Tsing'ano 2:22 - KITABU KITAKATIFU

²² Navuzwa Nyasaye alatulizaho vandu vachamu kandi avoni kutura mu kivala kuli misaala jifwaa kutura mu marova.

Tsing'ano 2:22 Iomraidhean Croise

1 Avami 14:14

Yahova azizaa kuviika mwami ku Isiraeli waza aviiki keheri ku vwamihi vwi nyumba ya Jeroboamu.

1 Kyetsinyinga 10:13

Kunangwa Saolo yakuza kigira livula kuva musuuvirifu ku Yahova. Yatinguha malago ga Yahova. Yageriza konyoora zing'anagani kutura ku roho wa vakuzu

Ayubu 21:30

Ku lidiku lia Nyasaye aveeye nu vutima nukuhaana mageri, umundu mudamanu niyie ohonyiangwa kutura mu kivi.

Zaburi 104:35

Leka avoni vadivizwi kutura ku lirova; leka avachamu vavuli kuva ho. Nzizominyaa Yahova nu mwoyo gwange gwosi. Yahova yizominywe!

Zaburi 145:20

Yahova alindaa yavo vosi avamuyanzaa, navuzwa aladiviza avachamu vosi.

Zaburi 37:20

Navuzwa avachamu valakuza; avasigu va Yahova valatulaho kuli vimuli viumaa ma vitulaho, kandi kuli umwochi gu vuuya, magukama.

Zaburi 37:22

Yavo vosi ava Yahova yagasiza, valamenya mu kivala mihiga ni mihiga, navuzwa yavo avalaamwa valatulizwa mu kivala cha avasuuvirifu.

Zaburi 37:28

Yahova ayaanza likalaga lirungi kandi sialekaa avasuuvirifu veve mba. Alavalinda mihiga ni mihiga. Navuzwa avandu vadamanu alavatuliza mu kivala cha avasuuvirifu.

Zaburi 52:5

Kunangwa Nyasaye alakudiviza mihiga ni mihiga; nu kukutuliza munyumba yooyo, alakutuliza mu kivala cha vandu vaveeye mwoyo, kandi alakudiviza ligali mihiga ni mihiga.

Zaburi 52:7

“Heenzi mundu uyu si yenya kweleda ku Nyasaye amusoore mba, navuzwa yasuuvira mu vutugi vwivwe ovonene, kandi yenya uvuhaliru mu vutugi vwivwe.”

Tsing'ano 10:30

Vandu valungi valakingwa ing'inga yoosi, navuzwa vandu vachamu sivalamenya mukivala mba.

Tsing'ano 11:3

Niiva oveeye mulungi wimilirwa na giligali, navuzwa avandu vataveeye vasuuvirifu uvugadi vwavo vulavadiviza.

Kwidzulitsa 29:20

Yahova sialasamiiha mundu kuli uyu. Mu vogono yivwo, vutima vusamba vwa Yahova vulaaka kuye, kandi kivi chi vilaamo viosi viang'odwa mu kitabu yiki vilamugwira kuduuka lwa Yahova asiminya lieta lilie kutura mu lirova yili.

Kwidzulitsa 29:28

Yahova yiiha avandu yava kutura mu kivala chavo nilivihilirwa linene kandi nu vutima vululu ligali, naavasiuva mukivala kegeni, kandi vaveeye uwene yeyo kuduuka kalunu.’

Kwidzulitsa 7:22

Yahova Nyasaye winyu alakunga zihiiri yizio imbiri winyu kuduuka lwa muvingilira. Si munyala kuvadiza vosi ku ing'inga ndala mba, gase livaliza liezinyama ziu mbulimu limeedeka kuva linyingi ma geve vuhimwa vwu kutihiza ku munyi.