Tsing'ano 22:7 - KITABU KITAKATIFU

⁷ Mundu mutugi yamiha mundu mudaka, na uyu wegobaa aveeye mutugwa wu mwegobizi.

Tsing'ano 22:7 Iomraidhean Croise

2 Avami 4:1

Mukunzakali mulala ku vu muganda gwa vaporofeti yazia ku Elisha namuvolera, “Mwami wange, musaza wange yakuza! Kuli ivi umanyi, yaali mundu watia Nyasaye, navuzwa kalunu, umuvazi weve yaazaa kuvugura avayaayi vange vaviri kuli avatugwa veve.”

Tsing'ano 14:31

Mundu udambiza vadaka alegeliza Nyasaye wavalomba, navuzwa oyo oveeye ni zimbavasi ku vadaka ahaanaa luyali ku Yahova.

Tsing'ano 18:23

Lwa vandu vadaka vamoloma, gavadukiraa vasave mu ligoonya kandi mugalaha, navuzwa lwa vandu vatugi vahaana mativuli, vaveeye nu vululu.

Tsing'ano 22:16

Mundu udambiza vadaka kunangwa aduuki komeeda uvutugi vwivwe, kandi oyo uhaanaa kihanwa kumutugi vombi valagwa vadaka.

Tsing'ano 22:22

Utanula mudaka kigira aveeye mudaka mba, anoho utavadambiza mu kiyaalo mba.

Isaya 24:2

Vuli mundu alava ni kivi kilala chere: avasaalisi navandu, avatugwa na vanene vaavo, avaguli navagulanyi, avegobizi na vegobaa, avadaka na vatugi.

Amosi 2:6

Yahova avoora, “Avandu va Isiraeli vamali kokora uvwoni haali kanyingi, na kigira yaga ndavaha amageri ligali. Vaguliza avandu vasuuvirifu avatanyala kutuunga magovi ga vandu, avadaka avatanyala kali kugura kali kilato cheng'ine muvutugwa.

Amosi 4:1

Muhuliri likuva yili, munyi vakali va Samaria, avaveeye vakomelu kuli zing'ombe zia Bashani; avanyangizaa avadedekere nu kudambiza avadaka, avavoolera avasaza vaavo, “Muleete malwa kunwi kuhambiki!”

Amosi 8:4

Hulira likuva yili, munyi avakiranyi avadambizanga nokogeriza kudiviza avandu vadaka mu kivala, nukuvasunda kuduuka ku keheri chi lirova.

Amosi 8:6

Kunyala kuguliza ingano itali indahi ku vuguli vwi igulu. Kulanyoola mundu mudaka utanyala kutuunga magovi geege, kali utanyala kutunga uvuguli vwi kilato na kulamugula kuli umutugwa.”

Matayo 18:25

Mundu oyo siyaali ni kindu chu kutunga mba. Mwami weve yaatuliza lilago agulizwi harara nu mukali weve kandi vana veve, ni vindu viosi via yaali navio, ligovi liduuki kutungwa.

Yakobo 2:6

Navuzwa munyi muchayaa avadaka! Vatugi nivo vamudambizaa kandi vamuhira mu viyaalo imbiri wa avakalagi. Avatugi!

Yakobo 5:1

Kalunu, munyi avandu avatugi, mumbulirizi! Mukubi zikwiri kandi musiome, kigira ikivi kiiza kumugwila.

Yakobo 5:4

Mukikiri kutunga imituungu josi ja avandu avayinziraa mu milimi jinyu. Huliri ku lielilira liavo kigira munyi! Lilira liayavo avagesaa mumilimi jinyu, Nyasaye Wuvunyali kuhulira.