Tsing'ano 16:24 - KITABU KITAKATIFU

²⁴ Amakuva malahi gaveeye kuli vwuki, gaveeye amalahi ku kuhulira, kandi malahi ku vulamu vwu muviri gugwo.

Tsing'ano 16:24 Iomraidhean Croise

Zaburi 119:103

Amigizu googo gaveeye manolu ligali - amanolu ligali kali kuvita uvwuki!

Zaburi 19:10

Likalago yili liegombangwa ligali kuvita izahabu indahi ligali; liveeye linolu kuvita uvwuki vulahi ligali.

Tsing'ano 12:18

Amakuva madamanu gatumitaa kuli kivavi, navuzwa makuva gavoolwaa no vogeri gahonyia.

Tsing'ano 15:23

Ni vusangali ki konyoora makuva gaduukanaa mung'inga idukanaa!

Tsing'ano 15:26

Yahova adunyiraa zing'anagani zindamanu, navuzwa ayanziliraa makuva malahi.

Tsing'ano 17:22

Kuva nu vuyanzi kolomba mundu kuva nu vulamu. Kuduunya ing'inga yoosi ni likuza liagalaha.

Tsing'ano 23:16

Ndava niliegingira lwambulira nomoloma makuva govogeri.

Tsing'ano 27:9

Maguta gu mwayu ni kimuli vikoleteraa uvuyanzi mumwoyo, navuzwa uvudinyu vwononyaa elielemeliza lie zing'anagani.

Tsing'ano 3:8

Niiva ulakola ndio, lulava kuli ulunyasi lulahi olohonyia zingwagu kandi olososizaa uvuzunu vuvwo.

Tsing'ano 4:22

Galahaana livamwoyo no vulamu ku oyo ugahuliraa.

Kohelethu 12:10

Mwilwazi yageriza kwenyaa makuva gu kuleminya mwoyo, navuzwa makuva ga yang'oda gaali giligali.

Lwimbu lwa Solomoni 4:11

Muyanze wange, munwa gugwo gotonyatonya vonolu kuli, maveere nu vwuki viveeye kululimi lulwo. Lulimi lulwo loveeye kuli lizazama lia maveere kandi vwuki ku inzi. Nu muhomo gwi zinguvu zizio goveeye kuli gwa Lebanoni.

Jeremia 15:16

Ivi wamoloma ninzi na ndaahuliriza vuli likuva liilio. Inzi mbeeye woovo, Yahova Nyasaye Wuvunyali, kunangwa makuva googo galeetanga vusangali kandi uvuyanzi mu mwoyo gwange.

Kwidzulitsa 32:2

Amigizu gange galakuba kuli zingelegeliza ziembula kandi limoloma liange litonyatonye ku lirova kuli lime, Makuva gange galaaza kuli lunyilira ku vitagwa vidoto, kuli ulunyilira ku uvunyasi vodotodoto.

Likunula 10:10

Ndaavugura akatabu kakuzuzu zana kutura mu mukono gwengelosi yeyo kandi ningalia. Kali akanolu kuli uvwuki mu munwa mwange, navuzwa lwa ndaamara kukamila, kagilungana nikagwa kalulu munda.