Tsing'ano 17:17 - KITABU KITAKATIFU

¹⁷ Mulina amanyia vuyanzi vuli ing'inga, navuzwa amwavo aveeye ho kokonya ing'inga yu vudinyu.

Tsing'ano 17:17 Iomraidhean Croise

2 Samweli 1:26

“Inzi mbereraa kigira ivi, amwavo wange Jonazani Ivi oveeye wukuyaanziza ku inzi! Uvuyanzi vuvwo ku inzi vwali vwokogenyia; uvulahi ligali kuvita uvuyanzi vwa vakali.

2 Samweli 15:21

Navuzwa Itai yativura, “Mwami wuluyali wange, nzisuha ku ivi mu lieta lia Yahova ndi inzi ndazia nivi kazozo hoosi ha uzia, kali niiva galava ilikuza anoho livamwoyo.”

Esther 4:14

Niiva ulachiring'ana ku ing'inga kuli yiyi, ovokonyi vulatula muligulu ku Avayuda, na valahonywa, navuzwa ivi ulakuza, navinyumba ya baba woovo valaherizwa. Nitali ni vwaha umanyi hawundi ivi wakolwa mukali wu mwami ku kivuni keveeye ho ing'inga yinu!”

Tsing'ano 16:28

Avandu vachamu valandiza makuva gavuzwa, vatangiza kirage kandi vagotiza vulina.

Tsing'ano 18:24

Vaveeye ho avandu valala avigadaa kuva avalina, navuzwa aveeye ho nu mulina wahimbi ligali kuvita amwavo woovo.

Tsing'ano 19:13

Mwana musiru aleteraa baba weve lidivizwa. Mukali murembani aveeye kuli mazi gatonyatonya do-do-do.

Tsing'ano 19:7

Kali aviiko vu mundu mudaka sivaveeye no vokonyi naye mba; siliveeye lio kugenyia kigira avula valina mba. Kali agelize ndi, sianyola mulina ku lovega lwilwe mba.

Vahebraina 2:11

Oyo atakasaa vandu kutura muvwoni vwavo, kandi yavo avakolwa avatakase, vosi vaveeye na Baba mulala. Yiki nicho kigira Yeso nataveeye nizisoni kuvalanga avamwavo veve.

Ruth 1:16

Navuzwa Ruzi yativura, “Utaaniga ngoleke mba! Leka nzie harara nivi. Hoosi ha uzia inzi kandi ndazia ho; hoosi ha omenya, inzi ndamenya ho. Avandu vovo valava avandu vange, na Nyasaye woovo alava Nyasaye wange.

1 Samweli 18:3

Hene yaho, Jonazani yalomba lilagana liemihiga ni mihiga na Daudi kigira yamuyanza kutura musi mwu mwoyo gwigwe.

1 Samweli 19:2

kandi Jonazani yamuvolera, “Baba wange agerizaa kukwita. Mwaza nuyanza ove manyo mugambazuri; wivise havundu hatamanyikani na omenye ho.

1 Samweli 19:3

Ndazia kusingira na baba wange mu mulimi aha waza ove nuwivisi kandi naamolome naye amakuva googo. Niiva nyora kindu ku choosi kutura kuye ndaaza ngovolere.”

1 Samweli 20:17

Jonazani yisuuhiza Daudi ing'inga ya kaviri ku vuyanzi vwa yamuyanza, kigira Jonazani yayanza Daudi kuli yiyaanza.

1 Samweli 23:16

Jonazani yazia yo kuye naamudinyiriza nukumusuuviriza kigira likingwa lia Nyasaye,