Tsing'ano 17:23 - KITABU KITAKATIFU

²³ Vakalagi vadamanu vavugilira vaimbeti mu vwivisu, sivakora vulungi mba.

Tsing'ano 17:23 Iomraidhean Croise

Kutwula 23:8

Mutavugilira kuvugura viambeti, kigira iviambeti vikoola avandu kuvula kolola agaveeye amalungi kandi vidivizaa vandu valungi.

Tsing'ano 17:8

Avandu valala vaganaganyia ndi viambeti viyinzira kuli vukumu, vasuviraa vinyala kokora kindu choosi.

Tsing'ano 18:16

Kihanwa chu mundu kimwiguliraa viliango vinyingi kandi kimwimiliraa kuduuka imbiri wavandu avanene.

Tsing'ano 21:14

Kihanwa chu muvwivisu kehozerizaa vutima; kandi viambeti viumuvwivisu vihomatizaa vutima vululu.

Kohelethu 7:7

Lidambiza lilomba mundu mugeri kuva musiru kandi viambeti viononyia zing'anagani.

Isaya 1:23

Aviimiliri vovo vaveeye aviibaali kandi avalina va aviivi; vuli kazozo vavugilira kuvugura vihaanwa kandi viambeti. Sivakingaa avavisandu mu viyaalo mba anoho lwa avakunzakali vahaana livaala lie kiyaalo chavo mba.

Isaya 5:23

Navuzwa kigira viambeti, mulakula yavo avamahiolo vazie, na mwigalira utaveeye nimbala kuvula kunyoola likalaga liu vulungi.

Ezekieli 22:12

Valala ku munyi vahevwa mitungu vaduuki kwita. Valala vatungiza vukala vunyingi kuliegobiza liavakola ku vandu va Isiraeli nokonyoora vutugi kigira litungiza linyingi kuvo. Vamali kunzivilira.” Yahova Wuvunyali umali kovora.

Ezekieli 22:27

Vimiliri vuvwamihi vaveeye kuli vivwi vitanduranyia mu vidonye zinyama ziavamali kwita. Varumindaa kunangwa vanyoore vutugi.

Mika 3:11

Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Mika 3:9

Mumbulirizi, munyi avamihi va Isiraeli, munyi avadunyiraa likalaga liuvulungi nukuchaminya malungi kugwa amadamanu.

Mika 7:3

Vosi vaveeye nilimanya liokokola uvudamanu; aviimiliri na vakalagi vetegeki vahevwe viambeti. Avanene vizingulu vaniga kohevwa via venya; kulwayago valohiza harara okokora uvudamanu.

Kwidzulitsa 16:19

Mutachaminya uvulungi! Mutamanyia liyaanzilira vandu valala kuvita avandi mulikalaga mba! Anoho mutavugilira kuvugura viambeti mba, kigira viambeli vivakulizaa zimoni kali zia avageri kandi avasuuvirifu, vichaminyaa amakuva gu mundu mulungi mu kiyaalo.

1 Samweli 12:3

Mbeeye hano. Niiva ndamala kokora kindu kidamanu choosi, munzaale kalunu imbiri wa Yahova kandi imbiri wu mwami wamali kotovola. Ni eng'ombe ya vwaha kinga ni ibunda ya vwaha ya ndavugura kuzinguru? Nivwaha wa ndaga vindu vivie, anoho wa ndadambiza? Nivwaha wa ndavugura ku viambeti nduuki kuhaana likalaga litali lirungi? Niiva ndaakola kilala ku vindu yivi, ndirana kutunga cha ndaavugura.”

1 Samweli 8:3

Navuzwa vayaayi veve sivalonda mwima gwigwe mba; vaali vuzwa nu mwoyo gwu kwenya mabese; kunangwa vavugura viambeti na sivakalaga viina nu vusuuvirifu mba.