Tsing'ano 16:7 - KITABU KITAKATIFU

⁷ Niiva ulayaanziza Yahova, ulalomba vasigu vovo kuva valina.

Tsing'ano 16:7 Iomraidhean Croise

Litanga 27:41

Maku Esau yaduunyira Yakobo amwavo weve, kigira baba weve yaali naamugasizi. Yaganagana ndi, “Ing'inga yu kusiomera likuza lia baba wange eveeye ahimbi; maku inzi ndakiti Yakobo.”

Litanga 32:28

Mundu uyu yavoola, “Kutura kalunu lieta liilio si ulalangwa Yakobo mba, navuzwa ulalangwa ‘Isiraeli’ kigira ivi umali kulwaana na Nyasaye kandi na vandu, na umali kuguuta.”

Litanga 33:4

Navuzwa Esau yanyagula kuzia kumwaganira, namukumbela kandi naamuvusa. Vosi vaalira.

2 Kyetsinyinga 17:10

Yahova yalomba uvwami vwakumbiriza Ivuyuda vwosi ukutia kulwaana nu mwami Jehoshafati.

2 Kyetsinyinga 20:30

Kunangwa, mwami Jehoshafati yamiha mu mirembe, kigira Nyasaye weve yamuha ovososi ku zimbega ziosi.

Ezara 8:36

Kandi vaavugura malago gu mwami yaali navaheeye, nivagahaana ku vamiihi kandi avanene vi kivala keveeye Imadioli wu mugera gwa Efurate. Maku vamanya kandi nivahaana ovokonyi vwavo ku vandu kandi ku Litembeli.

Zaburi 69:31

Yaga galayaanziza Yahova kuvita kumuha zing'ombe, kuvita kuhaana igiriki imbindira kuli kisiuvilu chu kusambwa.

Kutwula 3:21

“Inzi ndakora vandu va Egebeti vahane uluyali ku munyi ulwa muva nimutulaa mu kivala zana simulazia makono meere mba.

Tsing'ano 16:8

Ni vulahi kuva ni vikekeke vionyooye mu vusuuvirifu, kuvita kunyoola vinyingi vitaveeye viu vusuuvirifu.

Tsing'ano 3:17

Ovogeri volomba limenya liilio kuva nuvuyanzi, kandi vukwimiliraa mu mirembe.

Jeremia 15:11

O, Yahova, viramo viavo viosi vive via agiligali niiva si ndaakutumikira vulahi mba, kandi niiva si ndaagoonya ivi mu vogono vwa avasigu vange vaali mu vudinyu kandi mu kivi.

Jeremia 39:12

“Zia wenye Jeremia, umbuguli ma umulindi vulahi ligali. Utamusaliriza mba, navuzwa umukolere kolondekana ni lienya lilie.”

Jeremia 42:12

Kigira inzi nu wi zimbavasi, ndakora mwami wa Babiloni kuva ni zimbavasi ku munyi kandi aleke mwilane mukivala chiinyu. Inzi Yahova mali kovora.’

Danyeli 1:9

Nyasaye yakola Ashipenazi kumanyia Danieli liyaanzilira kandi zimbavasi.

Varumi 8:31

Kunangwa ku vindu yivi kovoole ki'? Nyasaye naveeye kolovega lwiitu, nivwaha unyala kukuhingira'?

Vafilipi 4:18

Yee, mali konyoora ivindu viosi viamumali kuhaana ku inzi, kandi ni ivinyingi kuvita lienya liange. Mali kuvinyoora kuvitira mu amakono ga Epafurodita. Vihaanwa yivi viveeye kuli kihanwa kifunyaa umwayu umulahi ku Nyasaye; kandi viveeye isadaka indahi ivugilirwa nu kuyaanziza Nyasaye.

Vakolosai 1:10

Maku mulamenya mu liiva liu Mwami yenya kandi mulakola ikiyaanzizaa umwami kazozo. Mu limenya lienyu liosi mulakola zing'ano ziosi zie vikolwa vilahi, kandi mulaviruka mu limanya Nyasaye.

Vakolosai 3:20

Munyi avana, muhuliri aviivuli vinyu mu vindu viosi, kigira yaga nigo gayaanziza Nyasaye.

Vahebraina 13:21

Nyasaye wi mirembe amukole muve avadukiru mu vindu viosi vilahi via mwenya, kunangwa muduuki kokora uvulariri vwivwe; kandi kuvitira mu Yeso Kristo akole mu kunyi imbiri weve. Uvukumi vove kuye mihiga ni mihiga. Amini.

1 Petro 3:13

Nivwaha unyala kumusaliriza, niiva muveeye avaguru kokora agaveeye amalungi?

1 Yohana 3:22

Kunangwa viosi viakusaala kuye, kuvinyooraa, kigira kuhuliraa amalago geege, kandi kokoraa vindu vimuyaanzizaa.