Tsing'ano 16:5 - KITABU KITAKATIFU

⁵ Yahova adunyiraa mundu woosi oveeye mwelori, na sialahononoka kohevwa mageri mba.

Tsing'ano 16:5 Iomraidhean Croise

Ayubu 40:12

Yee, henza ku avigingiri na uviikizi hasi; duvulanyia vachamu havundu ha vasingira.

Kutwula 20:7

“Mutatumikiri lieta liange vuzwa mba, kigira Inzi, Yahova Nyasaye winyu, ndahaana amageri ku mundu woosi utumikira lieta liange vudamanu.

Tsing'ano 11:21

Ove ni lisuuvira ndi avandu vadamanu valanyora mageri, navuzwa valungi valahononoka.

Tsing'ano 16:4

Vindu viosi via Yahova yalomba viveeye nekeheri cha vio, ne keheri chu mundu mudamanu ni kudivizwa.

Tsing'ano 16:6

Utie kandi ove musuuvirifu na Nyasaye alakusamiiha vwoni vuvwo. Utie Yahova nu uvudamanu vwosi sivulekoleka ku ivi mba.

Tsing'ano 6:29

Yaga gaveeye vuzwa madamanu kuli musaza okolaa ovoheyi nu mukali wu musaza wundi. Oyo okolaa yaga, alakahevwe mageri.

Tsing'ano 8:13

Kusuura vudamanu ni kuhaana ku Yahova luyali; ndasuura kwelola nu kwigingira, ni zinzira zindamanu na makuva go vovehi.

Isaya 2:11

Ing'inga yiza lwu luyaayi lwu mundu lulakahere, kandi liegingira liu mundu liradivizwa. Maku Yahova yeng'ine alakahevwe luyali.

Isaya 2:12

Ing'inga yene yeyo, Yahova Wuvunyali alakagehize vosi avizingulu, kandi yavo vosi vikirage ni liegingira.

Isaya 3:11

Navuzwa avandu vadamanu valadivizwa; agavakolera avandi, navo kandi valakolerwa ndio.

Jeremia 13:15

Avandu va Isiraeli, Yahova amali kovora! Mwegehizi kandi mumuhuliri.

Yakobo 4:6

Navuzwa zimbavasi zia Nyasaye akohezaa ziveeye ni zinguru ligali kuli Mang'oda Matakatifu gavoora, “Nyasaye ahingiraa avigingiri, navuzwa ahaanaa, zimbavasi ku vegehiza.”