolwa 17:28

Mundu mulala yavoola, ‘Muye komenyaa kandi koveeye mwoyo, kogenda, kandi koveeye ho!’ Gaveeye kuli avalala ku vandu vinyu vavoola, ‘Kunyi koveeye avana veve.’

Varumi 2:16

Ku lwa yago, kolondekana ku Ivangeri ya nzilwazaa, nindio galiva ku Lidiku yilio lwa Nyasaye kuvitira mu Kristo Yeso, alikalagira zing'anagani ziaviswa ziosi zia vandu.

Varumi 2:6

Mu lidiku yilio, Nyasaye alakatungi vuli mundu woosi kolondekana ku miyinzi jije.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

2 Vakorintho 5:10

Gakuduukiraa kunyi kwosi kusingira imbiri wendeve ya Kristo yi likalaga, na mundu sa mulala aduuki konyoora likalagirwa kolondekana na malahi, anoho amadamanu ga yakola mu livamwoyo liu muviri gwigwe.

Likunula 1:18

Mbeeye oveeye mwoyo! Ndaali ni ndaakuza, navuzwa, kalunu mbeeye mwoyo mihiga ni mihiga. Mbeeye nu vunyali ku likuza kandi ku kivala chavakuzu.

Likunula 2:18

“Ng'odera engelosi wi likanisa liveeye Ziatira: “Yaga nigo amakuva gu Mwana wa Nyasaye, izimoni zizie ziakaa kuli lomemo lwumuliru, kandi wi zinduvatiru zizie zing'ereng'ana kuli mugasa gusiyiywi.

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.

Likunula 22:12

Yeso avoora, “Hulira Inzi nziza vwangu! Mbeeye na amadanyi gange, kutunga umundu sa mulala kolondekana ni miyinzi jije.

1 Samweli 16:7

Navuzwa Yahova yamuvolera, “Utahenza ku vutambi kinga ku vulahi vwi ligondo lilie mba. Mali kumusuura, kigira inzi sindora kuli mundu alolaa mba. Umundu aheenzaa ku ligondo liukwiigulu, navuzwa inzi mbenzaa ku mwoyo.”

1 Samweli 2:3

Lekera lieyizominya, leka limoloma liilio liu kwigingira. Kigira Yahova aveeye Nyasaye oveeye nilimanya, kandi akalagaa vindu viosi via vandu vakora.

1 Samweli 2:6

Yahova yitaa kandi yilanyaa livamwoyo. Atumaa avandu kuzia mu kivala chavakuzu kandi aviranyia.

1 Samweli 25:29

Niiva mundu alakwingilira na agerize kukwita, Yahova Nyasaye woovo alakohonyia, kuli mundu ulindaa livikilu lia vuguli vonene. Kolovega lwa vasigu vovo, Yahova alavasiuva ihale kuli mundu utumikira mugoye gwo lokova kulasa ligina.