Tsing'ano 19:17 - KITABU KITAKATIFU

¹⁷ Mundu nahaana vindu vivie ku vadaka, gaveeye kuli kwegobiza Yahova, na Yahova alakwilanyira.

Tsing'ano 19:17 Iomraidhean Croise

2 Samweli 12:6

Kigira likora inguuva ndamanu yiyi, kuduuka atuungi haali kane kuli yavugula.”

Zaburi 41:2

Yahova alamukinga kandi alalinda livamwoyo lilie, alamugasiza alamuha uvuyanzi mu kivala chiche. Sialamuleka agwi mu zinguru zia vasigu veve mba.

Zaburi 72:13

Averereraa avadedekere navadaka ahonyia livamwoyo lia yavo avaveeye mu vudinyu.

Tsing'ano 12:14

Amadanyi googo galondekanaa na makuva googo govoora na gokolaa; ulanyora gaduukanaa niive.

Tsing'ano 14:21

Mundu uchayaa mutende weve akolaa uvwoni, navuzwa aveeye nu vugasu oyo oveeye nizimbavasi ku vadaka.

Tsing'ano 14:31

Mundu udambiza vadaka alegeliza Nyasaye wavalomba, navuzwa oyo oveeye ni zimbavasi ku vadaka ahaanaa luyali ku Yahova.

Tsing'ano 22:9

Mundu oveeye muhaani alagasizwa kigira ahaanaa viukulia vivie ku vadaka.

Tsing'ano 28:27

Mundu uhaanira ku vadaka, sialadaka mba, navuzwa oyo wivisaa kutura ku vadaka vandu vanyingi valamulaama.

Tsing'ano 28:8

Mundu onyoora vutugi vwivwe mulimeeda vukala, avungizilaa oyo oveeye ni zimbavasi ku vadaka.

Kohelethu 11:1

Koveeye ni livoora lia makuva ndi, “Usiuvi viukulia vivio ku mazi, na inyima wi ing'inga idukanaa, ulavinyoola kandi.”

Kohelethu 11:2

Ugavuli via oveeye navio ku vandu saba anoho munane, kigira siunyala kumanya kindu kidamanu kizizaa kwekoleka mu kivala yiki mba!

Matayo 25:40

Mwami alakavativuliri, ‘Muvooleraa, choosi cha mwakolera mulala ku avamwavo vange avakeekeke yava, mwakolera inzi!’

Luka 6:38

Muhaane ku avandi, kunangwa munyi muhevwe na Nyasaye. Yee, ligali mulanyola kegero kilahi chi gatiywi nukusung'uswa kuduuka kulisalika kilakaviikwi mu makono ginyu. Kigira kegero cha mutumikiraa kogerera mu avandi nicho cha Nyasaye alitumikira kumugerera.”

Kwidzulitsa 24:19

“Lwa muva nimugesaa viukulia mu milimi jinyu kandi mwivilire viganda viuvuswage via mugesi, mutirani kuvivugula mba, muvileke kigira avageni, avavisandu anoho avakunzakali; kunangwa Yahova Nyasaye winyu aduuki kumugasiza mu miyinzi jamakono ginyu josi.

Vafilipi 4:17

Sigaveeye nyenya vuzwa konyoora ivihaanwa, navuzwa nyenya kolola ivikolwa ivilahi nivimedekaa ku ga mumali.

Vahebraina 6:10

Nyasaye siaveeye vugira vulungi mba! Sialivilira miyinzi jinyu ja mwakora, anoho vuyanzi vwinyu vwa mwalolekiza kuye novokoonyi vwa mwaha vandu va Nyasaye kandi mu kihaanaa ku Avakristayo vache vinyu, ma mukizizagiliraa kokoonya Avakristayo vache vinyu.