Tsing'ano 21:27 - KITABU KITAKATIFU

²⁷ Yahova siayanzilira visiuviliru via vandu vachamu mba, siaviyanzilira ligali niiva valahaana niliiva liu vudamanu mba.

Tsing'ano 21:27 Iomraidhean Croise

Tsing'ano 15:8

Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

Tsing'ano 28:9

Niiva siulatia malago ga Nyasaye, sialavugilira lisaala liilio mba.

Tsing'ano 7:14

“Mali kuhaana kihanwa change kalunu kandi mbeeye ninyama kutura ku visiuviliru.

Kohelethu 5:1

Ohenze vogeri lwa wingira mu Litembeli lia Nyasaye. Voveeye vulahi kwingira mu nu kwiga kuvita kuhaana visiuviliru kuli vandu vasiru vakora, vandu vatamanyi vulungi nu vudamanu.

Isaya 66:3

“Avandu vakora kuli vayaanza. Gaveeye malala meere kuvo, niiva vita igiriki kuli kisiuviriru anoho vavunanyie ligoti lie imbwa; niiva valahaana kihanwa chuvuswage anoho vahane masahi gi inguruvi; vahaana kimuli anoho vasaale ku kifananyi gaveeye malala meere kuvo. Yee, vasangalira mu zinzira ziavo ziukusigamira zielivihiliriza.

Jeremia 6:20

Simbugilira ku kimuli chamundetera kutura Sheba anoho ivindu vifunya umwayu kutura mukivala chihale mba? Sindavugilira zisadaka ziavo anoho sindayanzilira ivisiuviliru viavo mba.

Livalidza 16:15

Musa yaali nu vutima na yavolera Yahova, “Utavugilira vihaanwa via vandu yava valeta mba. Inzi ngikiri kwonelaku mundu woosi kuvo mba; kali ngikiri kuvugura ku kali ndala ku zibunda ziavo mba.”

Matayo 23:13

“O, vayaye, kilaamo keveeye ku munyi, avigizi vi Lilaga kandi Avafarisayo! Avagaadi munyi! Kigira muhanaa ikiliango chingira mu Vwami vwu mwigulu mu zimoni zia avandu, navuzwa munyi aveene si mwingira mu mba, anoho si muhaanaa uvwiyangu ku yavo avagerizaa kwingira mu mba!