Tsing'ano 22:23 - KITABU KITAKATIFU

²³ Yahova alasingilira kiyaalo chavo, kandi alalanya yavo avalanyaa avadaka.

Tsing'ano 22:23 Iomraidhean Croise

Zaburi 103:6

Yahova akalagira avadambi ni likaraga liu vulungi kandi avaheezaa uvulungi vwavo.

Zaburi 12:5

Yahova avoora, “Navuzwa kalunu inzi ndaza, kigira avadaka vadambizwa, kandi avasalirizwa vakenya mu vuzunu. Inzi ndavaha likingwa liavenyaa.”

Zaburi 12:6

Makuva ga Yahova gaveeye giligali kandi gukusuuvirwa, gaveeye agiligali kuli izahabu isiyirwa mu kisambiru haali saba.

Zaburi 140:12

Inzi manya ndi Yahova akingaa lienya lia vadambizwa. Kandi ahaanaa likalaga liu vulungi ku vadaka.

Zaburi 140:13

Avalungi valizominya ivi ligali; avasuuvirifu valamenya imbiri woovo.

Zaburi 35:1

O, Yahova, uhiing'ane na yavo avahing'anaa ninzi, ulwaane yavo avalwaanaa ninzi!

Zaburi 35:10

Ndavolera Yahova nu mwoyo gwange gwosi, “Sihaveeye ho nu mundu mulala kuli ivi, O, Yahova! Ivi ukingaa avadedekere kutura ku yavo avizingulu, na avadaka kutura ku vadambizi.”

Zaburi 43:1

O, Nyasaye, unandizi kuva vugira vudamanu; kandi osoore ku yavo avatamanyi ivi, ombonyie kutura ku avandu vagadi kandi avadamanu.

Zaburi 68:5

Nyasaye, omenyaa mu Litembeli lilie litakatifu, aveeye mulindi wa vavisandu kandi mukingi wavakunzakari.

Kutwula 22:22

Mutakoleri mukunzakali anoho muvisandu uvudamanu woosi mba.

Kutwula 22:23

Niiva mulakola ndio, inzi, Yahova, ndavativulira lwa vanira ku inzi mbakonye,

Tsing'ano 21:7

Vandu vachamu valadiva kolondekana ni kirage chavo, vasuura kokora vulungi.

Tsing'ano 23:11

Yahova aveeye mukingi wavo wizingulu kandi alavoora makuva gaavo mu kiyaalo kigira ivi.

Isaya 33:1

Kivi keveeye kumunyi avadiviza, na munyi aveene mukikiri kudivizwa; munyi avagaadi vu mundu akikiri kumugadaa. Lwa mumala kolekera kudiviza mulakadivizwi kandi lwa muduuka ku keheri chu vugadi, munyi kandi mulakagadwi.

Jeremia 30:16

Navuzwa kalunu, vosi avamudiviza navo kandi ndavadiviza, kandi avasigu vinyu vosi valahirwa ihale kuli vahambe. Vosi avamudambizaa navo kandi valadambizwa, kandi vosi avamuranya navo valaranywa kandi.

Jeremia 50:34

Navuzwa mulala uwaza avasoole aveeye nizinguru wi lieta lilie liveeye Yahova Wuvunyali. Mwene alavakolera kekolwa nokoleta milembe ku kivala, navuzwa uvudinyu vulava ku vandu va Babiloni.”

Jeremia 51:36

Kunangwa, Yahova yavolera avandu va Jerusalemi ndi, “Ndavugura lienya lienyu, na ndavanza kisaalia ku avasigu vinyu ku goosi gavakolaa ku munyi. Nduminyaa ivisenukiru via mazi ga Babiloni kandi ndakora migera josi kwuma.

Mika 7:9

Kigira ku mali kumwonera Yahova, kunangwa kuliekuzira ku vutima vwivwe vululu; kuduuka lwa akukinga mu kiyaalo change nukukukalagira. Alaandeta ichova mu vulavu, kandi ndalora ovohonyi vwivwe.

Habakuk 2:8

Mwalanya vandu vi zihiiri zinyingi, navuzwa kalunu yavo avamali kohononoka valamulanya kigira vulumindi vwamwakola kandi kigira kivihiri cha mukoleraa vandu vi kivala na madaala manene.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

1 Samweli 24:12

Yahova akalage hagati hange niivi nivwaha ku kunyi oveeye mudamanu! Yahova ahane ku ivi amageri kigira likora liilio ku inzi, navuzwa inzi sindakusaliriza kali hakuzu mba.

1 Samweli 24:15

Yahova alakakalage, kandi alakalole nivwaha ku kunyi oveeye mudamanu. Yahova aheenze mu makuva yaga, ma yangingi kandi yaambonyie kutura ku ivi.”

1 Samweli 25:39

Lwa Daudi yahulira ndi Nabali umali kukuza, yavoola, “Yahova yizominywi! Umali kuvaanza kisaalia ku Nabali kigira linyega kandi umali kunzigalira inze mutumikiri weve mburi kokora vudamanu. Yahova umali kuha Nabali amageri kigira vudamanu vwivwe.” Maku Daudi yatuma avateevi ku Abigaeli mbula aduuki kumuvugula ave mukali weve.