Tsing'ano 20:30 - KITABU KITAKATIFU

³⁰ Liduywa lisalirizaa litulizaa vudamanu, likuywa lie zimbimbu likolomba kuva mulahi mugati mu mwoyo.

Tsing'ano 20:30 Iomraidhean Croise

Zaburi 89:32

hene yaho, ndavaha amageri kigira uvwoni vwavo, ndavakora vasaaliri kigira uvudamanu vwavo.

Tsing'ano 19:25

Mundu mwigingiri gamuduukira ahevwe mageri, kunangwa vandu vatamanyi kindu choosi kuduuka vigi. Niiva oveeye mugeri uliga lwa wigizwa.

Tsing'ano 22:15

Uvusiru vwayizula mumwoyo gwumwana, navuzwa imbimbu yukuhaana mageri ilatuliza uvusiru muye.

Tsing'ano 27:6

Unyala kusuuvira mulina uhaanaa mageri ku ivi kukwigiza navuzwa livuusa liu musigu liveeye vugadi vuzwa.

Isaya 27:9

Navuzwa uvwoni vwa Isiraeli vulakasamifwi vuzwa lwa magina guvwaali vwi vifananyi galisievwa kuli ichoka, kandi uvwali vwi vimuli anoho vifananyi viu munyasaye wikikali Ashera vilivula kulekwa.

Isaya 53:5

Navuzwa yatumitwa kigira uvwoni vwitu. Yaasalirizwa kigira uvudamanu vwitu. Ku lihevwa mageri lilie, kunyi konyoole livamwoyo, ku likuywa lilie, kunyi kohoni.

Vahebraina 12:10

Avababa viitu vakuha mageri ku ing'inga ngekeeke kuli vayaanza. Navuzwa Nyasaye akohezaa amageri kuduuki kuva avasangi mu vutakatifu vwivwe.

1 Petro 2:24

Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.